Pangungusap

Pangungusap

Ano ang PANGUNGUSAP?

• salita o lipon ng mga salitang may buong diwa. Sinisimulan sa malaking letra at nagtatapos sa isang bantas.

• Halimbawa:

• 1. Masayang-masaya ang lahat.

• 2. Ako si Anthony.

PARIRALA

ay lipon ng mga salitang walang buong diwa.

Halimbawa:

1. ang guro

2. ayaw sumama

Sugnay

lipon ng mga salitang may simuno at panaguri subalit hindi buo ang diwa dahil sa pangatnig sa unahan nito. Ito ay bahagi lamang ng isang pangungusap. Ginagamit sa pagbuo ng sugnay ang mga pangatnig na kung, kapag, kaya, upang, para, dahil, sapagkat at nang

Halimbawa:

1. sapagkat mahiyain si Arnold

2. kaya kinausap siya ng guro

3. kung magbabago ang mag-aaral

Tukuyin ang mga sumusunod kung PARIRALA, SUGNAY o PANGUNGUSAP

1. Magulong-magulo na naman ang Mababang Paaralan ng San Miguel.

2. dahil inutusan siya ng guro

3. unang araw ng klase

4. Tama si Binibining Arca.

5. sa iba ko pang kamag-aral.

6. nakangiting lumapit

7. mabubuti at masasayang kaibigan

8.kasi ayaw mong sumama sa amin

9. Siya ay naging masaya na.

10. ang tinuran ng kanyang guro.

Mga Bahagi ng Pangungusap

1. Simuno o Paksa

= ang bahaging pinag-uusapan sa pangungusap. Ang salita/mga salitang pinag-uusapan ang PAYAK NA SIMUNO. Ang payak na simuno kasama ang mga panuring ang BUONG SIMUNO.

Halimbawa:

1. Ang matalik niyang kaibigan ay mabait.

kaibigan- ang payak na simuno

ang matalik niyang kaibigan- ang buong simuno

2. Sina Tess at Wina ay nasa ika-apat na baitang

Tess at Wina- ang payak na simuno

Sina Tess at Wina- ang buong simuno

Tukuyin ang PAYAK NA SIMUNO at BUONG SIMUNO sa pangungusap.

1. Mabilis na dinampot ni Christine ang telepono.

2. Siya ay laki sa layaw.

3. Hindi na magbabago ang aking pasya.

4. Sina Pamela, Liza at Jill ay mga kaibigan ni Christine.

5. Sa labas tayo maglaro.

2. Panaguri

= ang bahaging nagsasabi tungkol sa simuno.

= ang salitang ginagawa o naglalarawan sa simuno ang PAYAK NA PANAGURI

= Ang payak na panaguri kasama ang iba pang salita o panuring ang BUONG PANAGURI

Halimbawa:

1. Masasayang namunuhay sa pamayanan ang mga tao.

namunmuhay = payak na panaguri

masayang namumuhay sa pamayanan= buong panaguri

2. Si Myrna ay paulit-ulit na dumalaw at tumulong sa bahay ampunan.

Tukuyin ang PAYAK NA PANAGURI at BUONG PANAGURI sa pangungusap.

1. Pinakamariwasa sa paligid si Christine.

2. Ang mga kaibigan ay tuluyang lumayo kay Christine.

3. Ang tinig niya ay nanginginig.

4. Bigla niyang tinadyakan ang mga barahang nasa harapan niya.

5. Ang bata ay anak ng mahirap na balo.