Катердің меншікті жылдамдығы 43,2 км/сағ. Өзен ағысының жылдамдығы 5,15 км/сағ. Катердің өзен ағысымен қозғалғандағы жылдамдығын тап.

Теплоходтың ағыс бойымен жылдамдығы 47,3 км/сағ. Өзен ағысының жылдамдығы 4,8 км/сағ. Теплоходтың меншікті жылдамдығын тап.

Катердің өзен ағысы бойымен жылдамдығы 24,25 км/сағ, ал ағысқа қарсы 16,85 км/сағ. Өзен ағысының жылдамдығын тап.

Тынық судағы катердің жылдамдығы 54,19 км/сағ. Өзен ағысының жылдамдығы 9,09 км/сағ. Катердің ағысқа қарсы жүзгендегі жылдамдығын тап.

Өзен ағысының жылдамдығы 3,3 км/сағ. Өзен ағысымен жүрген моторлы қайықтың жылдамдығы 18,5 км/сағ. Моторлы қайық 2 сағатта өзен ағысына қарсы қандай қашықтық жүреді?

Теплоход өзен ағысымен 5 сағатта 120 км жүзеді. Өзен ағысының жылдамдығы 2,5 км/сағ. Теплоходтың меншікті жылдамдығын тап.

Катердің ағыс бойымен жүргендегі жылдамдығы 19,5 км/сағ, ал ағысқа қарсы жүзгенде 13,7 км/сағ. Осы өзен бойымен жіберілген сал 3 сағатта қандай қашықтықты өтеді?

Көл бойымен қозғалған қайықтың жылдамдығы 6,3 км/сағ. Өзен ағысының жылдамдығы 2,1 км/сағ. Өзен ағысымен 3 сағат және ағысқа қарсы 1,5 сағат қозғалған қайық қандай қашықтықты жүріп өтеді?

Өзен ағысының жылдамдығы 3,36 км/сағ. Теплоход өзен ағысына қарсы   3 сағатта 171 км жүрді. Теплоходтың меншікті жылдамдығын тап.

Өзен бойымен ауылға дейін 100 км және туристер салмен 25 сағатта жетеді. Ал теплоход осы арақашықтықты 4 сағатта жүзеді. Теплоходтың меншікті жылдамдығын тап.

Қайықтың меншікті жылдамдығы 12 км/сағ. Өзеннің ағысының жылдамдығы 4 км/сағ. Өзен бойымен 64 км-ді өтіп және қайтып келу үшін қанша уақыт керек?

Арманның атасы катермен көл бетімен 4 сағ, одан кейін тағы 3 сағ осы көлге құятын өзенмен жүзді. Катердің жылдамдығы 21,7 км/сағ, ал ағыс жылдамдығы 4,2 км/сағ. Атасы барлығы қандай жол өтті?

Өзен ағысының жылдамдығы 4,5 км/сағ. Катердің меншікті жылдамдығы 13,5 км/сағ. Катер өзен бойымен төмен орналасқан екі айлақ арасын 3 сағатта жүріп өтті. Осындай қашықтықты сал қандай уақытта жүзіп өтеді?

Моторлы қайық көл бойымен 15 км/сағ жылдамдықпен жүріп келеді. Егер өзен ағысының жылдамдығы 3,5 км/сағ болса, өзен ағысымен қозғалған қайық 4 сағатта қандай қашықтықты жүріп өтеді?

Көл бойымен қозғалған қайықтың жылдамдығы 9 км/сағ. Өзен ағысының жылдамдығы 2 км/сағ. Өзен ағысымен 3 сағат және ағысқа қарсы 4,5 сағат қозғалған қайық қандай қашықтықты жүріп өтеді?

Моторлы қайықтың меншікті жылдамдығы 14,3 км/сағ, өзен ағысымен y сағатта 60 км жүзді. Өзен ағысының жылдамдығын тап.

Моторлы қайық ағысы жоқ суда 5 сағатта белгілі бір қашықтықты жүзіп өтеді, ал сал тура осы қашықтық үшін өзенде 20 сағат жұмсайды. Моторлы қайық осы қашықтықты өзен ағысымен жүзіп өту үшін неше сағат жұмсайды?

Моторлы қайықтың өзен бойымен 3 сағатта жүзіп өткен қашықтығы өзенге қарсы 4 сағаттағы жүзетін қашықтығымен бірдей. Моторлы қайықтың меншікті жылдамдығы тұрақты, ал өзен ағасының жылдамдығы 4 км/сағ. Қайықтың өзен бойымен 5 сағатта жүзіп өткен қашықтығын тап.

Екі пункттің арасы 90 км. Моторлы қайық ағыс бойымен жүргенде осы арақашықтықты 3 сағатта жүріп өтеді, ал ағысқа қарсы жүрген кезде осы арақашықтықты 4,5 сағатта жүріп өтеді. Өзен ағысының жылдамдығын тап.