NEW
Font size
Worksheets2Ajīn-tsìng對話理解
Total questions: 20
Worksheet time: 3600secs
阿美：阿叔gâu早
阿叔：阿美真乖，拄著人攏會共人相借問。
根據對話，請問in對話ê時間是啥物時陣？
早起
下晡
暗時
半暝
阿母：阿明仔，今仔日患者誠濟呢！
阿明：阿母，這馬已經看到 13 號，閣 5 个就著你矣。
.根據對話，阿明的老母掛第幾號？
15 號
16 號
18 號
19 號
阿爸：阿英，恁阿兄下昏暗愛加班點半鐘，今仔日會較晏喔！
阿英：是啊！伊普通攏六點就到厝矣！
根據對話，阿英的阿兄幾點會到厝？
７點
７點半
６點半
８點
查埔：阿英，明仔載咱來去peh觀音山。
查某：好啊！欲按怎去？
查埔：無偌遠，咱用上環保閣會當運動的方式去。
根據對話，阿英peh有可能會按怎去？
坐火車
坐公車
騎機車
騎跤踏車
頭家：來喔，緊來買番麥，熟的一穗 10 箍，生的 6 箍。
人客：我欲５穗熟的，３穗生的。
根據對話，這个人客愛予頭家偌濟錢？
68 箍
86 箍
60 箍
88 箍
師：等一下體育課欲耍球，５个人一組，一組一粒球。
生：咱這班有 28 个人，我先來去借球。
根據對話，這位學生愛借幾粒球？
５粒
７粒
４粒
６粒
阿新：阿姊，人頭殼楞楞，嚨喉嘛足疼呢！
阿姊：阿新，你的額頭摸起來燒燒呢！
根據對話，阿新上有可能是按怎？
蛀齒
落屎
感冒
著傷
阿華：阿珍，我上佮意青色的，上討厭烏色的，你咧？
阿珍：拄仔好佮你倒反啦！
根據對話，阿珍上無愛佗一種色水？
（A）烏色
（B）白色
（C）紅色
（D）青色
阿勇：阿新，你的手骨哪會鞏石膏？
阿新：啊都無細膩摔倒啦！
根據對話，阿新是按怎會摔倒？
毋甘願
無注意
毋知死
無法度
頭家：小姐，檸檬汁維他命 C 上濟，啉了皮膚會媠，緊來買幾粒仔。
人客：人都驚酸，毋敢啉啦！
根據對話，人客敢有買檸檬？
有
買５粒
閣咧考慮
無
查埔：阿美，你的面哪會青恂恂？
查某：煞毋知一隻烏狗雄雄傱出來。
根據對話，阿美當時的心情上有可能是下面佗一个？
傷心
著驚
緊張
受氣
囡仔：四界烏趖趖，有夠恐怖的？阿母，人會驚啦！
阿母：無驚，無驚，阿母佇遮。
根據對話，這个情形上有可能發生佇啥物時陣？
失電
地動
透風
霆雷公
查某：阿新，聽講你這擺數學考 100 分，有影無？
查埔：彼人烏白風聲的，是差一屑屑啦！
根據對話，阿新這擺數學上有可能考幾分？
100 分
98 分
91 分
67 分
查埔：你今仔日穿按呢，看起來敢若公主咧。
查某：多謝你的呵咾。
根據對話，應話的人是穿佗一種衫仔褲？
牛仔褲
䘥仔
洋裝
運動衫
查某：你看後--日的天氣按怎？
查埔：氣象報告講，後--日的天氣無通像今仔日遮燒熱。
根據對話，後--日的天氣按怎？
較燒烙
袂出日
會落雨
會較涼
查埔：對遮坐高鐵到高雄，來回愛偌久？
查某：愛點半鐘。
根據對話，對遮坐高鐵到高雄，一逝愛偌久？
30 分鐘
60 分鐘
45 分鐘
90 分鐘
查某：頭家，滷肉咧用的豆油囥佇佗位？
查埔：你入去上內底倒手爿就揣會著.
根據對話，這段對話上有可能發生佇啥物所在？
五金行
𥴊仔店
漢藥店
花店
阿母：阿新，冰箱有檨仔，你欲食無？
阿新：母仔，哪會有檨仔？
阿母：恁阿舅對下港挽來的。
根據對話，挽檨仔來的是啥物人？
阿母的小弟
阿爸的阿兄
阿新的阿姨
阿新的阿姑
阿母：阿新，冰箱有檨仔，你欲食無？
阿新：母仔，哪會有檨仔？
阿母：恁阿舅對下港挽來的。
根據對話，阿舅上有可能對啥物所在來的？
臺東
臺北
臺中
臺南
阿安：阿母我明仔載拜三欲去台東𨑨迌,
阿母：敢有欲隔暝
阿安：有,我會隔一暝
拜三
拜四
拜五
拜六
