Pacelathon

Pacelathon

Pacelathon asale saka tembung "celathu" sing tegese omongan, dadi cekake, pacelathon kuwi tegese omong-omongan.

Pacelathon yaiku guneman antarane wong siji lan sijine, bisa wong loro, telu, utawa luwih kang lagi rembugan sawijining bab apa ta apa.

awadene teks pacelathon yaiku wacan sing tinulis kanggo wewaton wong sing arep omong-omongan.

Tetengere teks pacelathon

• sakabehe cerita awujud omong-omongan antarane rong paraga utawa luwih.

• Pacelathon nggunakake tanda petik ("....") amarga teks pacelathon minangka ukara langsung.

• Teks pacelathon dijangkepi pituduh tartemtu kang kudu diperagaake dening paragane. pituduh kasebut ditulis sajrone tanda kurung (....).

tata krama pacelathon karo wong liya

• aja nganti gawe lara atine sing diajak ngomong, jalaran rumangsa diala-ala utawa diina.

• kancane pacelathon diwenehi kalodahangan omong.

• yen bisa sing diajak omong tansah seneng.

• tema, tembung, utawa ukara sing diomongake bisa ditampa wong diajak omong.

• swarane omongan aja nganti lirih utawa seru banget, sing penting sing diajak omong wis krungu.

Tata cara nulis teks pacelathon

• temtokna luwih disik sapa-sapane sing arep nindakake pacelathon. (tuladha: bocah karo bocah, bocah karo wong tuwa, lsp)

• gunakna unggah-ungguh sing trep sajroning pacelathon kasebut.

• anggone gawe materi pacelathon kudu ngelingi yen materi pacelathon ngono dudu monopoline salah siji paraga, nanging dadi duweke kabeh sing melu kegiyatan pacelathon.

• sing ora pareng dilalekake maneh, komunikasi sing diwangun ing pacelathon iku timbal balik (rong arah).

Tata Krama panganggone basa ing pacelathon

ing sajrone pacelathon kudu migunakake tata krama utamane basa kang trep lan pas. tata krama basa iku diarani unggah-ungguh basa. unggah-ungguh basa yaiku:

1. basa ngoko lugu. basa ngoko biasane digunakake kanggo:

• wong tuwa marang bocah.

• wong tuwa marang wong liya sing luwih enom.

• bocah karo bocah.

• wong tuwa karo wong tuwa sing wis akrab.

2. Ngoko alus. digunakake marang:

• kanca utawa wong sing wis akrab, nanging sing diajak omong diajeni dening wong liya.

• 
  

• 
  

• 
  

3. krama lugu. digunakake marang:

• marang wong sing durung akrab.

• marang wong sing luwih tuwa

4. basa krama alus. digunakake marang:

• wong sing luwih diajeni.

• 
  

5. basa krama inggil. digunakake marang:

• Dienggo déning wong enom marang wong tuwa.

• Dienggo déning murid marang guru.

• Dienggo déning wong kang pangkate luwih ngisoran marang wong kang pangkate luwih dhuwur.

Tuladha Pacelathon

Adi         : Pakdhe, sonten-sonten kok taksih ten kebon?

Pakdhe   : Iyo Di, urung rampung iki

Adi         : Taksih nopo to pakdhe?

Pakdhe    : Resik-resik di

Adi      : Lha niku, punapa ingkang panjenengan lampahi pakdhe?

Pakdhe   : iki aku ugo arep nandur wit gedhang sing di jaluk karo budhemu kae

Adi      : oalah, nalika wingi sonten kula nggi mireng menawi budhe sambat kaliyan pakdhe babagan punika

Pakdhe   : ora mung kuwi tujuane, nanging iki uga ana manfaate kanggo lingkungan

Adi      : leres niku pakdhe, mugi-mugi dados amalipun pakdhe

pakdhe   : aamiin

Adi     : nggih pun, kulo pamit wangsul rumiyin nggih Pakdhe, sampun badhe maghrib.

Pakdhe   : Iyo Di, ati-ati.