2.     Сараптамаға 2,6-диалкилпиридин тобының дәрілік заты келіп түсті. Дәрілік затты мырыш ұнтағымен қыздырған кезде, ақ тұнба түзіледі және меркаптандар иісі байқалады. Түзілген тұнба әрі қарай концентрлі аммиак ерітіндісі қатысында фосфорлы-молибден қышқылымен көк түсті өнім түзеді. Қандай дәрілік затқа өзі екендігін анықтайтын қосымша зерттеулер жүргізу қажет?

3.     Сынақ зертханасында фенобарбитал таблеткаларының сандық мөлшерін 240 нм толқын ұзындығында спектрофотометриялық әдіс көмегімен анықталды. Еріткіш ретінде рН 9,6-9,8 боратты буфер қолданылды. Зерттелетін ерітіндінің оптикалық тығыздығы 0,455; 0,02% жұмысшы стандарт үлгі ерітіндісінің оптикалық тығыздығы 0,453 болып шықты. Фармацевт-аналитик фенобарбитал таблеткаларының сандық мөлшерін қандай формула бойынша есептейді?

4.    Сынақ зертханасында барбитал-натрийдың сандық мөлшері 239 нм толқын ұзындығында спектрофотометриялық әдіс көмегімен анықталды. Еріткіш ретінде рН 10 боратты буферлі ерітіндісі қолданылды. Зерттелетін ерітіндінің оптикалық тығыздығы 0,635; 0,001% ерітіндінің меншікті көрсеткіші 500 болып шықты.Фармацевт-аналитик барбитал-натрийдың сандық мөлшерін қандай формула бойынша есептейді?

5.     Сынақ зертханасында фенобартибалдың сандық мөлшерін 240 нм толқын ұзындығында спектрофотометриялық әдіс көмегімен жүргізілді. Еріткіш ретінде рН 9,6-9,81 болатын боратты буферлі ерітіндісі қолданылды. Зерттелтін ерітіндінің оптикалық тығыздығы 0,632; 0,001% ерітіндінің меншікті жұту көрсеткіші 440 болып табылды.Фармацевт-аналитик фенобарбиталдың сандық мөлшерін қандай формула көмегімен анықтайды?

6.    Нормативты құжат талаптарына сай феназепам субстанциясының сандық мөлшері сусыз титриметрия әдісі көмегімен анықтайды. Дәрілік затты сусыз сірке қышқылында ерітіп, эквивалентті нүктеге дейін титрлейді. Индикатор ретінде криталды күлгін қолданды. Фармацевт-аналитик феназепамның қышқылды-негізді қасиеттерін ескере отырып қандай титрантты қолдану керек?

7.     Сынақ зертханасына бензодиазепин тобына жататын ақ кристалды әлсіз сары түсті, иіссіз дәрілік зат келіп түсті. Суда іс жүзінде ерімейді, этанолда орташа ериді, диметилформамидте ериді. Хлорсутек қышқылымен қыздырып гидролиз жүргізген кезде, біріншілік амин тобына оң реакция беретін 2-амино-5-хлорбензофенон түзеді. Фармацевт-аналитик қандай дәрілік затқа қосымша өзі екендігін анықтайтын реакциялар жүргізу керек?

8.    Сынақ зертханасына бензодиазепин тобына жататын ашық-сары түсті жасыл реңді, иіссіз дәрілік зат келіп түсті. Іс жүзінде мүлдем ерімейді, этанолда орташа ериді. Дәрілік затты мырыш ұнтағымен қышқыл ортада өңдеген соң, азобояу реакциясына оң нәтиже береді. Фармацевт-аналитик қандай дәрілік затқа өзі екендігін анықтайтын қосымша реакция жүргізу керек?

9.    Сынақ зертханасына бензодиазепин тобына жататын дәрілік зат келіп түсті. Дәрілік затқа келесі әдістеме бойынша реакция жүргізілді: түссіз жалынға заттың үгінділерін мыс сымына енгізіп қыздырған кезде, жалын жасыл түске боялады. Түстің айқындалуын ұшқыш мыс галогенидтерінің пайда болуымен түсіндіруге болады. Фармацевт-аналитик қандай реакция көмегімен өзі екендігін анықтады?

10.  Сынақ зертханасына бензодиазепин тобына жататын дәрілік зат келіп түсті. Жалпы тұнбаға түсіретін реакциялар мен Бельштейн сынамасы оң нәтиже көрсетті. Сілтілік гидролиз кезінде нингидринмен қоңыр түс беретін метиламин түзілді. Фармацевт-аналитик қандай дәрілік затқа өзі екендігін анықтайтын қосымша реакция жүргізу керек?

11.    Сынақ зертханасында нитрозепамның сандық мөлшерін спектрофотометрия әдісімен 280 нм толқын ұзындығында анықтады. Еріткіш ретінде 1М хлорсутек қышқылы мен метанолдың (1:9) қоспасы қолданылды. Зерттелетін ерітіндінің оптикалық тығыздығы 0,435; 0,02% жұмысшы стандарт үлгінің оптикалық тығыздығы 0,433 болып табылды. Фармацевт-аналитик нитрозепамның сандық мөлшерін қандай формула бойынша есептейді?

12.  Сынақ зертханасына ақ түсті ұнтақ түріндегі суда оңай еритін, этанолда еритін, эфирде тәжірибе жүзінде ерімейтін пиррол туындысының дәрілік препараты келіп түсті. Спектральды талдау нәтижесі УК спектр аймағында препарат белгілі максимум иемденбейтінін көрсетті. Препаратты натрий гидроксидімен қыздыру кезінде аммиак иісі сезілді.Фармацевт-аналитик қандай препаратқа қосымша өзі екендігін анықтау сынағын жүргізуі қажет?

13.  Сынақ зертханасына пирацетам таблеткалары экспертизаға түсті. Препараттың сандық анықтауын нормативті құжатқа сай Кьелдаль әдісі бойынша жүргізу қажетті құралдың болмауына байланысты мүмкін емес.Препараттың сандық анықтауы бойынша қандай балама әдіс ұсынасыз?

14.  Сынақ зертханасына ақ кристалды, өзіне тән иісі бар, суда, этанолда, метанолда және хлороформда жеңіл еритін пиррол туындыларының дәрілік субстанциясы экспертизаға түсті. Препараттың қыздырған кездегі сілтілік гидролиз кезінде меркаптан қосылыстарына тән иіс байқалды. Фармацевт-аналитик қандай препаратқа қосымша өзі екендігін анықтау сынағын жүргізуі қажет?

15.  Сынақ зертханасына ақ кристалды, суда аз еритін, метанол, этанол, хлороформ, диметилформамидте еритін пиррол туындыларының дәрілік субстанциясы экспертизаға түсті. Препарат гидроксам сынағы және бром суының түссізденуі реакцияларына оң нәтиже береді.Фармацевт-аналитик қандай препаратқа қосымша өзі екендігін анықтау сынағын жүргізуі қажет?

16.  Каптоприлдің сандық анықтауын келесі әдіс бойынша жүргізеді: препараттың дәл өлшемін (0,32) тығындалған колбада 100 мл суда ерітеді; 3,6 М күкірт қышқылы ерітіндісін және 1,0 г йод, 2 мл крахмал ерітіндісін қосады. 30 сек ішінде жоғалмайтын, көк түс түзілгенше 0,1 М калий йодатымен титрлейді.Каптоприлдың йодатометриялық анықтауы қандай химиялық қасиетіне негізделген?

17.  Капторилдің сандық анықтауы йодаметриялық әдістің келесі реакция химизміне негізделген:Каптоприлдің йодаметриялық анықтауы қандай химиялық қасиетіне негізделген?

18.  Дәрілік препарат синтезінің бастапқы өнімі α-пирролидон болып табылады. Ол азот атомы бойынша қиын алкилденуіне байланысты, препарат синтезі оның лактимді эфирі бойынша келесі схема түрінде жүреді:Осы схема бойынша қандай дәрілік препарат синтезделеді?

19.  Сынақ зертханасында ақ кристальды, суда жеңіл, этанолда аз еритін, физиологиялық ерітіндіде еритін, индол туындыларының дәрілік субстанциясы экспертизаға түсті. Препараттың сілтілік гидролизін жүргізген кезде метиламин иісі сезіледі.Фармацевт-аналитик қандай препаратқа қосымша өзі екендігін анықтау сынағын жүргізу қажет.

20. Сынақ зертханасына индол туындыларының дәрілік субстанциясы экспертизаға түсті. Препарат жалпы алкалоидты реактивтермен реакцияға оң нәтиже береді. Натрий нитритін қосқан кезде сары түсті өнім түзілді. Препараттың гидролизінен кейін сынаманы барий хлориді ерітіндісімен өңдеді, нәтижесінде сілтіде және қышқылда ерімейтін ақ тұнба түзілді.Фармацевт-аналитик қандай препаратқа қосымша өзі екендігін анықтау сынағын жүргізу қажет.

21.  Сынақ зертханасына ақ-сарғылт түсті кристалды ұнтақ тәрізді индол туындыларының дәрілік субстанциясы экспертизаға түсті. Препарат ерітіндісі 0,01 М хлорсутек қышқылы ерітіндісінде 220 және 275 нм толқын ұзындығында екі жұту максимум береді. Препарат ерітіндісі 0,1 М натрий гидроксиді ерітіндісінде 322 нм толқын ұзындығында жұту максимумын береді. Еріткіш ретінде концентрлі күкірт қышқылы ерітіндісін қолданғанда жұту жолағында батохромды жылжу жүреді және 240 және 300-310 нм аймақтарында максимумдар жылжуы байқалады.Фармацевт-аналитик қандай препаратқа қосымша өзі екендігін анықтау сынағын жүргізу қажет?

22. ҚР МФ бойынша метамизол натрийдің сандық анықтауын келесі әдіс бойынша жүргізеді: субстанцияның 0,2 г нақты салмағын 0,01 М 10 мл хлорсутек қышқылында ерітеді, мұз моншасында салқындатады және 0,05 М йод ерітіндісімен схема бойынша бірден титрлейді: Метамизол натрийдің суда өте жеңіл еруіне қарамастан қандай мақсатта препаратты холрсутек қышқылында ерітеді?

23. Нормативті құжат бойынша антипириннің сандық анықтауын мына әдістеме бойынша жүргізеді: препараттың 0,25 г нақты салмағын 25 мл суда ерітеді, 2 г натрий ацетатын, 50 мл 0,1 М йод ерітіндісін және 0,32 мл сұйылтылған сірке қышқылын қосады. Ерітіндіні қатты шайқайды және 5 мин кейін 15 мл хлороформ қосады. Алынған ерітіндіні тұнба толық ерігенше араластырады және йод қалдығын 0,1 М натрий тиосульфаты ерітіндісімен титрледі (индикатор крахмал).Реакциялық колбаға натрий ацетатын қандай мақсатта қосады?

24. НҚ талабы бойынша антипириннің сандық анықтауын келесі әдістеме бойынша жүргізеді: препараттың 0,25 г нақты массасын 25 мл суда ерітеді, 2 г натрий ацетатын, 50 мл 0,1 М йод ерітіндісін және 0,2 мл сұйытылған сірке қышқылын қосады. Ерітіндіні қатты шайқайды және 5 мин кейін 15 мл хлороформ қосады. Алынған ерітіндіні араластырады және йод қалдығын 0,1 М натрий тиосульфат ерітіндісімен титрлейді (индикатор крахмал).Реакциялық колбаға хлороформды қандай мақсатта қосады?

25. Клофелин гидрохлоридінің балама сандық анықтау әдісі органикалық еріткіш ортасында алкалиметрия болып табылады. Ол үшін препараттың нақты массасын суда ерітіп, колбаға аз мөлшерде хлороформ қосып, 0,1 М натрий гидроксиді ерітіндісімен су қабаты әлсіз қызғылт түске боялғанша титрлейді (индикатор фенолфталеин).Титрлеуді қандай мақсатта хлороформ қатысында жүргізеді?

26. Сапаны бақылау жөніндегі фармацевтикалық кәсіпорынға дезинтоксикацияға арналған дәрілік субстанция келіп түсті. Ақ немесе сарғыш-ақ түсті ылғал тартқыш ұнтақ немесе үлпілдек, суда, 96% спиртте, метиленхлоридте оңай ериді. Спектральды талдау нәтижесінде субстанция пиррол туындыларына ұқсас деп болжанды. Үшіншілік азот, қышқылдық карбонил атомдарына, гидроксам сынағына оң нәтиже көрсетті.Фармацевт-аналитик қандай препаратқа қосымша өзі екендігін анықтау сынағын жүргізу қажет?

27. ҚР МФ бойынша коповидонның сандық анықтауы келесі әдістеме бойынша жүргізіледі: заттың дәл өлшемін кері тоңазытқышпен жабдықталған сыйымдылығы 200 мл колбаға орналастырады. 25 мл 0,5 М калий гидроксидінің спирттегі ерітіндісін және бірнеше шыны шарик қосады. Колбаға кері тоңазытқышты жалғайды және қайнаған су моншасында 30 мин бойы қыздырады. 1,0 мл фенолфталеин қосып және сол уақытта ыстық ерітіндіні 0,5 М хлорсутек қышқылымен титрлейді. ҚР МФ сәйкес коповидонды сандық талдау үшін қай сапа көрсеткіші және оны қандай әдіс арқылы анықтайды?

28. Сынақ зертханасына экспертизаға антигипертензивтік заттар тобына жататын белгісіз препарат келіп түсті. Бақылаусыз қабылданған препарат науқаста жағымсыз реакциялар мен ортастатикалық коллапс тудырды. Препарат ақ түсті, жазық цилиндрлі формалы таблеткалар, экспертиза нәтижесінде екіншілік және үшіншілік азот атомына оң нәтижелі реакция көрсетті. Спектральды талдау нәтижесі 272 және 279 нм толқын ұзындықтарында екі максимум және 265 нм толқын ұзындығында бір максимум берді. Қатаң гидролизден кейін препарат күміс нитратымен ақ үлпілдек тәрізді тұнба түзді.Фармацевт-аналитик қандай препаратқа қосымша өзі екендігін анықтау сынағын жүргізу қажет.

29. Төмендегі схема бойынша бастапқы сатысында бензолсульфон қышқылының метил эфирімен өңделетін феназон (антипирин) синтезінің негізгі көзі 1-фенил-3-метилпиразолон-5 болып табылады:Реакциялық ортаға бензолсульфон қышқылының метил эфирін қандай мақсатта қосады?

30. Схема бойынша метамизол-натрийді (анальгин) өндірістік жағдайда монометиламинофеназон және формальдегид-натрий гидросульфитінен алады:

31.  Ресей химиктері және фармакологтары Б.А. Порай-Кошиц, С.В. Аничков және т.б. конденсирленген имидазол туындыларынан спазмолитикалық қасиеті бар, папавериннің синтетикалық аналогтарын іздеу нәтижесінде төмендегі схема бойынша о-фенилдиамин және фенилсірке қышқылынан қосылыс синтезделіп алынды:Берілген синтездеу схемасы бойынша қандай дәрілік препарат алынды?

