Pag-unawa sa Kaligiran ng El Filibusterismo

Kaligirang Pangkasaysayan ng Akda

Setyembre 9, 2023

Multiple Choice

1. Sino sa mga sumusunod ang hindi kabilang sa pinag-alayan ng akdang El Filibusterismo?

• Mariano Gomez

• Jose Burgos

• Jacinto Zamora

• Jacinto Gomburza

Paliwanag:

Ang GomBurZa na binubuo nina Padre Mariano Gomez, Jose Burgos, at Jacinto Zamora ang pinag-alayan ni Rizal ng ikalawang akda. Sila rin ay binansagan bilang tatlong paring martir.

Multiple Choice

2. Bakit binitay ang tatlong paring martir?

• pinaratangan silang pasimuno ng himagsikan

• pinaratangan silang nang-aapi ng mga indiyo

• pinaratangan silang magnanakaw

• pinaratangan silang pasimuno ng pananakop

Paliwanag

Pawang mga paring sekular ang mga paring sina Gomez, Burgos, at Jacinto. Dahil dito, pinagbintangan sila bilang mastermind ng Cavite Mutiny na umusig sa mga promineteng pamilya sa Pilipinas noong kasagsagan ng pananakop ng mga Espanyol.

Multiple Choice

3. Ano ang ibig sabihin ng sekularisasyon sa Pilipinas?

• pagtatalaga sa mga paring Pilipino bilang kura

• pagtuligsa sa mga paring Espanyol

• pagtatalaga sa mga paring Espanyol bilang kura

• pagtuligsa sa mga paring Pilipino

Paliwanag:

Nilalayon ng kilusang sekularisasyon noon sa Pilipinas na maitalaga sa mahahalagang posisyon sa simbahan ang mga paring Pilipino. Isa sa mga magiging epekto nito ay unti-unting pagkawala ng impluwensya ng mga paring Espanyol sa pagpapalakad ng pamahalaang Espanyol sa bansa.

Multiple Choice

4. Ano ang naging suliranin ni Kabesang Tales sa nobela?

• Siya ay naging biktima ng pangangamkam ng lupa.

• Siya ay naging biktima ng pandurukot.

• Siya ay naging biktima ng pandaraya sa eleksyon.

• Siya ay naging biktima ng mga tulisan.

Paliwanag:

Isa sa mga naging estratehiya ng mga Espanyol upang mapalawak ang kanilang lupain at sakahan sa Pilipinas ay ang land grabbing o pangangamkam ng lupa. Hinahayaan muna nila ang mga katutubo na hawanin ang mga gubat upang gawing sakahan, saka nila ito nanakawin sa pamamagitan ng panggigipit at/o pandarahas.

Multiple Choice

5. Anong bahagi ng pagkatao ni Jose Rizal ang kinakatawan ng tauhang si Simoun?

• pagnanais ni Rizal na maghimagsik laban sa Espanya

• pagnanais ni Rizal na magpasakop sa Espanya

• pagnanais ni Rizal na mamatay para sa Pilipinas

• pagnanais ni Rizal na maging alipini ng Espanya

Paliwanag:

Kasapi si Jose Rizal ng kilusang propagandista sa bansa noong panahon ng pananakop ng Kastila. Sila ang mga Pilipinong ginagamit ang panulat upang tuligsain ang mapang-aping pamamahala ng mga dayuhan. Subalit lihim ding ninanais ni Rizal na mag-aklas ang mga Pilipino laban sa mga ito bagaman naniniwala siyang hindi pa handa noon ang pwersa nina Andres Bonifacio.

Multiple Choice

6. Bakit inudyukan ni Simoun ang pamahalaang Kastila na apihin ang mga Indiyo?

• upang gisingin ang diwang makabayan at maghimagsik

• upang pagtaksilan ang mga kapwa-Pilipino

• upang talikuran ang bansang sinilangan

• upang talikuran ang bansang sinilangan

Paliwanag:

Iisa lamang ang layunin ni Rizal at ng pangunahin niyang tauhan na si Simoun. Nais nilang gisingin ang diwang makabayan ng mga indiyo, galitin ito, upang mag-alsa laban sa mapaniil na pamahalaang Espanyol.

Multiple Choice

7. Paano tinatrato ang mga kababaihan sa nobela?

• may kalayaan silang gawin ang kanilang nais

• may proteksyon sila laban sa pang-aabuso

• may kalayaan silang makibahagi sa eleksyon

• may gampanin silang sundin ang lahat ng utos ng mga lalaki

Paliwanag:

Tuluyang inalisan ng kalayaan ang mga kababaihan sa panahon ng kanilang pananakop sa bansa. Ito ay bunga ng patriyarkal na pag-iisip na siyang namamayani sa lipunang Espanyol noon.

Multiple Choice

8. Bakit tutol ang mga prayle sa pagpapatayo ng Akademya ng Wikang Kastila?

• dahil mahirap turuan ang Indiyo

• dahil mauunawaan na sila ng mga Indiyo

• dahil walang gurong magtuturo sa mga guro.

• dahil nais nilang Ingles ang ituro sa mga Indiyo

Paliwanag:

Makapangyarihang sandata ang wika. Ito ang sisidlan ng karunungan kaya ito rin ang ginamit na sandata ni Rizal upang makisangkot sa himagsikang Pilipino.

Multiple Choice

9. Sino ang mukha ng rebolusyon sa akdang El Filibusterismo?

• Simoun

• Basilio

• Isagani

• Elias

Paliwanag:

Hindi tulad ni Crisostomo Ibarra sa Noli Me Tangere na naniniwala sa diplomasya, ang kanyang katauhan bilang Simoun sa El Filibusterismo ay puno ng galit dulot ng mapang-aping pamamalakad ng mga Espanyol. Ang galit na ito ang nag-udyok sa kanyang mag-aklas laban sa mga ito.

Multiple Select

10. Ano-ano ang kadalasang sanhi ng paghihimagsik?

• kaapihan

• kawalan ng hustisya

• pagkakapantay-pantay

• kasaganaan

Paliwanag:

Makatwiran ang maghimagsik kung pinananatili ang sistema ng pang-aapi sa mga mamamayan at patuloy na ipinagkakait ang hustisya sa mga biktima nito.

Multiple Choice

11. Alin sa mga sumusunod ang may salitang-ugat na himagsik?

• himagsikan

• rebolusyon

• tilamsikan

• paghahasik

Multiple Choice

12. Alin sa mga sumusunod ang may salitang-ugat na api?

• kaapihan

• kapihan

• pagtatakip

• alipin

Multiple Choice

13. Alin sa mga sumusunod ang may salitang-ugat na alay?

• kalayaan

• pangangalay

• pag-aalay

• palayan

Multiple Choice

14. Alin sa mga sumusunod ang may salitang-ugat na laya?

• pagpaparaya

• kalayaan

• pamamalakaya

• palayan

Multiple Choice

15. Alin sa mga sumusunod ang nagpapakita ng kawalan ng hustisya?

• pagiging malaya sa pagpapahayag

• pagiging malaya sa pagboto

• pagiging malaya ng napatunayang plunderer

• pagiging malaya ng mga bilanggong pulitikal