Маргааш өвгөн

Эрт урьд цагт “Маргааш” гэдэг нэртэй өвгөн байжээ. Тэр багаасаа аваад юу л хий гэнэ “Маргаашаас эхэлж хийнэ” гэсээр байгаад тоо тоймгүй олон маргаашийг зүв зүгээр өнгөрүүлдэг байжээ. Далан насыг хүртлээ юу ч хийж чадаагүй болохоор хүмүүс түүнд “Маргааш өвгөн” гэдэг хоч өгчээ. Нэгэн өдөр өнөөх өвгөн мөнгөн цагаан сахлаа имрээд, цал буурал толгойгоо илж, уртаар санаа алдаад: “Толин дотор үзэхүйеэ толгойн үс минь цайж орхижээ. Тун ч цалгар явсаар далан насыг хэтэрч, тоогүй олон маргаашийг усны урсгал мэт өнгөрөөв” гэжээ. Өвгөн бага залуу насандаа чармайж сурахгүйгээр маргаашийг хүлээсээр далан насыг хоосон өнгөрүүлсэн нь юутай харамсалтай аж.

1.     “Ажил хий” гэхээр юу гэж хэлдэг байв?