Bahasa Madura

Bahasa Madura

Cangkriman

Bhâk tebbhââgân

Bhâk tebbhââgân arèya ètebbhakaghi kalabân moddhâ èkatèle bhârângnga,tapè neng sebbhuddhânna otabâ neng tolèsan bilâ ètolès.Bâriyâ kèya bâdâ sè jâwâbhânna sala sèttong oca' mènangka okara bhâk-tebbhâghânna.Tapè pagghun jâwâbbhân kadhâng loco.maso' akal tor nyennengngaghi.

Conto:

• Ka bârâ' ghâdheb ka tèmor ghâdhèb apa? (jâwâbbhâ ghâdhebbhung)

• Antara Bhumè bân Langngè' bâdâ apa ? (jâwâbbhâ bân)

• È nga'-tengnga'anna pasar bâdâ apa? (jâwâbbhâ S)

È bâbâ arèya bhâk-tebbhâghân sè èsoson awujud tembhâng iyâ arèya Tembhâng Pucung.Mara tebbhak!

Malèng lèma bânnya' èpon.

Kaempa maso' roma

Sèttong cèccèr toghu labâng

Malèng klowar orèngnga ota'an dârâ

Mon tembhâng bhuru ètolès kangghuy bhâk-tebbhâghaân,tolèsanna mara rèya:

Malèng lèma bânnya' èpon.Kaempa maso' roma .Sèttong cèccèr toghu labâng.Malèng klowar orèngnga ota'an dârâ

Tolèsan kasebbhut è attas jârèya anyama tolèsan sastra. pajhât sa-nyatana bhâk-tebbhâgân arèya tamaso' ghâlimpo' sastra lèsan Madhurâ kona.

Bhâk-tebbhâghân tamaso' Ghalimpo' Sastra Madhurâ acem-macem iyâ arèya, Conto :

• Sè ètoles dhâddhi okara conto : Asèssè' bânnè jhuko',abhucong bânnè merrak,artèna lanas.

• Bhâk-tebbhâghân sè ètolès mara è attas segghut tebbhâkkaghi ka na'-kana, è bâkto na'-kana' bhuru apol-kompol sakanca'an,bhâk-tebbghâân pajhât sastra èn-maènan sè masenneng ka atè,Conto: Mon orèngnga nè'-kènè',tapè panopèna tarompèt.Mara tebbhâk?

• Bhâk-tebbhâghân sè aropa paparèghân, ella ètoro'è artèna otabâ tebbhâghânna,conto: Ngoca'a jherruk Bhâli,kolè'na ta' konèng bhiru,ra-kèra ta' bâriyâ,kemma soko kemma lè'èr,bhângon bungkol memper dâ' bhângonna câthak. (jâwâbhân : tembhung otabè ebbal)