ზაფხულში ჭამს
ათ კილო თაფლს,
ზამთარში კი
თათს ილოკავს.

ორი ვეება სხეული
მოჩანს ელვარე ბურთებად,
ერთი რომ ზღვაში ჩაყვინთავს,
მეორე ამოცურდება.

მის გარეშე -არავინ- ხარ,
შენთანაა მუდამ,
ჭამას და სმას არ გთხოვს, მაგრამ
მოფრთხილება უნდა!

აკრიფავენ,
ჩაკრიფავენ
თავის ნაშრომს გლეხები,
შინ გოდრებით მოზიდავენ,
გათელავენ ფეხებით.

თხილის მძივი ავაცვი,
ტკბილი ჩოხა ჩავაცვი.

დამაკვირდი, გამოცნობა
სულ არ არის ძნელი,
შუადღისას მოკლე ვარ და
მზის ჩასვლისას გრძელი.

გამიცივა ყელი,
და გამხადა ავად,
უცებ დნება ენაზე,
რა ყოფილა აბა?