32. Сынақ зертханасында сусыз титрлеуді жүргізу үшін арнайы жағдай болмағандықтан, дибазол дәрілік субстанциясының сандық мөлшерін балама әдіспен анықтауды ұсынады. Бұл үшін препараттың дәл өлшемін суда ерітіп, 0,1М күміс нитраты ерітіндісін қосады. Алынған дибазолдың күміс тұзының тұнбасын фильтрлейді және оны фильтрде азот қышқылымен ерітеді. Ары қарай, алынған ерітіндіні 0,1М аммоний роданиді ерітіндісімен титрлейді, индикатор ретінде теміраммоний ашудасы қолданылады. Дибазолдың сандық анықтауында қандай әдіс қолданылды?

33. Туберкулезге қарсы белсенділігі бар дәрілік препарат синтездеу үшін, изоникотин қышқылын тионилхлоридпен өңдейді. Алынған изоникотин қышқылының хлорангидридін этил спиртімен өңдеп, изоникотин қышқылының этил эфирін алады. Соңғы сатысында алынған аралық өнімді келесі схема бойынша гидразинмен өңдейді:Берілген синтездеу схемасы бойынша қандай дәрілік препарат алынды?

34. Сынақ зертханасында изониазидтің сандық анықтауы үшін төмендегідей химиялық реакция жүргізілді:Изониазидтің сандық талдауында қандай әдіс қолданылды?

35. Нитротобына байланысты бактерияға қарсы белсенділігі бар дәрілік субстанцияны қышқыл ортада 8-оксихинолин және натрий нитритінен алады. Ары қарай алынған 5-нитрозо-8-оксихинолин нитрозотуындысын келесі схема бойынша нитротуындыға дейін тотықтырады:Берілген синтездеу схемасы бойынша қандай антибактериальды препарат алынды?

36. Биологиялық белсенді қосылыс алу үшін келесі схема бойынша көмір қышқылының толық амидін (мочевина) малон қышқылының туындыларымен өңдейді:Берілген синтездеу схемасы бойынша қандай дәрілік препарат алынды?

37. Нормативті құжат талаптарына сәйкес субстанциядағы фторурацилдің сандық анықтауы қышқылдық-негіздік титрлеу әдісі бойынша жүргізіледі. Препаратты диметилформамидте ерітіп, эквиваленттік нүктесіне дейін титрлейді. Фармацевт-аналитик фторурацилдің қышқылдық қасиеттерін ескере отырып, қандай титрантты пайдалану керек?

38. Нормативті құжат талаптарына сәйкес субстанциядағы метилурацилдің сандық анықтауы қышқылдық-негіздік титрлеу әдісі бойынша жүргізіледі. Препаратты диметилформамидте ерітіп, эквиваленттік нүктесіне дейін титрлейді. Фармацевт-аналитик метилурацилдің қышқылдық қасиеттерін ескере отырып, қандай титрантты пайдалану керек?

39. Сынақ зертханасына зерттеуге 1,4-бензодиазепин туындылары тобынан субстанция түсті. Қыздырған кездегі препараттың қышқылдық гидролизі нәтижесінде келесі өнімдер түзілді:Фармацевт-аналитик қандай дәрілік препаратқа қосымша сынаулар жүргізуі тиіс?

40. Сынақ зертханасына зерттеуге пиримидин-2,4-дион туындылары тобынан субстанция түсті. Фармацевт-аналитик субстанциядағы препараттың сандық мөлшерін анықтау үшін оның дәл өлшемін суда ерітіп, 0,1М күміс нитраты ерітіндісін қосты. Бөлінген азот қышқылының эквивалентті мөлшерін титрледі (индикатор фенол қызыл).Фармацевт-аналитик қандай титрантты қолданды?

41.  Фармацевт-аналитик тропан тобындағы препараттың құрамындағы суды анықтау үшін күкірт (IV) оксиді, йод және пиридиннің метанолдағы ерітіндісінен тұратын реактив дайындады.Фармацевт-аналитик дәрілік препарат құрамындағы суды қандай әдіспен анықтады?

