«Жылқышы» әңгімесі (үзінді)

Бұл – менің тебіндегі жылқыны бірінші көруім.
Жылқы деген жануар – мал атаулының ішіндегі ең қайраттысы. Өте бір түтеген боран соғып кетпесе, ызғарлы суықтарда желге маңдайын бере қарсы қарап, қар тебеді. Жылқыларда аналық мейірім барын сол кезде байқайсың. Соңынан құлыны, тайы ерген мама биелер қар тепкенде, әуелі өзі оттамай, балаларына шөп ашып береді. Олар біраз қаужалаған алғаннан кейін ғана өзі оттауға кіріседі. Мың жарымға жақын жылқының тұяғы жер шулата ма, қос тіккен төңіректің шөбі әп-сәтте бітеді. Сол кезде “тебін аудару” деген басталады, ол – жылқыны тың жерге көшіру деген сөз.

Жылқының тыңға көшуі оңайлыққа түспейді. Бет алған жақта ойпаң кездесіп, қар қалындай кетсе, жылқы беттемей тұрып алады.

Ондай кезде қалың жылқыны бастай жөнелетін көсемдері болады. Бұндай бастауда аса бір қарулы айғырлар мен биелер ғана түседі.

Көсемдері бір жылқы қалынға түсе жөнелгенде, оның артынан тізбектеген жылқылар шұбара бастайды. Тебін солай аударылады…

С. Мұқанов. «Жылқышы»

Тапсырма. Мәтінде жылқы туралы қандай пікір айтылған? дұрыс жауабын тап.

A) Жылқы – ең әлсіз жануар
B) Жылқы – малдың ішіндегі ең қайраттысы
C) Жылқы жау келгенде қашып кетеді
D) Жылқы қыста өмір сүре алмайды

Мәтінде жылқының аналық мейірімі қалай сипатталған?

A) Балаларын итеріп жіберіп, өздері кетеді
B) Балаларын тастап кетеді
C) Балаларына шөп ашып береді
D) Топтарын өз бетімен қалдырады

(a)  

“Тебін аудару” деген не?

(1 дұрыс жауап)

A) Жылқыны көшіру
B) Жылқыны сату
C) Қораға қамап қою
D) Құлынды бөлек баптау

Әңгіменің авторы кім?

(a)  

Жылқы өсіру (выращивание лошадей) ісі кәсіпке жата ма? "иә", "жоқ"

(a)  

Жылқының төлі қалай аталады?

(a)  

Жылқышы қандай болу керек?

(a)