Науқас жоғарғы жақ сүйегі мен ерніндегі тіс аймағындағы ұстама тәрізді ауырсынуға шағымданады, ауырсыну көз асты аймаққа тарайды. Қарау кезінде ерін, мұрын қанаты, бет аймағындағы сезімталдықтың бұзылуы байқалады. Қай жүйке зақымданған?

Стоматолог баланың ауыз қуысын тексеру барысында үстіңгі ерінінің қысқа жабыны (уздечкасы) бар екенін анықтады. Бұл даму аномалиясы қай тістерге теріс әсер етеді?

Созылмалы тұмау маңдай қуысының қабынуымен асқынған. Инфекция бұл қуысына қай мұрын жолы арқылы түсті?

Рентгенологиялық зерттеуде жоғарғы жақ қуысына ірің жиналғаны анықталды. Ірің қай мұрын жолына бөлінеді?

Гайморитпен ауыратын науқаста жоғарғы жақ қуысы мен ортаңғы мұрын жолы арасындағы байланыс бұзылған. Мұрын жолынан гаймор қуысына ауаның кіруін қандай құрылым қамтамасыз етеді?

28 жастағы науқаста мұрын-жас өзегінің шырышты қабығының жедел қабынуы анықталды. Гриппен ауырғаннан кейін 10 күн бойы мұрыннан бөлінділер болған. Инфекция мұрын қуысының қай бөлігінен мұрын-жас өзегіне түсуі мүмкін?

18 жастағы науқас ангинадан кейін жағдайының нашарлауына шағымданып, дәрігерге жүгінді. Тексеру барысында жұтқыншақ абсцессі анықталды. Абсцессті ашу үшін хирург мойынның қай аймағына енуі керек?

. 7 жасар бала мұрынмен тыныс алудың қиындауына шағымданады. Тексеру барысында лимфа тінінің тұрақты гипертрофиясы анықталды. Қай бадамша безі ұлғайған?

Дәрігер ауыз қуысын тексеру барысында сол жақ таңдай доғасында кішкентай жарақатты анықтады. Бұл жарақат қай бұлшықетке таралуы мүмкін?

Науқас құлақтағы шу мен ауырсынуға шағымданды. Тексеру кезінде өткір респираторлық ауру және ринит анықталды. Инфекция жұтқыншақтың қай саңылауы арқылы дабыл қуысына еніп, оның қабынуын тудырды?

Баланы тексеру барысында жұтқыншақ бадамшасының ұлғайғаны анықталды, бұл мұрын қуысынан ауаның шығуын қиындатты. Бұл ауру кезінде мұрын қуысының қай тесіктері жабылады?

37 жастағы зардап шегуші мойынның төменгі ұйқы үшбұрышы аймағында өткір затпен жарақат алды. Қай қан тамыры зақымдалуы мүмкін?

Сыртқы тыныс алу функциясы бұзылған науқасқа трахеотомия жасау қажет. Қалқанша безінің тармағы кеңірдектің қай шеміршекті сақиналары деңгейінде орналасады?

39 жастағы әйел 8 жыл бойы жүкті бола алмай жүр. Дәрігерге қаралу барысында экзофтальм, қабақ дірілі, тахикардия анықталды. Қай эндокриндік бездің ауруы осындай белгілермен көрінеді?

Науқаста құрысулар байқалады. Қай эндокриндік бездің гипофункциясына күмәндануға болады?

Науқас саусақтарының, бүкіл денесінің дірілдеуіне, бұлшықет әлсіздігіне, жүрек соғуына, ұйқының бұзылуына, тәбеті жоғары болса да салмақ жоғалтуына шағымданды. Бұл қай ішкі секреция безінің ауруына тән симптомдар?

Жалпы ұйқы артериясының сыртқы және ішкі тармақтарға бөліну деңгейін көрсетіңіз:

Шықшыт-тістеу аймағындағы үстірт лимфа түйіндерінің тобы қай жерде орналасқан?

Кеуде лимфа өзегінің мойын бөлігіне алдыңғы жағынан тікелей жанасатын құрылым:

Төменгі жақ сүйектің денесінің ішкі бетінде орналасқан анатомиялық құрылымдар:

Жоғарғы жақ сүйегіне жататын тірек қабырғалар:

Прогнатия — бұл даму аномалиясы: