Бірінші жұмысшы жұмысты 10 күнде бітіреді, ал екінші жұмысшы сол жұмысты 15 күнде бітіре алады. Екеуі бірлесіп, осы жұмысты неше күнде бітіреді?

Бір адам жұмысты 20 күнде орындап бітіреді. Ал бригадамен қосылып істесе оған 4-ақ күн қажет. Бригада жұмысты неше күнде бітіреді?

Арман мен Марат ағашты 6 сағатта кеседі. Асан мен Үсен олардан 2 есе жылдам, ал Асқар мен Ақжол 3 есе жылдам кеседі. Барлығы бірігіп, ағашты қанша уақытта кеседі?

Тазы ит тамақты 5 минутта, ал овчарка 7 минутта жеп тауысады. Олар бірігіп жесе, осы тамақты қанша уақытта тауысады?

Тек қана бірінші құбыр ашық болса, онда хауыз 3 сағатта, ал тек екінші құбыр ашық болса, онда 5 сағатта толады. Егер екі құбыр да ашық болса, хауыз қанша сағатта толады?

Сыйымдылығы $$240\ м^3$$ хауызды бірінші құбыр 6 сағатта, екінші құбыр 3 сағатта сумен толтырады. Егер су екі құбырдан қатар ақса, хауыз сумен неше сағатта толады?

Қуаттылығы әртүрлі экскаваторлардың бірі 10 күнде, екіншісі 12 күнде, үшіншісі 15 күнде қазады. Олар бірігіп жұмыс істесе, осы жұмысты неше күнде орындар еді?

Екі қаладан бір мезгілде қарама-қарсы бағытта автобус пен жеңіл көлік шықты. Осы аралықты автобус 12 сағ, жеңіл көлік 6 сағ жүріп өтеді. Олар неше сағаттан кейін кездеседі?

А пунктінен бір велосипедші, В пунктінен сол уақытта екінші велосипедші шығып, бір-біріне қарсы жүрсе, олар 18 минутта кездеседі. Бірінші велосипедші А пунктінен шығып, В пунктіне 12 сағатта келеді. Екінші велосипедші В пунктінен шығып, А пунктіне неше минутта жетеді?

Үш оператор шығарманы 24 минутта тереді. Егер бұл шығарманы тек бірінші оператор 48 минутта терсе, ал екінші оператор 80 минутта бітіреді. Егер бұл тапсырманы тек үшінші оператор орындаса неше минутта тереді?

Екі трактор жерді 6 сағ жыртады. Сол жерді бірінші трактор жалғыз жыртқанда 15 сағ жұмсайды. Егер жерді екінші трактор жалғыз жыртса, неше сағ жұмсайды?

Бір пілді жуындыруға әкесі 40 минут жұмсайды. Ал баласы 2 сағат жұмсайды. Әкесі мен баласы дәл сондай 3 пілді бірігіп қанша уақытта жуындырады?

Ернар мен Жомарт ауланың қарын 2 сағатта тазалап бітіреді. Ернар жалғыз өзі осы жұмысты 3 сағатта бітірсе, Жомарт жалғыз өзі неше сағатта бітіреді?

Арман мен Марат ағашты 6 сағатта кеседі. Ал Асан мен Үсен олардан 2 есе жылдам кеседі. Барлығы бірігіп ағашты неше сағатта кесетінін табыңыз.

Үш экскаватор бірігіп жұмысты 4 күнде бітіреді. Егер осы жұмысты бірінші экскаватор 24 күнде, ал екіншісі 8 күнде, орындайтын болса, үшінші экскаватор жеке өзі неше күнде орындайды?

Аянат пен Арайлым бірге ыдысты 6 минутта жуады. Ал Аянат жалғыз өзі 24 минутта жуса, Арайлым өзі қанша минутта жуады?

Ешкі мен сиыр шөпті 45 күнде, сиыр мен қой 60 күнде, ал қой мен ешкі 90 күнде жеп бітіреді. Үшеуі бірігіп осы шөпті қанша күнде жеп бітіреді?

Анасы бәліш пісіруге 3 сағат 20 минут, ал қызы осы уақыттың 75-ін жұмсады. Бәлішті қызы қанша уақытта пісірді?

Үш жұмысшы бір жұмысты 8 күнде бітіреді. Бірінші жəне екінші жұмысшы осы жұмысты сəйкесінше 48 жəне 16 күнде бітіретін болса, онда үшінші жұмысшы берілген жұмысты неше күнде бітіреді?

Бір жұмысты Ерлан 10 күнде, ал інісі 20 күнде бітіреді. Егер жұмысты інісі жеке өзі бастап, 12 күннен кейін қыдырып кеткен болса, онда қалған жұмысты Ерлан қанша уақытта бітіреді?

Қуаты таусылған ұялы телефонды сөндірулі күйде қуаттасаң 40 минутта, ал қосулы күйінде қуаттасаң 1 сағат 40 минутта 100% болады. Сөндірулі күйінде қуатқа қосылған ұялы телефонды жарты сағат болғанда қоссақ, толық қуат алу үшін тағы неше уақыт қажет?

Жолды тегістеу үшін екі машина бөлінді. Олардың біріншісі жолды 45 сағатта тегістейтін болса, екіншісі 36 сағатта тегістейді. Олар бірлесіп жолды 15 сағ тегістеген соң, қалған жолды екінші машина тегістеді. Қалған жолды екінші машина неше сағат тегістеді?

Екі оператор шығарма терді. Біріншісі - 10 сағатта, екіншісі - 15 сағатта тереді. Олар бірлесіп 4 сағат істеген соң, бірінші оператор кетіп қалды. Қалғанын екінші оператор терді. Тапсырма неше сағатта орындалды?

Бір жұмысты Бейсен 3𝑎 күнде, Есхат 2𝑎 күнде, Нұрғали 4𝑎 күнде бітіреді. Сол жұмысты үшеуі бірігіп (𝑎 − 2) күнде бітіре алады. Сонда 𝑎 нешеге тең?