Pék baca wacana ieu di handap pikeun ngajawab pananya nomer 1-5!

Lauk Emas Walungan

Karangan Yus R.I

Hujan ngecrek ti isuk-isuk nepi ka pasosoré. Bari ngopi neuteup pasawahan, sok ras ka mangsa keur budak taun 1980- an. Mangsa hujan raat pasosoré, barudak silih sampeur. Lamun henteu ngurek di sawah, nya nguseup di solokan .cai solokan semu kiruh , lébér nepi kana galengan.kajeun solokan leutik, tapi sok menangn waé lélé sagedé leungeun hiji séwang mah.

Anu arék didongéngkeun mah basa diajak ku Amang ngecrik di walungan. Puguh waé resep. Ngan sok keueung, apan tos hujan mah sok caah sagala. Ngan tenang sotéh apan jeung Amang anu geus kolot. “Urang nungguan hela cai rada orot.sugan wéhasilna mucekil, apan engké peuting rék ngaliwet bari ngadangukeun golék (wayang) di saung,” saur Amang.

Kuring unggeuk.enya waé, apan engkénpeuting téh malem Minggu. Sok resep ari ngaliwet di saung téh. Kajeun saukur ngagolér diharudum sarung tapihaneut tina durukan. Turun téh ti hilir. Mimiti mah beubeunangan téh seuseut. Beunteur hi-dua sagedé-gedé cingir ogé diala.tapi basa maju ka girang, kuring surak lantaran sakali ngarungkup maké menang lauk jaér nila aya genepna.beuki maju lauk téh beuki loba. Malah menang lauk emas sagedé piring sagala.

“Kojana pinuh, Mang,” ceuk kuring ngabéjaan.Amang katingalina siga nu bingung. “Sigana mah aya balong anu bedah,” saurna. “Urang balik hela wé, sigana masih loba laukna. ”Hanjat téh ti lebah sawah pa Haji Kohar. Sajajalan loba anu maregat pédah nempo beubeunangan anu mucekil. “ Hayu tarurun, euy, lauk emas na ogé sigana loba kénéh,” saur Amang.

Enya waé, ka walungan téh loba anu narurutan ngecrik. Amang jeung kuring anu balik deui bari mawa koja gedé, make menang lauk emas bibit sadua-dua sagala. Teu kaitung lauk nila sagedé dampal leungeun kolot mah. Atuh di walungan téh jadi ramé. Puguh atuh kolot budak tarurun. Aya anu milungecrik, nyair, aya ogé anu saukur lalajo. Beuki ka hilir lauk téh beuki loba. Ngan basa nepi ka lebah Leuwi Meri, Amang siga anu reuwas.

“Alah, Jang, boa-boa balong urang anu rempag téh,” saur Amang bari hanjat ti walungan. Tuluy ngagidig ka girangkeun mapay sisi walungan. Kuring nuturkeun bari ngajingjing koja pinuh ku lauk. Enya waé, anu rempag téh balong Amang. Sisibalong anu lébarna aya samétérna longsor ka walungan.“Lamun kieu mah lain mucekil atuh,” saur Amang dareuda. ***

(Dicutat tina Manglé.id kalayan diropéa saperluna)

Basa keur naon si kuring ngalamun téh ….