Бағасы 128 мың доллар тұратын автомобиль қымбаттағаннан кейін 144 мың доллар болды. Автомобильдің ескі бағасы оның жаңа бағасының қандай бөлігін құрады?

Туристер үш күн ішінде 48 км жол жүрді. Бірінші күні олар барлық арақашықтықтың $$\frac{1}{4}$$ бөлігін, ал екінші күні қалған жолдың $$\frac{5}{9}$$ бөлігін жүрді. Туристер үшінші күні қанша км жол жүрді?

Туристер бірінші күні жолдың $$\frac{1}{5}$$ -ін жүрді. Келесі күні бірінші күні жүрген жолдың $$\frac{2}{3}$$ бөлігіндей жол жүрді. Егер барлық жолдың ұзындығы 60 км болса, әлі неше км жүрулері қажет?

Барлық жөнделген жол 40 км. Оның $$\frac{9}{20}$$ -ін бірінші аптада, $$\frac{3}{10}$$ -ін екінші аптада, ал қалған бөлігін кейін жөндейді. Бірінші аптада неше км жол жөнделді? Ал екінші аптада ше?

Домбыра үйірмесіне 54 адам қатысады. Қыздар оның $$\frac{4}{9}$$ -ін құрайды. Домбыра үйірмесіне неше ұл қатысады?

Аяулымда 5000 теңге бар. Ол дүкенге барып, ақшасының жартысына жеміс-жидек, қалғанының $$\frac{1}{5}$$ -іне інісі екеуіне балмұздақ сатып алды. Аяулымда қанша теңге қалды?

Альмира барлық бәлішке 24 алма қосты. Оның алтауы – қызыл, қалғандары – жасыл алма. Жасыл алма барлық алманың қандай бөлігін құрайды?

Тік төртбұрыштың ұзындығы 64 мм. Оның ені ұзындығының $$\frac{5}{8}$$ -ін құрайды. Тік төртбұрыштың енін тап

Қоймада 40 кг ақ және қызыл түсті бояулар бар. Ақ түсті бояу барлық бояудың $$\frac{11}{20}$$ -сін құрайды. Қоймада неше килограмм қызыл түсті бояу бар?

Сыныпта 27 оқушы бар. Оның төртеуі домбыра үйірмесіне, бесеуі пианиноға барады. Сыныптың қандай бөлігі үйірмеге бармайды?

Тiктөртбұрыштың периметрі 60 см. Ұзындығы енiнен $$2\frac{3}{4}$$ есе үлкен. Тiктөртбұрыштың ауданын  тап

Драма үйірмесіне 60 адам қатысады, ересектер, қыздар және балалар. Ересек адамдар драма үйірмесіне қатысатын барлық адамдардың  $$\frac{3}{5}$$ бөлігін, ал балалардың саны үйірмеге қатысатын ересек адамдардың  $$\frac{4}{9}$$ бөлігін құрады. Драма үйірмесіне қанша қыз қатысады?

Жанельдің анасы 72 кг тосап дайындады. Оның $$\frac{5}{8}$$ -і алмадан жасалған тосап, қалғаны таңқурайдан жасалды.  Анасы неше килограмм  таңқурайдан жасалған тосап дайындады?

Алмаста 200 теңге болды. Ол балмұздақ үшін 120 теңге төледі. Алмас ақшасының қандай бөлігін жұмсады?

Бірінші бөлменің ауданы $$48\ м^2$$ . Екінші бөлменің ауданы біріншісінің $$\frac{7}{12}$$ -ін, ал ас үйдің ауданы екінші бөлме ауданының $$\frac{3}{7}$$ -ін құрайды. Екі бөлме мен ас үйдің жалпы ауданын табыңыз.

Алманың төрттен бір бөлігін қақ бөледі. Осы бөлінген алма барлық алманың қандай бөлігін құрайды?

Мектептің футбол ойнайтын алаңының ауданын оның  $$\frac{5}{9}$$ бөлігіне арттырмақшы болды. Егер қазір ол $$360\ м^2$$ болса, енді оның ауданы қандай болады?

Үшбұрыштың қабырғасы $$6\frac{3}{10}$$ см, екінші қабырғасы біріншісінен $$1\frac{2}{5}$$ есе кем, ал үшінші қабырғасы екіншісінен 2 есе үлкен. Үшбұрыштың периметрін тап

Мектеп кітапханасында қазақ, орыс және ағылшын тілдерінде кітаптар бар. Қазақ тіліндегі кітаптар саны кітапханадағы барлық кітаптар санының $$\frac{2}{5}$$ бөлігін құрайды, орыс тіліндегі кітаптар саны қазақ тіліндегі кітаптар санының $$\frac{1}{2}$$ бөлігін құрайды, ал қалған 240 кітап ағылшын тілінде. Кітапханада қанша қазақ және орыс тілдеріндегі кітаптар бар?

Көлік арақашықтығы 180 км болатын А пунктінен В пунктіне шықты. Бір сағаттың ішінде ол жолдың $$\frac{2}{5}$$ бөлігін жүрді. Екінші сағатта ол алғашқы сағатта өткен жолдың $$\frac{3}{4}$$ бөлігін өтті. Жолдың екі сағатынан кейін қалған жолды тап