Жеңіл және жүк көліктері қаладан бір бағытта жолға шықты. Жеңіл көліктің жылдамдығы – 100 км/сағ, жүк көлігінің жылдамдығы – 85 км/сағ. Қанша сағаттан кейін көліктер арасындағы қашықтық 75 км болады?

Спортшының жылдамдығы 10 м/с. Ол екі айналымды жүгіріп өтуге 100 секунд жұмсады. Стадионның ұзындығы қандай?

Ұзындығы 108 м және жылдамдығы 7 м/с пойыз 200 м ұзындықтағы көпірден өтеді. Өтуге қанша уақыт қажет?

Өзен ағысының жылдамдығы – 3 км/сағ. Катердің өз жылдамдығы – 15 км/сағ. Катер ағыс бойымен екі айлақ арасындағы қашықтықты 2 сағатта өтті. Осы қашықтықты сал қанша уақытта жүзіп өтеді?

Екі қаланың арасындағы қашықтық – 380 км. Екі пойыз бір-біріне қарсы жолға шықты, бірақ екінші пойыз 2 сағат кеш шықты. Егер бірінші пойыздың жылдамдығы 40 км/сағ, ал екіншісінікі 60 км/сағ болса, бірінші пойыз жолға шыққаннан қанша уақыт өткен соң олар кездеседі?

Ауылдан жаяу жүргінші шықты. Ол 12 км жүрген кезде, оны жылдамдығы 9 км/сағ болатын велосипедші қуып жетті. Велосипедші жаяу жүргіншіні 3 сағаттан кейін қуып жетті. Жаяу жүргіншінің жылдамдығы қандай?

Алтыбұрышты стадионның бір қабырғасының ұзындығы – 100 метр. Алмас 1800 метр жүгірді. Ол неше айналым жасады?

Ұзындығы 230 м болатын пойыз 21 м/с жылдамдықпен, ал ұзындығы 150 м болатын басқа пойыз 23 м/с жылдамдықпен бір бағытта қозғалады. Олар бірін-бірі толық өтуі үшін қанша уақыт қажет?

Кеме екі айлақ арасында бірдей жылдамдықпен жүзіп жүр. Ол ағысқа қарсы 3 сағат, ал ағыс бойымен 2 сағат жүреді. Егер кеменің өз жылдамдығы 10 км/сағ болса, екі айлақ арасындағы қашықтық қанша?

Екі автомобиль бір-біріне қарама-қарсы бағытта жолға шықты. Олардың арасындағы бастапқы қашықтық – 589 км. А автомобилінің жылдамдығы – 60 км/сағ, ал B автомобилінікі – 64 км/сағ. Қашықтық 93 км болғанға дейін оларға қанша уақыт жүру қажет?

Аскат жұмыстан велосипедпен қайтып келе жатты. Алғашында ол 14 км/сағ жылдамдықпен жүрді, бірақ үйіне 1 сағат бұрын жету үшін жылдамдығын 21 км/сағ-қа дейін арттырды. Жұмысы мен үйінің арасындағы қашықтықты табыңыз.

Оқушылар A, B және C ұзындығы 2400 метр болатын стадионда бір нүктеден жүгіруді бастады. A және B бір бағытта, ал C қарама-қарсы бағытта жүгірді. A жылдамдығы B жылдамдығынан екі есе үлкен, ал A жылдамдығы C жылдамдығына тең. Егер A мен C 120 секундтан кейін кездессе, B мен C қашан кездеседі?

А және В пойыздары бір бағытта қозғалып келеді. А пойызының алдыңғы бөлігі В пойызының артқы бөлігіне жеткеннен кейін, 30 секундтан соң А пойызы В пойызын толық басып озады. А пойызының ұзындығы – 500 м, ал В пойызының ұзындығы одан екі есе үлкен. Сонымен қатар, А пойызының жылдамдығы В пойызының жылдамдығынан екі есе үлкен. А пойызының жылдамдығы қандай?

Кеме ағыс бойымен 5 сағат және ағысқа қарсы 5 сағат қозғалып, жалпы 520 км жүзіп өтті. Егер кеме ағыс бойымен 4 сағат және ағысқа қарсы 6 сағат қозғалғанда, ол 516 км жүзіп өтеді. ағыс жылдамдығын анықтаңыз.