U mustahkamligi jihatidan po‘lat simga o‘xshaydi. Uni uzish qiyin bo‘lib, 1 kvadrat millimetrini uzish uchun 50 kg kuch kerak Diqqat savol: U nima?

Bu so‘z nemischa so‘zdan kelib chiqqan bo‘lib, hamyon degan ma’noni bildiradi. Bu iqtisodiy atama bo‘lib, hozirgi kunda bir nechta turlari mavjud

Bu qanday so‘z?

1837 yilning yanvarida, Pushkinning fojiali o‘limi kunlarida Rossiya to‘satdan rus adabiyotida Pushkinning vorisi bo‘lish nasib etgan yosh shoirning ovozini eshitdi Diqqat savol: U kim edi?

Bundan sakkiz asr muqaddam Neglinnaya daryosining Moskva daryosiga quyilish joyida, tik yonbag‘irli tepalikda rus knyazi Yuriy Dolgorukiy buyrug‘i bilan kichik yog‘och qal’a quriladi. O’sha davrlarda Rusda bunday kichik qal’a-shaharchalar ko‘p bo‘lgan. Aynan mana shu shaharcha va ana shu qal’a shonli va buyuk tarixga ega bo‘lishi o‘sha paytlarda hech kimning hayoliga kelmagan

Diqqat savol: U qal’a-shaharcha qanday nomlangan?

1808 yilda Napoleon qo'shinidan qochgan Portugaliya qiroli oilasi BU SHAHARga qochib, uni Portugaliyaning poytaxti deb e'lon qildi. Shunday qilib, BU SHAHAR Yevropaning tashqarisidagi Yevropa davlatining poytaxti bo'lib xizmat qilgan tarixdagi yagona shahar bo'lib qolgan. Lekin hozir bu shahar davlat poytaxti emas. Diqqat savol: Bu qaysi shahar?

Bu so‘z arab tilida “yuk ko‘taruvchi” degan ma’noni anglatadi. Hozirgi kunda bu so‘z qaysidir ma’noda to‘g‘ri bo‘lishi mumkin. Lekin bu so‘z deyarli umumman boshqa ma’noni anglatadi

Diqqat savol: Bu qanday so‘z?

Bu so‘z ingliz tilida dexqon uyi degan ma’noni bildiradi. Asosan 16 asr oxiri 17 asr boshlarida Angliyada qurila boshlagan, keyinchalik Skandinaviya, AQSh va b. joylarda tarqalgan

Diqqat savol: Bu dehqon uyini biz qanday ataymiz?

Bibixonim masjidi qurilishi jarayonida ishlatilgan toshlarga ishlov berish uchun 700 dan ortiq tosh o‘yuvchi ustalar jalb etilgan. Bundan tashqari qurilish maydoniga chekka viloyatlardan 95 ta ularni ham olib kelishgan. O‘sha davr solnomalarida tarixchilar Ularni tog‘larga qiyoslashgan. Diqqat savol, ular nima?

Bu mamlakat hududida barcha pochta jo‘natmalari mutlaqo bepul. 1927 yilgacha esa, u yerda umuman pochta xizmati va birorta ham pochta bo‘linmasi bo‘lmagan. Odamlar kimgadir maktub jo‘natmoqchi bo‘lishsa yo Fransiyaga, yo Ispaniyaga borishlari zarur bo‘lgan. Diqqat savol, gap qaysi davlat haqida ketayotganini belgilang.