Indayang uratiang bebaosan sane mapaiketan ring pidarta puniki!

cecirennyane:

1)      Pidarta sane kabaktayang nenten nganggen naskah utawi sang sane kasudi nadaksara kajudi mapidarta.

2)      Kalaksanayang rikala memadik anak luh utawi bebaosane kalaksanayang ring anak nganten.

3)      Maosang indik sapunapi anake ring grahasta asrama

nganutin ceciren punika, pidarta sane kalaksanayang punika ngranjing ring….

Indayang uratiang punggelan pidarta ring sor puniki!

Inggih Ida dane sareng sami sane dahat kusumayang titiang.   Sane mawinan kedeh manah titiang jagi ngaturang pidarta indik segara kerti  pinaka bantang atur, duaning akeh panggihin titiang pikobet-pikobet sane mapaiketan ring segara. Indayang mangkin ida dane macacingak, ring  makudang-kudang wewidangan segara sane wenten  ring Jembrana puniki, kahananyane  mangkin sayan-sayan ngawisianin.  Manut gatra sane maosang,  pikobet punika nenten ja sios wantah  leluu plastik sane wenten ring  segarane. Napi  malih yening masan sabeh, pastika leluu plastik sakadi pembungkus ajeng-ajengan, botol yeh mineral, taler sampah rumah tangga sane siosan kabakta olih blabare ngintangin tukad-tukade, nyantos rauh ring segara.

…………………………………..

Manur daging pidarta punika, unteng sane kabaosang inggih punika….

Daweg nglaksanayang Projek P5 ring kelas, silih sinunggih sisisa SMP Negeri 1 Melaya makarya pidarta indik “kampanye Anti Bullying”. Pidarta punika kabaktayang ring ajeng kelas. Rikala maktayang pidarta, Jeni pinaka perwakilan kelas VIII 8 maktayang pidarta nenten nganggen naskah utawi ngapalang. Manut tata cara mapidarta sane kabaktayang olih Jeni ngranjing teknik….

Bu Dian guru basa Bali. ring materi pidarta, Ibu Dian ngicenin alit-alite conto tata cara maktayang pidarta. Rikala maktayang pidarta punika Bu Dian waged pisan maktayang pidarta. Penghayatan sane kabaktayang olih Bu Dian prasida nuek pikayun sang sane mirengang. Yening selehin, penghayatan ring pidarta punika kabaos….

Ring peplajahan basa Bali, sisia kelas VIII kaicen tugas makarya pidarta. Rina jagi makarya pidarta indik Stop Bullying ring sekolah. Sane patut kalaksanayang olih Rina sadurung makarya pidarta inggih punika….

Indayang uratiang punggelan pidarta ring sor puniki!

Inggih, Ida dane sareng sami sane wangiang titiang. Yening cutetang titiang daging pidarta puniki kapertama ngiring kawitin kawentenan segara druene sane sayan cemer antuk parilaksana sane mapawirang ring segara. Kaping kalih, mangda segara nenten mauwah dados baya miwah wisya, ngiring iraga sareng sami ngraksa segara druene sapanjang yusa malarapan antuk ngamargiang loka dresta, desa dresta, miwah kula dresta sarahina-rahina. Kaping tiga elingan iraga masarira manusa patut nyaga kawentenan segara punika sane kadasarin antuk Tri Pramana.  Inggih  ida dane sareng sami, wantah asapunika mungguing atur pidartan titiang.  Antuk sakancan kakirangannyane, titiang nunas agung rna pangampura.

……………………….

Manut punggelan pidarta punika, ketahnyane kaunggahang ring….

Inggih, Ida dane sareng sami sane wangiang titiang. Yening cutetang titiang daging pidarta puniki kapertama ngiring kawitin kawentenan segara druene sane sayan cemer antuk parilaksana sane mapawirang ring segara. kruna pacutetan manut punggelan lengkara ring ajeng madue arti….

Ring rahina purnama, para kramane nglaksanayang persembahyangan ring pura Puseh. risampuna wusan muspa, Dane jero mangku mapikayun jagi ngicenin para pemedek sareng sami inggian dana punia. Bebaosan sane kalaksanayang oleh dane jero mangku punika ngranjing ring….

Ring acara wanti warsa  SMP Negeri 1 Melaya ke-45, sampun kalaksanayang acara pamungkah pameran hasil karya P5. Acara puniki taler karauhin oleh Bapak Kepala Dinas Pendidikan Kepemudaan dan Olahraga Kabupaten Jembrana. Ring acara punika, bapak kadis taler kaien galah maktayang…... sapisanan mungkah acara proyek P5 SMP Negeri 1 Melaya.

Sane pinih patut kaanggen nyangkepin titik-titik ring ungkur inggih punika….

Inggih Ida dane sareng sami, sane mangkin jagi telatarang titiang bantang bebaosan titiange ngeninin indik Asta Aiswarya. Sampun ketah kauningin, Asta Aiswarya mawit saking basa Sansekerta. Asta sane maartos kutus, lan aiswarya maartos kemahakuasaan. Dadosnyane, asta aiswarya inggih punika kutus sifat kemahakuasaan Ida Sang Hyang Widhi Wasa. Manut daging bebaosan punika, sane kaunggahang punika mawasta....

Ida dane sane wangiang titiang, mawit saking murda punika, tincapang titiang malih ring kawentenan basa Bali, untengnyane wantah saking kawentenan basa Bali mangda sida taler ngragejang budaya Bali punika pinaka yasa kertin iragane sareng sami ngragejang budaya ring Bali. Sane mangkin yening pikayunin tur uratiang indik kawentenan aab jagate, napi malih ring jagat Bali, sayukat pisan aksine sane sampun maobah manut pakibeh jagate taler ajak Bali sane wangiang titiang. Sane punika pinaka wantah ring pikililitipun jagat, utamannyane aksine sane sayan pateh punika wenten pikililitipun ngantos sane ring desa adat. Unteng pidarta punika wantah....

Ida dane sane wangiang titiang, yening iraga sayukti jagi ngragejang budaya Bali, ngriring kawitin saking nglestariang basa Bali. Napi mawinan asapunika, riantukan basa punika pinaka taksu taler mahkota budaya sane nenten dados kalempasin. *Nanging, sane mangkin sinamian punika sampun matungkaling kawentenannyane sayan sue sayan surud. Punika mawinan akeh para yowana kemad matur ngragegang basa Bali sane sayuktiki punika pinaka *jati diri anakne mabudaya Bali. Rerehangan mangkin ring aab jagate, kawentenan basa Bali sampun mraktisang, napi-napi mangkin sampun sayan dangan ring jagate. Punika mawinan para krama utamannyane para yowana jagi ngamayusang malajahang basa, napi malih ngeningin padewakan antuk pangweruhan. Akehan sampun kakub antuk kawentenan sekala kemanten, dadosnyane arang nelebang daging sastra, tur panglimbak basa Bali. Bebaosan sane NENTEN patut manut punggelan wacana punika wantah....

Ratu ida dane sane wangiang titiang, saking kakawian ida sane Padanda Made Sidemen, sane ketusang titiang saking pidarta ida sane mamurda “salampah laku”, sane dagingnyane “… tong ngelah karang, karang awake tandurin”. Daging pitekat ida punika sayukti mabuatan pisan, yen iraga ri tepengan mangkin sampun nenten maduwe karang utawi tanah anggen ngrereh pangupajiwa, karang awake sane katandurin antuk pangweruhan mangda riwekasan sida ngrereh sane mawasta kajagatdhatian. Sane mangkin akeh nyidayang manut manut ring daging pitekat idane. Napi mawinan yening sahaing sareng kawentenan krama ring Bali, akehang sampun mangkin ngadol tanahipun, tur mayus ipun malajah ngingetin dewekipun mangdane sida kaangen ngruruh pangupa jiwa. Napi malih tanah ipune kaadol kaangen biaya upacara sane ageng-ageng, punika sane mawinan sungkut manah titiang nyinakin kawentenan budaya Baline ring jagat Bali. Artos kruna pangupajiwa manut punggelan pidarta punika wantah....

Ratu ida dane sane wangiang titiang, saking kakawian ida sane Padanda Made Sidemen, sane ketusang titiang saking pidarta ida sane mamurda “salampah laku”, sane dagingnyane “… tong ngelah karang, karang awake tandurin”. Daging pitekat ida punika sayukti mabuatan pisan, yen iraga ri tepengan mangkin sampun nenten maduwe karang utawi tanah anggen ngrereh pangupajiwa, karang awake sane katandurin antuk pangweruhan mangda riwekasan sida ngrereh sane mawasta kajagatdhatian. Sane mangkin akeh nyidayang manut manut ring daging pitekat idane. Napi mawinan yening sahaing sareng kawentenan krama ring Bali, akehang sampun mangkin ngadol tanahipun, tur mayus ipun malajah ngingetin dewekipun mangdane sida kaangen ngruruh pangupa jiwa. Napi malih tanah ipune kaadol kaangen biaya upacara sane ageng-ageng, punika sane mawinan sungkut manah titiang nyinakin kawentenan budaya Baline ring jagat Bali. daging pidarta puniki ngunggahang indik....