Ang Media sa Ating Makabagong Panahon

Ang Media sa Ating Makabagong Panahon

Ang media ay isang mahalagang bahagi ng ating makabagong pamumuhay, katunayan, ang mga kabataang tulad mong isinilang sa kasalukuyan ay tinatawag ding mga iGeneration at maituturing na media babies dahil sa panahong ito.

Ang media ang laging nasa paligid at handang magamit 24/7 o sa halos bawat minuto ng ating buhay.

Ang media ay maaaring mauri sa sumusunod:

• Print o Nakalimbag na Media- kabilang dito ang mga nakalimbag na diyaryo at mga magasin. Sa pagdating ng iba pang uri ng media ay nabawasan ang mga nagbabasa ng mga nakalimbag na media ngunit maraming tao ang patuloy pa ring bumibili at kumukuha ng impormasyon mula sa mga ito.

• Broadcast Media- kabilang sa uring ito ang telebisyon at radyo. Ito ay maituturing na pinakapopular na media. Halos lahat kasi ng tao ay nakatutok sa mga ito upang makakuha ng mahahalagang impormasyon tulad ng balita o makapalibang sa pamamagitan ng panonood ng mga paboritong programa at drama sa telebisyon, o pakikinig ng musika sa radyo.

• Internet- Sa kasalukuyang panahon ang internet ay napakahalagang bahagi na ng buhay ng maraming makabagong Pilipinong konektado rito. Sa halip na sa radyo o telebisyon lang ay sa internet na rin kumukuha ng pinakasariwang impormasyon o balita ang maraming tao dahil ang mga kilalang estasyon ng telebisyon, radyo, at may mga website kung saan laging updated ang mga impormasyon.

Batay sa mga nabasa mong uri o anyo ng media, alam mo na ngayong napakahalaga nga ng media sa buhay ng tao. Mula sa media ay makukuha naman natin ang iba't ibang kapakinabangang tulad ng sumusunod:

• Nagbibigay ng Impormasyon- Marahil ito na ang pinakamahalagang gamit ng media sa tao. Ang impormasyong nagmumula sa media ay nagagamit sa maraming pagkakataon sa ating buhay at madalas ito ay nakapagliligtas pa ng buhay (halimbawa, kapag nalaman sa balitang may paparating na malakas na bagyo ay nagkakaroon ng preventive evacuation,

• Nagiging Libangan- Marami ang nawwiwili sa media dahil sa aliw o sayang naibibigay nito

• Nakapanghihikayat- Nagagamit ang media para mahikayat ang mga tao sa pagbili o pagtangkilik ng mga produkto (ito'y makikita sa mga patalastas o advertisement) gayundin sa pananaw na pinanigan ng iba tulad ng sa politika o kalakalan.

Ngayong naibahagi ko na sa inyo ang tungkol sa iba't ibang anyo ng media, sagutan ang mga tanong na nasa susunod na slides

Open Ended

Ano-ano ang mga uri o anyo ng media?

Open Ended

Bakit sa kabila ng kahalagahan ng mga ito ay dapat pa ring maging responsable ang mga tao sa paggamit ng mga ito?

Open Ended

Ano kaya ang mangyayari kung maghapon tayong nakaharap na lang sa iba't ibang uri ng media?