Էլեկտրոնային առևտուր

Էլեկտրոնային առևտուր

Էլեկտրոնային առևտուրը դա  համացանցի միջոցով իրականացվող ձեռնարկատիրական գործունեություն է կամ գործարք, որը իրականացվում է էլեկտրոնային եղանակով տվյալների փոխանակմամբ և հանգեցնում է ապրանքների կամ ծառայությունների ամբողջական կամ մասնակի սեփականության իրավունքի փոխանցմանը:

Էլեկտրոնային առևտուրն ունի ինտենսիվ զարգացման մոտ 25 տարվա պատմություն, որը տնտե-սության այլ ճյուղերի հետ համեմա-տած կարելի է համարել ոչ այդքան երկար ժամանակահատված: Էլեկտրոնային առևտրի առաջին համակարգերն ու մեթոդներն իրենց ծագման համար պարտական են ավիատոմսերի և պլաստիկ քար-տերի վաճառքի ավտոմատացման տեխնոլոգիաների առաջացմանը:

Էլեկտրոնային առևտուրը ինտեր-նետի եւ մասնավոր կապի ցանցերի միջոցով, շահույթ ստանալու նպատակով, իրականացվող ֆինանսական գործարքի, ապրանքի, ծառայության, տեղեկատվության առք ու վաճառքի գործընթաց է, որը բիզնեսի կազմակերպման ժամանակակից և զարգացած, ինչպես նաև ժամանակախնայող ձև է ինչպես պետական մարմինների, այնպես էլ իրավաբանական և ֆիզիկական անձանց համար:

Էլեկտրոնային առևտրի տեսակներն են

• B to C (Business-to-Consumer), փոխհարաբերություն առևտրային կազմակերպության և սպառողների միջև:

• B to B (Business-to-Business), փոխհարաբերություն առևտրային կազմակերպությունների միջև:

• B to G (Business-to-Government), փոխհարաբերություն առևտրային կազմակերպությունների և պետական կառույցների միջև:

• C to C (consumer to consumer) (costomer to costomer ), այս ձևը վերջերս է առաջ քաշվել՝ փոխհարաբերություն հաճախորդների միջև:

Էլեկտրոնային առևտրի առավելությունները

• Հնարավորություն է ընձեռում, նույնիսկ ամենափոքր կազմակերպություններին, գործունեություն ծավալել տարբեր շուկաներում՝ անկախ դրանց գտնվելու վայրից

• Բարձրացնում է կազմակերպության մրցակցային հնարավորությունները:

• Գլոբալ ընտրության հնարավորություն, ժամանակային անսահմանափակություն, անհատական մոտեցում հաճախորդին,

• Ցանկացած գործարք կարելի է կատարել օրը 24 ժամ՝ անկախ գտնվելու վայրից:

• ժամանակի և հավելյալ ծախսերի խնայում՝ ապրանքի ընտրության և պատվերի ձևակերպման ժամանակ

• լայն ընտրություն և լավագույն գնային առաջարկ

• վճարման համակարգի բազմազանություն։

Էլեկտրոնային առևտրի թերությունները

• Գնվող ապրանքի հետ անմիջական շփման անհնարինություն

• Իրավական կարգավորման խնդիրներ

• Խարդախության գրավիչ միջավայր

• Տեխնիկական միջոցների, ինտերնետի խափանման պատճառով առաջացող անհարմարություններ

• Պայմանագրային և ֆինանսական խնդիրներ

• Սեփականության իրավունքի հետ կապված խնդիրներ

• Անձնական տեղեկատվության պահպանման անվստահություն

Չնայած էլեկտրոնային առևտրի վերաբերյալ բացակայում են վիճակագրական տվյալներ, հետազոտություններ, այնուամենայնիվ էլեկտրոնային առևտրի վերաբերյալ կարող ենք ասել, որ այն օր օրի ավելի լայն մասշտաբներ է ստանում և ,ուղղակիորեն, դարձել է յուրաքանչյուրիս կենցաղի անբաժան մասը: