Үйлчлүүлэгч Г. 7 настай, эмэгтэй. Ээжийн хамт ирсэн. Эрүүний сүүн шүд унаад шинээр шүдэлж буй шүд байнгын зовиуртай, лугшиж өвддөг, тухайн шүдээр юм хазах, зуухад өвдөнө, шүдний буйл орчим эмзэглэлтэй гэнэ.

Үзлэгт: Эрүүний 31, 32, 41, 42 шүднүүд шүдэлсэн. 32-р шүдний өнгө бусад шүднээсээ бага зэрэг цэхэр өнгөтэй. Нүүр тэгш хэмтэй, 32-р шүд орчмын шилжих нугалаасыг тэмтрэхэд бага зэрэг эмзэглэлтэй.

Дэлгэмэл рентген зурагт: Эрүүний ясанд 32-р шүдний сурвалжийн оройн 1/3-ийг хамарсан, тодорхой хил хязгаартай, дугуй хэлбэрийн ойролцоогоор 4.5 мм хэмжээтэй, тод сүүдэржилт харагдана.