қазақ тілі

қазақ тілі

Отандық өнім

Отандық тағамдар

Қазақстанда тағам өнімдері өте көп жасалған. Мысалы: сүт, көкөніс, ет, балық, тоқаш-нан, шұжық және дәнді-дақыл өнімдері өз елімізде де, шет елдерде де сұранысқа ие.

Dalatex

«Dalatex» компаниясының өнім шығара бастағанына жылға жуықтады. Бүгінде заманауи стильді жейделерді тігіп, оны көрші елдерге экспорттауды мақсат тұтқан компанияның ісі өрге басты. Алғашында «Бизнестің жол картасы – 2020» бағдарламасы аясында несие алып, отандық киім тігуді бастаған еді. 

Казлегпром

«Казлегпром-Алматы» ЖШС Қазақстан жеңіл өнеркәсібінің тігін және аяқ-киім саласындағы жоғары технологиялық өндірістік кәсіпорындардың бірі болып, нарықта 2011 жылдан бері сәтті жұмыс істеп келеді. Басты мақсаты Қазақстанның жеңіл өнеркәсіп нарығын тігін және аяқ киім саласында бәсекеге қабілетті өніммен қамтамасыз ету болып табылады. 

•  «Грандмикс» деп аталатын бұл жиһаздардың Түркістанда шығарылатынына біреу сенсе, біреу сенбес.

• Грандмикс» өнімдері біздің нарықта 15 жылдан бері саудаланып келеді. Бастапқыда тек ұсақ дүниелер шығарумен айналысқан кәсіпорында бүгінде 200-ге тарта жиһаз жасалады. 

• 
  

«Алтын сапа» - үздіктерге берілетін сыйлық

Әлемнің жетпістей елінде тауар сапасы бойынша берілетін ұлттық байқаулар бар екен. Олардың арасындағы ең абыройлысы – Жапониядағы Деминг сыйлығы. Одан кейін АҚШтағы Малькольм Болдридж атындағы ұлттық сапа сыйлығы және Еуропалық сапа сыйлығы тұрады. Олардың ортақ ұқсастығы сапа үшін берілуі болғанымен, түрлі бағыттар бойынша берілетінімен ерекшеленетін бөлек сипаттары да бар.

Еуропалық сыйлық қоршаған орта мен тұтынушылар қызығушылықтарын қорғауға басымдық берсе, Деминг жүлдесі стандарттау әдістерінің қаншалықты кең қолданылуына мән береді. Ал Болдридж сыйлығын стратегиялық жоспарлауды бәрінен де анағұрлым жақсы жүргізгендер ала алады. Деминг сыйлығының тарихы онша ұзаққа бармайды, ол Жапонияда сапа дамуына үлкен үлес қосқан Э. Деминг құрметіне 1951 жылы тағайындалды. Ал АҚШ-тың Малькольм атындағы ұлттық сапа сыйлығының тарихы 1887 жылдан басталады.

Еуропалық сапа сыйлығы басқаларынан едәуір «жас», 1992 жылдан бастап қана беріле бастады. Ал біздің елімізде осы сыйлықтарға ұқсас «Алтын сапа» сыйлығы бар. Байқауға жүздеген, кейде, тіпті, одан да көп кәсіпорын қатысады. Сол жүзекі жүз шақты қатысушылардың арасынан озып шыққан үш кәсіпорынға ғана жоғары дәрежедегі «Алтын сапа» сыйлығы беріледі. Жыл сайын өткізілетін «Алтын сапа» сыйлығы екі санат бойынша үш аталымда беріледі. Олар «үздік өндірістік тауарлар шығаратын кәсіпорын», «үздік халық тұтынатын тауарлар шығаратын кәсіпорын» және «үздік қызмет көрсететін кәсіпорын» деп аталады. «Алтын сапа» лауреаттары бұл құрметті белгіні Елбасының өз қолынан алады.

Multiple Select

Әлем бойынша қанша елде тауар сапасын бағалайтын байқаулар бар?

• 50

• 10

• 70

Multiple Select

Стандарттау әдісін жоғары қоятын сыйлық түрі

• Еуропалық сапа

• Деминг

• Малькольм

Multiple Select

Ең жас ұлттық сапа сыйлығы

• Деминг

• Малькольм

• Еуропалық сапа

Multiple Select

"Алтын сапа" сыйлығы неше кәсіпорынға беріледі

• 3

• 2

• 5

Multiple Select

Жоғары дәрежедегі "Алтын сапа" сыйлығы неше аталым бойынша беріледі?

• 2

• 3

• 4

Сіз кез келген сала бойынша қандай отандық өндірушілерді білесіз?