Suguh Dhayoh ing Mantenan Yogyakarta lan Surakarta

Ing wewengkon Yogyakarta lan Surakarta ana istilah USDEK kanggo nyebut suguhan kang diparingake marang dhayoh. Anggene nyuguhake kudu manut urutan lan sing menehi utawa sing nyuguhake iku para sinoman. USDEK dhewe mujudake cekakan saka unjukan, sop, dhaharan, es krim lan, kondur. Nalika ana dhayoh teka menyang acara resepsi nikahan, ora watara suwe bakal ana sinoman kang nyuguhi unjukan. Lumrahe unjukan sing disuguhake yaiku teh anget. Sabubare nampa teh anget lan teh kasebut disruput, dhayoh bakal oleh suguhan kapindho kang wujude sop. Sop kang biyasane disuguhake ing adicara resepsi rabi iki lumrahe sinebut sop manten. Sop manten kang disuguhake iki tanpa migunakake sega. Minangka sesulih saka sega biyasane diganti nganggo bihun utawa markoni. Sawise diparingi suguhan arupa sop, tamu bakal pikantuk maneh suguhan kaping telu yaiku dhaharan. Jinis dhaharan kang disuguhake ora ana ketentuane, amarga jinis suguhan dhaharan iki dipasrahake manut kuwasane sing duwe gawe. Suguhan pungkasan sing diwenehake marang tamu yaiku es krim utawa es podeng. Suguhan es krim utawa es podeng iki pancen sengaja diwenehake ikeri dhewe, jalaran es krim utawa es podeng iki dianggep panganan kanggo pencuci mulut. Sabubare suguhan kabeh wis ditampa dening tamu, banjur tamu wis bisa mulih.

Gatekna pethalan teks artikel ing ngisor iki!

Akhir-akhir iki kerep krungu wong-wong sambat yen bocah jaman saiki males sinau. Iki mesthi bukti yen teknologi sing maju dadi sebab utama mudhune semangat sinau generasi enom. Kabeh bocah sing kerep nganggo HP mesthi wae males sinau, merga dolanan HP mung nggawe bocah dadi lumuh. Tuladhane gampang wae, tanggaku saben dina mung dolanan game ing HP, lan jebule rapote elek. Tegese, game online njalari bijine rapot tanggaku elek. Kasus kaya sing dialami dening tanggaku dadi bukti yen dolanan hp kuwi mesthi ngrusak prestasi sekolah. Dadi, solusine wis cetha, yen arep nggawe generasi enom dadi pinter, kabeh HP kudu dilarang kanggo bocah sekolah, ora ana solusi liya sing luwih efektif kajaba kuwi.

Golekana jinise cacat pikir sing ana ing teks artikel ing dhuwur!

Geneya Kudu Turu 8 Jam Sedina?

Turu kuwi kalebu aktivitas sing kelakon ing alam bawah sadaré manungsa lan dadi salah siji kabutuhan pokoké manungsa. Akèhé lan apiké turune wong nduwé pengaruh marang kegiyatan saben dinané manungsa. Kahanan kurang turu utawa gangguan turu (sleep deprivation) kerep ditemokaké ing kalangan remaja nganti wong diwasa (Fazhilah, 2020). Kualitas turu sing apik kuwi antarané nduwé wektu turu sing cukup, yaiku watara 7–8 jam saben dina, ora kerep tangi nalika turu, lan bisa turu gampang sawisé 30 menit angler (Sulana, 2020). Ing panalitèn sing ditindakake déning Fazhilah (2021), lan survei indeks pola urip sehat American International Assurance (AIA) taun 2013 nuduhaké yèn wong Indonesia mung duwe wektu turu kira-kira 6 jam saben wengi merga répot lan aktivitas padinan sing tambah akeh. Adhedhasar panalitèn Rianto, lan kancané (2022), kualitas turu sing ora apik bisa njalari kumaté hipertensi ing wong tuwa. Kualitas turu sing elek bisa ngganti hormon stres kortisol lan sistem saraf simpatik, mula ndadèkaké tekanan darahé wong tuwa saya mundhak. Miturut panalitèn sing ditindakake Gunarsa, lan kancané (2021), wong sing kualitas turune elek bakal mikolehi akibat negatif ing awaké, yaiku ngganggu regenerasi sel lan keseimbangan metabolisme awak. Kuwi bisa nyebabaké rusaké organ awak tartamtu merga ora diwènèhi wektu istirahat sing cukup. Nanging, wong sing nduwé kualitas turu apik bakal éntuk akèh akibat positif kanggo awaké, kayata ora gampang ketaman lara, bisa njaga keseimbangan mental, ningkataké kesehatan awak, stres ing paru-paru, kardiovaskular, endokrin, lan sapanunggalané bisa mudhun (Putra & Kriswanto, 2019).