Տղան հյուսիսային ուղղությամբ անցավ 8 մ, այնուհետև արևելյան ուղղությամբ՝ 6 մ։ Տղայի անցած ժանապարհը որքանո՞վ է մեծ նրա տեղափոխության մոդուլից։

Գնդակն ընկավ 10 մ բարձրությունից, հատակին հարվածելուց հետո հետ թռավ և բռնվեց, երբ հատակից բարձր էր 5 մ։ Գնդակի անցած ժանապարհը քանի՞ անգամ է մեծ նրա կատարած տեղափոխության մոդուլից։

Նյութական կետը x₁=-1 մ, y₁=3 մ, կոորդինատներով կետից տեղափոխվում է x₂=4 մ, y₂=-2 մ կոորդինատներով կետը։ Որքա՞ն է տեղափոխության պրոյեկցիան X առանցքի վրա։

12 մ/վ արագությամբ հավասարաչափ շարժվող մեքենան նույն ճանապարհն անցավ 10 վ-ում, իսկ երկրորդը՝ 15 վ-ում։ Որքա՞ն է հավասարաչափ շարժվող երկրորդ մեքենայի արագությունը։

Մոդուլով հաստատուն արագությամբ շարժվող ավտոմեքենան A կետից B կետ հասնում և վերադառնում է 4 ժամում։ Որքա՞ն է 3 ժամում ավտոմեքենայի անցած ճանապարհի և տեղափոխության մոդուլի հարաբերությունը։

Ավտոմեքենան և մոտոցիկլը, որոնք իրարից հեռու են 600 մ, միաժամանակ շարժվեցին նույն ուղղությամբ։ Ավտոմեքենայի արագությունը 54 կմ/ժ է, մոտոցիկլինը՝ 43,2 կմ/ժ։ Որքա՞ն ժամանակ անց ավտոմեքենան կհասնի մոտոցիկլին։

Ուղղագիծ հավասարաչափ շարժվող գնացքը 100 մ երկարությամբ կամուրջն անցնում է 15 վ-ում։ Գնացքի երկարությունը 50 մ է։ Որքա՞ն է գնացքի արագությունը։

Բոցը քուղով հավասարաչափ տարածվում է 2 սմ/վ արագությամբ։ Ի՞նչ ամենափոքր երկարությամբ քուղ պետք է վերցնել, որպեսզի այն վառողը կարողանա հրկիզման տեղից հեռանալ 200 մ՝ մինչև բոցը քուղով հասնի պայթյունի կետին։ Վառողի վազքի արագությունը 4 մ/վ է։

Տրված է X առանցքով շարժվող նյութական կետի շարժման օրենքը՝ x=4+5t, որտեղ մեծություններն արտահայտված են ՄՀ-ի համապատասխան միավորներով։ Որքա՞ն ճանապարհ է անցնում նյութական կետը 4 վ-ում։

Նյութական կետը 4 մ շառավիղ ունեցող շրջանագծով կատարում է 3 $$\frac{1}{6}$$ պտույտ։ Որքա՞ն է նյութական կետի տեղափոխության մոդուլը։