42. Сынақ зертханасына талдауға клофелин таблеткалары түсті. ҚР МФ талаптарына сәйкес фармацевт-аналитик тальктың және аэросилдің құрамын анықтау үшін ұнтақталған таблеткадан 1г алып жылы сумен өңдеп, сұйықтықты күлсіз фильтр арқылы сүзеді. Фильтрдегі қалдықты жылы сумен жуады. Фильтрдегі қалдықты кептіріп, қыздырып, 0,1 мг дәлдікпен өлшеді. Фармацевт-аналитик таблеткалардағы тальк және аэросил мөлшерін қандай әдіспен анықтады?

43. Сынақ зертханасына нитроксолин субстанциясы түсті. Фармацевт-аналитик идентификация жүргізу кезінде препаратқа концентрлі күкірт қышқылы қатысында дифениламин ерітіндісін қосты.Фармацевт-аналитик қандай функционалдық топқа реакция жүргізді?

44. Сынақ зертханасына нитроксолин субстанциясы түсті. Фармацевт-аналитик идентификация жүргізу кезінде препаратқа натрий гидроксиді ерітіндісін қосқан кезде қызыл-сары түске ауысатын сары түс пайда болды. Фармацевт-аналитик қандай функционалдық топқа реакция жүргізді?

45. Фармацевт-аналитик нормативті құжат талаптары бойынша фтивазид таблеткаларының сапасын бақылау кезінде 2,4-динитрохлорбензолмен сапалық реакция жүргізді. Фармацевт-аналитик фтивазидтің қандай құрылымдық фрагментіне (функционалдық топқа) реакция жүргізді?

46. Фармацевт-аналитик нормативті құжат талаптары бойынша каптоприлдің сапасын бақылау кезінде препаратты кетоксим түзілу реакциясы және балқу температурасын анықтау бойынша идентификациялады. Фармацевт-аналитик осы реакцияны жүргізу үшін қандай реактивті қолданды?

47. Фармацевт-аналитик этионамид субстанциясының сапасын бақылау кезінде препаратты натрий гидроксидімен қыздырып, натрий нитропруссиді ерітіндісін қосты. Нәтижесінде қызыл-күлгін бояу пайда болды. Фармацевт-аналитик этионамидтің қандай функционалдық тобына реакция жүргізді?

48.       Фармацевт-аналитик протионамид субстанциясының сапасын бақылау кезінде препаратты 2,4-динитрохлорбензол ерітіндісімен әрекеттестіргенде қою-қызыл бояу пайда болуы арқылы идентификациялады. Фармацевт-аналитик протионамид субстанциясының қандай құрылымдық фрагментіне (функционалдық топқа) реакция жүргізді?

49.          Сынақ зертханасына зерттеуге протионамид субстанциясы түсті. Протионамид субстанциясының сандық мөлшерін сусыз бейтараптау әдісімен анықтау үшін 0,1495 г дәл өлшемге титрлеуге 12,45 мл 0,1 моль/л хлор қышқылының ерітіндісі жұмсалды. Бақылау тәжірибесіне сол титранттың 0,2 мл жұмсалды. Фармацевт-аналитик протионамид субстанциясының сандық мөлшерін қандай формула бойынша есептеді?

50. НҚ талабы бойынша ... сандық анықтауын келесі әдістеме бойынша жүргізеді: препараттың 0,25 г нақты массасын 25 мл суда ерітеді, 2 г натрий ацетатын, 50 мл 0,1 М йод ерітіндісін және 0,2 мл сұйытылған сірке қышқылын қосады. Ерітіндіні қатты шайқайды және 5 мин кейін 15 мл хлороформ (йодопирин тұнбасын еріту үшін) қосады. Алынған ерітіндіні араластырады және йод қалдығын 0,1 М натрий тиосульфат еріітіндісімен титрлейді (индикатор крахмал).