WorksheetsUntitled form
Total questions: 44
Worksheet time: 22mins
Name
Class
Date
1.
NAMA
4 lines
2.
TETEWAA MORAMO
Moramo ieto o’aso okambo laa ikeni iwuta ndolaki. Keto onggo lako meopako imune tinamoako Anduonohu. Keto onggo lako I Moramo ari I Kandari tulei laa 40 okilo. Keto peoto menggauno torukui osala tulei laa aso daa isi. I Moramo ieto lahaano iwoi tinamoako tetewaa. I woi teopopo tenga-tenga ronga dadio. Keto totoai hende iwoi motonda. Iepo hae nggiro iwoi lala ie moiono ronga owatu ako laa-laa ikiro kioki nopesonaru. Ieto keto pebaho-baho kioki totesiloro. Onggo mbu upu uno. Kasuako notinue. Ieto ano lala ie kaa meloluno. Iepo hae keto penao-nao kadui nosana penaondo. Teembe hae opua laa-laa ikiro oleo minggu mbuoki hori mokosisi, dadi onggo molako-lako, menao-nao hendeakono oleo minggu ieto ikiro meambo ano. Keto onggo lako ato poawo oto dowo, laaiki ikiro pona’a, laa toono dumagai’i iamo nonio sumosaa’i. Toono modagai ndee pinowehi odoi reke posewando karitiisi teruo osowu. Ikiro itoono la toono mebalu-balu kinaa ronga inenu-enu, ano kinaa-ngga. Laha aro mebal;u- balu kiro iwowano, ari iwawono peeka mbone laha ano iwoi tinamoako tetewaa tulei laa rua etu torea metere, tomolako-lako nggare tulei hopulo monii ato dunggu. Ikita iwawono laa laika niowai pamarenda ndee pe eusaa keto onggo mebaho-baho ronga ieoto arindo hae mebaho-baho. Keto poawao kinaa dowo, dadi ikaa laloi ikita wawono nolanggai laika ari sinumee, dadi keto metarambuu mo oru-oru dadi kaa kiniwiapo ato mbule.
4 lines
3.
Opio okilo mondaeno ari i kandari lako i Moramo....
a)
43 kilo
b)
42 kilo
c)
41 kilo
d)
40 kilo
4.
Ohawo uluno sarita i wawono ....
a)
tetewaa moramo
b)
tetewaa lasolo
c)
tetewaa ulu moramo
d)
tetewaa ulu lasolo
5.
Metengga ... pebahoa i Moramo. Pombiihino Tulura iwawono ieito ....
a)
tengga
b)
tenggo
c)
tenggu
d)
tenggi
6.
Menggauno torukui keto onggo lako mebaho-baho ine tetewaa ....
a)
aso daa torea
b)
aso daa
c)
o’ruo daa
d)
olimo daa
7.
I Moramo ieito lahaano ... tinamoako tetewaa.
a)
otahi
b)
alaa
c)
iwoi
d)
ahua
8.
Inehawo lahaano nggiro tetewaa?
a)
Anduonohu
b)
I’Moramo
c)
Wolasi
d)
Konda
9.
Pamarenda menggena batuano rongga ....
a)
O’disi
b)
tolea
c)
ulu sara
d)
ulu sala
10.
Menggauno torukui keto onggo lako mebaho-baho ine tetewaa ....
a)
aso daa torea
b)
aso daa
c)
o’ruo daa
d)
olimo daa
11.
Ohawo ambono ikiro i woi Ipebaho-baho!
a)
nomelolu ronga mokuni
b)
nomelolu ronga morini
c)
nomelolu ronga mokula
d)
nomelolu ronga mosaa
12.
Pamarenda menggena batuano rongga ....
a)
O’disi
b)
tolea
c)
ulu sara
d)
ulu sala
13.
Ayah datang. Artinya……..
a)
ipue leuito
b)
I ama leuito
c)
I mama leuito
d)
ipue leu ihawi
14.
Oh wulele .... anawai inuanggino sangia, pombe ihino tudi-tudi tetekono ie ito
a)
sorume
b)
mbu’lipu
c)
sanggula
d)
wekoila
15.
Ohawo pera laa tinitiromu, tinitiro batuano!
a)
mekondo iwawono
b)
mekondo ibungguno
c)
mekondo iraino
d)
mekondo iloluno
16.
Tulura mehapu tetekono ie ito ….
a)
inakuto
b)
okino inaku
c)
nggiro’omune
d)
ita’ombone
17.
Sa’onggono monahu i ina ano i amaki ndee mogandakee owoha nggo ninahuno. Sipano
4 lines
18.
I’ama ie’ito tamono langgai….
a)
ndombalaki
b)
tamalaki
c)
taa kadu
d)
pelalo
19.
Tulura metitiahi tetekono ni’ino iloluno ie ito….
a)
lakoto po’olikona o’buku
b)
tolakoto mohina mebenggaro
c)
ari akuto lako ihawi
d)
leu ito bara ihawi I’Ama
20.
