ESP WEEK 7-8

ESP WEEK 7-8

Pakikilahok sa mga Programa o Proyekto 

Sa pagkakataong ito, inaasahan na maipapakita mo na ikaw ay nakikilahok sa mga patimpalak o paligsahan na ang layunin ay pakikipagkaibigan at nagagampanan mo nang buong husay ang anumang tungkulin sa programa o proyekto gamit ang anumang teknolohiya sa paaralan

Basahin at unawaing mabuti ang sumunod na tula. Sagutan ang mga sumunod na tanong matapos basahin ang tula.

Halika na, Kaibigan! 

P. Monterola 

Kaibigan, ikaw ba ay nalulungkot, Walang makakalaro at nababagot? Kaibigan, halika’t sumama, Sapagkat may saya sa pakikipagkapwa.

Kaibigan, ikaw ba ay nalulumbay, Walang kumakausap at umaagapay? Kaibigan, halika’t sumali, Sapagkat kawili-wili ang mga palaro, paligsahan o klase.

Kaibigan, ikaw ba ay naiinip, Walang ginagawa, tulala’t nananaginip? Kaibigan, halika’t makiisa, Sapagkat may pag-asa sa mga pampaaralan na programa.

Open Ended

Ano-anong pakiramdam o pinagdaraanan ang mga nabanggit sa tula?

Open Ended

Ano-ano naman ang dapat gawin sa mga nadarama o pinagdaraanang nabanggit?

Open Ended

Bakit kailangang makikipagkaibigan?

Open Ended

Bakit kailangang sumali sa palaro, paligsahan o klase?

Open Ended

Bakit kailangan na makiisa sa mga pampaaralan na programa?

Open Ended

Ikaw, sa palagay mo, kailangan bang makipagkaibigan at lumahok sa mga programa o proyekto ng iyong komunidad at lalo na sa iyong paaralan?

Ang pakikiisa sa mga gawaing ito tulad ng paglalaro at pakikilahok sa mga programa ay nakatutulong upang mapagyaman ang sarili sa kagandahang–asal at pakikipagkaibigan.

Ikaw, bílang kabahagi at miyembro ng isang pamilya at pamayanan ay may tungkuling dapat gampanan. Ang tungkuling nakaatang sa iyo ay dapat gawin mo nang buong puso, may kasiyahan at pakikiisa na hindi naghihintay ng anumang kapalit.

Ang tunay na pakikilahok at pakikiisa sa mga gawaing pampaaralan ay nakikita kung ginagawa itong bukal sa kalooban at hindi napipilitan lámang. Hindi rin ito namimili o umaayaw sa anumang gawain. Gumagawa ito ng paraan na pagkasyahin o gamitin ang anumang teknolohiya o gamit na mayroon lámang. Ito ang tatak Pinoy. Ganito ang tunay na Pilipino. Pinagkakasya at ginagawan ng paraan ang anumang mayroon at káya.