15 жылдан кейін Арман 21 жасқа толады. Қазіргі уақытта Арман нешеде?

Марат пен Айдана кәмпит сатып алды. Марат 5 кәмпит, ал Айдана 6 кәмпит жеді. Нәтижесінде оларда 13 кәмпит қалды. Қанша кәмпит сатып алынды?

Сөреде бірнеше қап жаңғақ жатыр. Дүкенге 3 адам келді: олардың әрқайсысы алдыңғысынан бір қап артық сатып алды. Бірінші адам 1 қап сатып алды. Үшінші адам сатып алғаннан кейін сөреде 15 қап қалды. Бастапқыда сөреде неше қап жаңғақ болды?

Спорттық көліктер сайысына бірнеше жүргізуші қатысты. Бірінші айналымда 2, екінші айналымда 4 жүргізуші сайыстан шықты. 3 көлік мәреге жетті. Бастапқыда жарысқа неше көлік қатысты?

Таразының бір табасына қарбыз мен 2 кг кір тасын, екіншісіне 5 кг кір тасын салсақ, таразы теңестірілетінін білеміз. Қарбыздың массасын тап.

Қосындысы 159, бірінен соң бірі келетін екі санды табыңыз.

Бір сан екіншісінен 38-ге артық. Егер олардың қосындысы 184 болса, бұл қандай сандар?

Анасы қызынан 24 жасқа үлкен, ал қызы анасынан 7 есе кіші болса, анасы неше жаста?

Тігін цехы жалпы өлшемі 49 метр болатын 2 түрлі мата сатып алды. Біреуінің құны 1 метр үшін 550 тг, екіншісінің құны 1 метр үшін 500 тг. Барлығы 25750 тг жұмсалған болса, әр мата түрінің қанша метрі сатып алынды?

Үш автобуста 188 жолаушы бар: бірінші автобустағы жолаушылар саны екіншіден 9-ға көп, ал үшіншіден 8 жолаушыға кем. Үшінші автобуста қанша жолаушы бар?

Кинотеатрдың екі залында жалпы 460 орын бар. Үлкен залдың орын саны оның кіші залынан 3 есе көп екені белгілі болса, кіші залында неше орын бар?

Тоғанда ақ және сұр үйректер жүзіп жүр. Сұр үйректердің саны ақ үйректерге қарағанда 3 есе артық. Тоғанға 5 аққу ұшып келген соң, тоғанда жалпы 29 құс болды. Тоғанда неше сұр үйрек жүзіп жүр?

5 «А» сыныбында математикалық тестілеуден 27 оқушының арасында 

«3» бағасын алғандар «4» алғандар санына қарағанда 6 есе кем, және «5» алғандар санынан 2 есе кем болды. Қанша оқушы тесттен «4» алды?

Маржан бір натурал санды жасырды, бұл санға ол 3-ті қосты, содан кейін ол қосындыдан ойындағы санды алып тастады. Алынған санға 8-ді қосқанда шыққан саны 11 болды. Маржан қандай санды жасырды?

Үш күнде турист 105 шақырымды жүріп өтті. Турист әр күн сайын алдыңғы күніне қарағанда 3 км артық жүрсе, бірінші күні неше километр жол жүрді?

Мадина бір сан жасырды, оны 4-ке көбейтіп, көбейтіндіге 8-ді қосты. Нәтижесінде 60 шықты. Мадина қандай санды жасырды?

Біз бірнеше кг шие жинадық. Оның 7 кг-нан тосап жасадық. Тағы 5 кг жинағаннан кейін жалпы 10 кг шие болды. Бастапқыда қанша шие терілді?

Бір себеттегі алмалар саны екіншісінен 6 есе аз. Екі себетте жалпы 98 алма болса, әр себетте неше алма бар?

Мектепте 900 оқушы бар. Бастауыш сыныптағы оқушылар саны жоғары сыныптарға қарағанда 3 есе көп, ал орта сыныптарға қарағанда 2 есе аз. Жоғары сыныптарда қанша оқушы бар?

Ас бөлмесінің ауданы дәліздің ауданынан 3 есе аз, сондықтан ас бөлмесінің еденін жөндеу үшін дәлізге қарағанда 24 $$м^2$$ линолеум кем қажет болды. Ас бөлмесінің ауданы қандай?

Тік төртбұрыштың бір қабырғасы екіншісінен 4 есе кіші. Тік төртбұрыштың периметрі 70 см болса, оның ұзындығы мен ені неге тең?