Kinaa ndolaki nde niowai sinonggi ie ito ari ine....
a)
gandu
b)
kaluku
c)
pundi
d)
tawaro
21.
Mari di sini. Arti dalam bahasa daerah tolaki adalah…………..
a)
leumbo
b)
leu ikeni
c)
lakoto
d)
pewanguto
22.
Kenolaa toono pineowose pinake nde tumotambe’I, ie ito tamono ….
a)
Mosehe
b)
taenango
c)
umo’ara
d)
moanggo
23.
Laa tegambara ine logono Konawe Selatan ie ito ….
a)
kalo sara, tawa – tawa, opae, ronga okapa
b)
kalo sara, tawa – tawa, opae, ronga ogandu
c)
tawa – tawa, opae, okapa, kalo sara, ronga kaluku
d)
tawa – tawa, opae, okapi, tawaro, tawaro
24.
Momahe’i wodo … Gambaramu.
a)
Ine
b)
idi
c)
inu
d)
ino
25.
I Tina ronga hai’akono la … baho i alaa. Tetekono pombeiihino tudi-tudi ie to.
a)
Mbe
b)
mbi
c)
mbo
d)
mbu
26.
Tolea pabitara nde pinakeno kenolaa mombesara ieto tamono ….
a)
kalo sara
b)
tawa – tawa sara
c)
eno sara
d)
kiniku sara
27.
Etai pewiso i’uneno kalo sara ie ito tamono ….
a)
tawa bite ronga wua nggaluku
b)
tawa saha ronga wua dambu
c)
tawaa bite ronga wua inea
d)
tawa oloho ronga wua mbinisi
28.
Kalo sara nde niowai ari ine ….
a)
ue pa’i
b)
ue watu
c)
ue perui
d)
ue e’si
29.
Tulura sara ikeni tetekono ie ito ….
a)
Menango
b)
Meharoa
c)
Mesokei
d)
moeroi
30.
Lako pokaa po’alokona o’kasu mohina! Batuano tulura ni,ino ie ito tulura ….
a)
Mongoni
b)
Mepotena
c)
Mesuko
d)
medandi
31.
Leundo ato pongga, batuano tulura ni’ino ie ito ….
a)
pesuko
b)
petena
c)
pombehawa
d)
pombesasai
32.
Kowuna ie ito nde niowai ….
a)
baasi
b)
gambusu
c)
diola
d)
dimba
33.
Tulura mbe’oliwi tetekono iloluno ie ito ….
a)
poalokona iwoi
b)
leundo ato lako
c)
bara ruo
d)
au poaloke bara
34.
Lombano o suli dadiono ie ito ….
a)
Ono
b)
Pitu
c)
Hoalu
d)
sio
35.
“Keno ehembokaa ano leu kakanggu” Tulura iwawono, batuano ....
a)
moharapu
b)
mesuko
c)
mengane
d)
metena
36.
Kuara – ara’i … taipa keno motonda, tandano motaha ito.
a)
monggono
b)
mondue
c)
monggali
d)
mondotoa
37.
Mekai – kai nggae mepali ndumotomu ie ito tamono ….
a)
melariangi
b)
molulo
c)
umo’ara
d)
mondotambe
38.
Toono nde mombokolako o,sara tinamo’ako ….
a)
tolea pabitara
b)
pamarenda
c)
putobu
d)
peowai
39.
Atorano keto’nggo pewiso molulo ano aringgi ….
a)
i wawono
b)
i bungguno
c)
i raino
d)
i loluno
40.
Oliwino bara amamu au… mohina ionggo lako i Andoolo. Posorono tulura iwawono ie ito..
a)
mesida
b)
petotoa
c)
lako
d)
mbule
41.
Umar : Hei ! o hawo laa niowaimiu ikitu ?
Raga : Kilaa mbedome-dome le’esu. arimbo akilako mepokonda’u laikano i Rena”
Umar : Te’ipia ai mbelako
Raga : Ninggiro kiniwia, au etai lako?
Umar : O’ho de’ela! kiniwiapo aku leu i laikamu”
Tulura i wawono biasano tulura
a)
sarita ndepora
b)
mbe Talipoo
c)
o’sura
d)
sura kabara
42.
Oliwino I ama au mesida mepokonda’u. tulura mepokonda’u keno pinetia tewali
a)
me-po-koda-u
b)
me-po-ko-nda-u
c)
mepo-ko-nda-u
d)
me-po-ko-ndau
43.
Mehule pae – paeno tolaki, melaka batuano ie ito ….
a)
medongga
b)
mombokonggadu
c)
momboko turio
d)
mombokolaa
44.
I,Ama laa mo’inu okopi. Petenggano tulura tetekono ie ito ….
a)
O – P – S
b)
P – S – O
c)
S– P – O
d)
S – O – P
100 %
