Karanbol Komie let ena dan sa mo lao la?

lakrwa Komie let ena dan sa mo lao la?

Enn ti kanar ki ena enn labek zonn finn sorti dan kazot. Komie mo ena dan sa fraz lao la?

An Mars ena enn lekol lakordeon ki finn ouver so laport dan Papayes. Komie mo ena dan sa fraz lao la?

Azordi Shelby so chacha inn desid pou al chake ek al fer shoping Mahebourg. Kan li ariv laba li’nn gagn fin, alor li’nn aste chana-pouri ek chips pou li manze. Li ti blie amenn so kart labank. Li’nn bizin pey kash.

Komie fraz ena dan sa text lao la?

Sa zistwar-la ti pase bien-bien lontan de sela. Sa lepok-la Moris ti apel Ile de France ek bato ti sel mwayen transpor pou vwayaze letour later. Tou kiksoz ti transport par bato. Bann marsan zepis ti sorti Lazi par bato, ti al Lerop pou al vann zot prodwi. Bann esklav ti pe anbarke depi Lafrik pou al dan bann koloni Franse kouma Moris. Parfwa ti ena bann lerwa ki ti vwayaz par bato ek kan zot ti vwayaze oubien demenaze, zot ti amenn bokou fortinn avek zot; bann kado ek lezot bann zafer presie. Sa bann komers ek vwayaz-la ti atir bokou voler ek sirtou bann pirat. Enn pirat ki ti bien seleb dan sa letan-la se Olivier Levasseur. Li ti sorti L’ île de La Tortue ek ti vinn fer bokou dega dan Losean Indien. Li ti enn pirat telman rapid ek redoutab ki li ti gagn nom Labiz.

Komie fraz ena dan sa text lao la?

Labiz ti vinn seleb gras a fortinn ki li ti vole kan li ti kaptir enn bato ki ti apel La Vierge du Cap o-larz Larenion. Lor sa bato-la ti ena bokou trezor: diaman, bizou, perl, lor, larzan, latwal ek bann vaz porslenn. Bann istorien dir ki samem pli gro fortinn ki enn pirat finn rekipere lor enn sel bato dan listwar piratri dan Losean Indien. Kan lasas pirat finn komanse, Labiz finn bizin kasiet so trezor. Sesel, Larenion ek mem Rodrig, li finn kasiet so trezor partou dan losean Indien. Enn zistwar rakonte ki kan Labiz ti vinn kasiet so trezor Rodrig, li ti met so trezor dan bann serkey. Kan bann esklav Labiz ti pe anter trezor, zot ti panse zot pe anter bann kadav me trezor ki ti dan sa bann serkey-la.

Komie fraz ena dan sa text lao la?