Sawise Dasamuka nyolong Sinta, Negara Ngalengka dadi sasaran perang dienggo jag-jagan kethek-kethek balane Rama. Akeh senapati agul-aguling Negara Ngalengka tumekaning pati, wiwit Patih Prahastha, Tri Sirah, Aswani Kumba, lan Kumba-Kumba. Aswani Kumba lan Kumba-Kumba iku putrane Kumbakarna. Dasamuka wiwit bingung golek cara supaya bisa ngalahake balane Rama, banjur kelingan marang adhine, yaiku Kumbakarna, kang lagi tapa nendra. Banjur utusan marang Indrajit.

Apa tegese tembung-tembung sing kacithak kandel?

Wisrawa klalon bisa medharake "Sastra Jendra Hayuningrat Pangruwating Diyu" ateges Wisrawa menang sayembara, mula Wisrawa nduweni hak mboyong Dewi Sukesi arep didhaupake karo Danaraja putrane. Embuh kepriye wiwitane wose Dewi Sukesi ora gelem didhaupake karo Danaraja, Dewi Sukesi ngukuhi janjine dheweke mung gelem diwengku priya sing medharake "Sastra Jendra Hayuningrat Pangruwating Diyu". Dewi Sukesi meksa supaya dadi garwane Wisrawa. Wisrawa lan Dewi Sukesi duwe anak Dasamuka, Sarpakenaka, Kumbakarna, lan Gunawan Wibisana.

Piwulang becik apa kang bisa kapethik saka wujude anake Wisrawa kang wujud buta lan satriya bagus?

"Mendah senenge atine Sugriwa maju perang mbelani bebener," Kumbakarna mangu-mangu. "Yen aku maju perang methi dikatutake dosane Dasamuka. Nanging yen aku ora maju perang ateges satriya sing ora ngerti labuh marang negara. Ya, Sugriwa aku ora narimakake nagaraku diorak-arik dening bangsa kethek. Ora minggat saka Ngalengka klalon tumpes tapis dening aku."

Dhasar apa kang kanggo pancadan Kumbakarna maju dadi senapati perang?

"Kakang, sepisan meneh kaya sing dakaturake biyen, Dewi Sinta balekna marang Rama, supaya perkara iki enggal rampung!"
"Piye?" Dasamuka muntap.

"Dhasar buta pengung, iku padha karo ngasorake drajatku. Drajate praja Ngalengka ya drajatmu barang. Wirang apa sing bakal daksandhang yen Dasamuka mbalekake Sinta marang Rama? Wis ora usah kakehan wuwus, kowe gelem maju perang apa ora?" Dasamuka nanting Kumbakarna.

Miturut pethilan kasebut, Dasamuka muntap amarga....

"Iki ngene, Dhi, Ngalengka saiki dadi negara sing ora kajen, sebab munyuk-munyuk balane Rama wis wani ngorak-arik tatanan ing praja Ngalengka. Coba apa kowe ora isin ing atase paman Patih Prahastha senapati agul-aguling perang gugur ing paprangan mung mungsuh munyuk," kandhane Dasamuka marang Kumbakarna.

"Mula saka kuwi, Dhi walesna wirange pamanmu, minangka tandha bektimu marang paman. Tumpesen kethek-kethek kae. Apa maneh mung kethek, dewa wae wedi marang kasektenmu, Dhi. Majua perang ya, Dhi". Panjaluke Dasamuka marang Kumbakarna.

Nalika senapati agul-aguling perang padha gugur, sapa satemene sing nandhang wirang?

Bapak: "Din, kowe wis tuku gambar wayang kanggo tugas sekolah apa durung?"

Dinda: "Dereng, Pak. Kula badhe tumbas sareng kaliyan Mas Raka"

Dinda matur karo Bapake nganggo ragam basa....

Ibu: "Yen, bapak mau wis kondur durung?"

Yeni: "Sampun Bu, kalawau bapak malah ngasta Anggur"

Yeni matur ibune nganggo ragam basa....

Ukara-ukara ing ngisor iki kang trep unggah-ungguhe yaiku....

"Bu Devi gadhah putra 3 sampun nggarwa sedaya."
Ukara ing dhuwur ora trep panganggone tembung "gadhah", sing bener yaiku....