ESP 2-MAKABAYAN WEEK 4(DAY 2)

Edukasyon sa Pagpapakatao-2 WEEK 4(DAY 2)

Nakapagpapakita ng iba’t ibang magalang na pagkilos sa kaklase o kapwa bata

(EsP2P-lld-9)

Tungkol san ang araling ito? 

Sa modyul na ito ay matutukoy mo ang kahalagahan ng mga pananalita at kilos na nagpapakita ng paggalang sa iyong kapwa sa paaralan man o sa pamayanang iyong kinabibilangan.

BASAHIN NATIN!

Ang Batang Magalang

Ni R.B. Catapang

  Bagong lipat ang mag-anak ni Mang Tino sa Lungsod ng Lucena. Ang kanyang bunsong anak na si Dino na nasa Ikalawang Baitang pa lamang ay doon na mag-aaral. Sinamahan niya ang kanyang anak sa Paaralang Elementarya ng San Pedro upang ipalista. Likas na magalang si Dino. Pagpasok nila sa gate ng paaralan, nagbigay galang siya sa guwardya. “Magandang umaga po. Saan po kaya ang tanggapan ng punong guro?” Habang kausap ni Mang Tino ang guwardya ay nakita niya ang fountain ng paaralan.

Lubhang humanga siya kaya’t patakbo siyang pumunta doon. Hindi niya napansin ang isang batang naglalakad at ito ay nabunggo niya. Agad niyang tinulungan ito at sinabing sorry, hindi ko sinasadya”. 

Walang anuman” ang tugon naman ng bata.

Nakita nya ang isang guro na malapit sa fountain. “Magandang umaga po Ma’am, sino po ba ang guro sa Ikalawang Baitang?” ang tanong ni Dino. “Ako si Bb. Ara Noleda, ang guro sa Ikalawang Baitang”.

“Ako naman po si Dino, bagong mag-aaral sa paaralang ito”, ang sabi naman niya.

TUKLASIN NATIN!

Open Ended

Sino ang mag-anak na bagong lipat?

Open Ended

Sino ang ang batang likas na magalang?

Open Ended

Ano ang sinabi ni Dino sa kanyang nabunggo?

Open Ended

Sa inyong palagay, dapat bang ipakita ang paggalang sa kapwa bata at pamunuan ng paaralan?

Alamin at Isagawa Natin!

Multiple Select

Panuto: Lagyan ng check ang masayang mukha kung nagpapakita ng magalang na kilos at malungkot na mukha kung hindi.

__________1. Tinataas ni Maria ang kanyang kamay kung nais niyang sumagot sa tanong ng kanilang guro.

Multiple Select

__________2. Nakikipagtulakan si Carlos sa pila upang makabili ng pagkain sa kantena.

Multiple Select

__________3. Ginagaya ni Ben ang sinasabi ng kanyang katabi sa upuan.

Multiple Select

__________4. Pinatid ni Joey ang kamag-aral habang naglalakad ito sa pasilyo.

Multiple Select

__________5. Tumatabi ako at binabati kapag nakakasalubong ko ang aming punong guro.

PAGNINILAY!

Open Ended

Ibahagi ang natutunan mo sa araw na ito.

TUKLASIN NATIN!