FIL7: Pagsulat ng Editoryal

Pagsulat ng Editoryal

Filipino 7

_{Happy Homeschool}

^{Teacher Arman}

Sang-ayon o Di Sang-ayon?

Ano ang iyong opinyon sa mga kaganapang panlipunan

Poll

Sang-ayon ka ba kay Sen. Manny Pacquiao na tanggalin si Sec. Duque sa kanyang posisyon bilang Health Secretary ng bansa?

• Sumasang-ayon

• Di sumasang-ayon

• Hindi ko alam

Ang Pilipinas ay isang bansang demokratiko

Ginagarantiyahan sa ating Saligang Batas ang kalayaan sa pamamahayag. Isinasaad din dito na hindi pahihintulutan ang anomang panukalang batas na maaaring makahadlang sa kalayaan sa pamamahayag. Ito ang dahilan kung bakit makaririnig táyo ng mga komentarista sa radyo at telebisyon na malayang nakapagpapahayag ng kanilang pananaw tungkol sa iba’t ibang isyu, kahit pa nga batikusin ang gobyerno.

Editoryal

• Isang pitak o kolum sa pahayagan na tumatalakay ng isang napapanahong isyu.

• Karaniwan isinusulat ng punòng-patnugot o editor-in-chief.

• Nakabatay sa sariling pananaw ng sumulat nitó.

• Dapat ibatay ng editor ang pananaw niya sa katotohanan.

• Hindi dapat maging espasyo sa pamimintang o paninirang-puri.

• Dapat maging responsable sa paggamit ng kalayaan sa pamamahayag.

3 Bahagi ng Editoryal

• Panimula - nagpapakilála sa isyu. Dito tinatalakay ng may-akda ang konteksto o pinanggagalingan ng isyu, maging ang dahilan kung bakit mahalaga itong pag-usapan.

• Katawan - Dito naman tinatalakay ang iba’t ibang argumento pabor at kontra sa paksa. Dito binibigyan ng pagkakataon na marinig ang magkabilâng panig na may kinalaman sa isyu. Sa hulí, kailangang mailatag ng may-akda ang sarili niyang pananaw o paninindigan tungkol sa isyu.

• Kongklusyon - ukod sa pagbibigay-diin sa pinakamahahalagang púntong nais niyang maiwan sa mga mámbabasá, maaari din ditong mag-iwan ng hámon ang may-akda.

Bukod sa pagpapabatid, pagtuturo, at pagmumulat, isa pa sa mga gawain ng editoryal

ay ang panghihikayat. Masasabing doble ang tagumpay ng editoryal kung naihain nito ang pananaw ng may-akda tungkol sa isyu at nahikayat din ang mga mámbabasá na panigan ito.

Mga Pahayag sa Panghihikayat sa Pagsulat ng Editoryal

Mga pahayag sa pagbibigay ng sariling pananaw

Ipinapakíta ng mga pahayag na ito ang kakayahan ng may-akda na makabuô ng sariling opinyon.

Halimbawa ng mga pahayag sa pagbibigay ng sariling pananaw ay sa aking palagay/pananaw, sa tingin ko, ang opinyon ko diyan ay, kung ako lang, para sa akin, at iba pa.

Mga pahayag sa pagbibigay-halimbawa

Ipinapakilála ng mga ito ang mga karagdagang impormasyon, saliksik o pag-aaral, pangyayari, sitwasyon, at iba pang datos na maaaring lalong makapagpatibay sa mga argumento.

Halimbawa ng mga pahayag sa pagbibigay-halimbawa ay halimbawa, isang kaso ang, isa pa ang, bukod pa rito, gayundin, bílang karagdagan, at, sakâ, kunwari, at iba pa.

Mga pahayag sa paghahambing

Pinagtatabi nitó ang dalawang kaso upang makíta ng mga mámbabasá ang magkabilâng panig ngunit sa hulí, palalabasin ng may-akda na ang panig na kinikilingan niya ang mas maganda o nakalalamang.

Halimbawa ng mga pahayag ay samantala, habang, kung ihahambing sa, kompara sa, gaya ng/ tulad ng, kung titingnan ang, sa kabilâng banda, gayumpaman, subalit, ngunit, pero, datapwat, at iba pa.

Mga pahayag ng katiyakan

Ito ang mga apirmatibong pahayag na nagbibigay ng pagiging tiyak o sigurado sa impormasyon.

Halimbawa ng mga pahayag ng katiyakan ay tunay, talaga, tiyak, totoo, natural, sigurado, sa katunayan, walang duda, walang pasubali, at iba pa.

Gawaing Pangkatan

Sumulat ng mga pangungusap na nanghihikayat mula sa napanuod na video clip ng isang pista sa Kabisayaan

Daghang Salamat!