Font size
WorksheetsДомбыра Party туралы сұрақтар
Total questions: 12
Worksheet time: 19mins
«Домбыра Party» туралы ең алғаш Facebook әлеуметтік желісінен білдім. Нұрғиса ағамыздың жазған жазбасын оқыдым. Ағамыз Лондонға келетінін және «Домбыра Party» ұйымдастыратынын жазып, осы жерде жүрген қазақтардың хабарласуын сұрапты. Мен де бұл мәселе қашан шешіледі екен, нақты болатын уақыты мен жері қашан анықталады екен деп біраз уақыт күттім. Кейін анық-қанын білдік. Сүйінші хабарды желі бойынша жан-жаққа тараттық.
«Лондондағы «Домбыра Pаrty» кешіне аз адам келіп, ұят болып қалмағай!» – деп те уайымдадық. Себебі жанымда жүрген қазақ студенттерінің көбісінің оқуы аяқталып, басым бөлігі елге оралған болатын. Абырой болғанда, Астананың туған күніне орай өткен шараға қырыққа жуық қазақ жиналды.
Жиналып қана қоймай, Нұрғиса ағамызды қолдап, өздері де домбыраны қолға алып, өнер көрсетті. Көшеде серуендеп жүріп, бізді кездестіріп қуанған қазақтар да болды. Домбыраның үнін естіп, арамызға келіп қосылып жатты. Біраз қазақ бауырларымыз шетелде жүріп, өз елін сағынғаны байқалды.
Осы «Домбыра Party» арқылы елден жырақта жүрген қазақтардың көбісі өздерін Қазақстанда болып қайтқандай сезінген шығар. Себебі айтылған әндер, тартылған күйлер Қазақстанға деген сағынышымызды біршама басты деуге негіз бар.
Домбыра кешіне жиналған халық өздерін қалай сезінді?
Өздерін қазақ жеріне барып келгендей сезінді.
Өздерін үлкен сахнада өнер көрсеткендей сезінді.
Тек қазақ күйлерін қатты сағынғандарын түсінді.
Туған жерден жырақта жүргендеріне қиналды.
Қай ақпарат мәтін мазмұнына сәйкес келмейді?
«Домбыра Party» Нұрғиса ағамыздың басшылығымен өткізілді.
«Домбыра Party» тәуелсіздік күніне орай ұйымдастырылды.
«Домбыра Party-ды» тамашалауға біршама адам жиналды.
«Домбыра Party-дегі» ән-күйлер көрерменнің сағынышын басты.
Автор «Домбыра Party» шарасына қандай тілек білдіреді?
Бұл бастаманың одан әрі жалғасын табуын қалайды.
Домбыра кешінің жоғары дәрежеде өтуін тілейді.
Елімізде домбыра кешінің жиі ұйымдастырылуын тілейді.
Шетелдегі студенттер үшін шараның қайта өткізілуін қалайды.
Бір орманда екі адам ағаш шабады екен. Бірінші адам таңертең ерте ұйқысынан оянып, бір ағашты шауып бітсе, дереу екіншісіне өтіп тыным таппайды. Таңнан қара кешке дейін дәл осылай еңбектеніп, тынығу дегенді білмейді. Тіпті түскі тамақты ішуді де ұмытып кететін болыпты. Кешкісін әлгі досынан бірнеше сағат кейін үйіне қайтады екен. Екінші адам болса, ағаш шауып түсірген сайын біраз отырып тынығып, қас қарая бастанда, үйіне қайтып кететін болыпты. Бір апта бойы осылай еңбектенгеннен кейін, екеуі бір апталық ағаштарын санап көрмекші болады. Екінші адамның шапқан ағашы көбірек болып шығады. Тыным таппай еңбектенген бірінші адам ызаға булығып, қасындағы адамнан мұның сырын сұрайды. Екінші адам сәл ғана езу тартып, былай деп жауап қатады: – Мұның сен ойлағандай ешқандай сыры жоқ. Сен еш тынбай еңбектенесің. Ал мен кейде тынығып отырып, балтамды қайрап аламын. Өткір балтамен жұмыс істеу жұмысты жеңілдетеді әрі шаршамайсың, – деп жауап беріпті.
Бірінші адам не істейді?
Екінші адам не істейді?
Екі адам ағаштарын не үшін санайды?
Екінші адамның шапқан ағашы неге көбірек?
Өз-өзіңді жетілдіру балтаны қайрағанға ұқсайды. Өз-өзімізге уақыт бөліп, істің көзін табуымыз керек. Кемшіліктеріміз болса толықтырып, жетілдіре түсуіміз қажет.
Неліктен аз жұмыс жасаған адамның ағашы көбірек болып шықты?
құралын ауыстырып отыратындықтан
өзінің демалуына көңіл бөлетіндіктен
түскі тамақты уақытында ішетіндіктен
үйіне ертерек қайтатындықтан
Автор қандай кеңес береді?
Бәсекеге қабілетті болуымыз керек.
Демалыссыз еңбектенуіміз керек.
Жеңіске жетуге тырысуымыз керек.
Өзімізді үнемі дамытуымыз керек.
Мәтіннің негізгі ойы қандай?
Білім ешқашан тозбайды.
Достық ешқашан тозбайды.
Киім ешқашан тозбайды.
Кітап ешқашан тозбайды.
