READING ASSESSMENT - FILIPINO 3

Panuto : Basahin at unawain ng mabuti ang mga kuwento at sagutin ang mga sumusunod na katanungan.

MALIIT NA DUHAT,
MALAKING PAKWAN

Nasa likod-bahay si Pido. Pumunta siya sa silong ng punong duhat. Sabi niya, “Ang laki ng punong ito, ang liit naman ng bunga.” Nakita rin niya sa may taniman ang halaman ng pakwan, “Ang pakwan na gumagapang lamang sa lupa, kay laki ng bunga.” dagdag niyang sinabi. “Mali kaya ang pagkagawa ng Diyos?”

Habang iniisip niya ang tanong sa sarili, biglang nalaglag ang isang bunga ng duhat. “Aray!” sigaw niya. “Tama pala ang Diyos. Kung kasinlaki ng pakwan ang duhat, may bukol
ang ulo ko ngayon,” pailing na
sinabi ni Pido.

Multiple Select

Sino ang nasa silong ng puno?

• Diday

• Pandoy

• Pido

Multiple Select

Ano ang ipinagtataka ni Pido tungkol sa puno ng duhat?

• malaki ang puno maliit ang bunga

• ang hugis ng prutas sa puno

• ang kulay ng bunga ng punong duhat

Multiple Select

Saan nalaglag ang bunga ng duhat?

• sa sahig

• sa basket

• sa ulo ni Pido

Multiple Select

Ano ang naramdaman ni Pido nang mahulugan siya ng bunga ng duhat?

• nagalit

• natakot

• nasaktan

Multiple Select

Ano ang mangyayari kay Pido kung malaki ang bunga ng duhat?

• mapipilayan

• mabubukulan

• magkakasakit

BAKASYON NI HEBER

Isinama si Heber ng kanyang Tito Mar sa Rizal
upang makapag bakasyon. Masayang-masaya
siya dahil nakita niya sa unang pagkakataon
ang Pista ng mga Higantes. Ang
pistang ito ay naganap kahapon,
ika-23 ng Nobyembre. Ginugunita sa
pistang ito ang patron ng mga
mangingisda na si San Clemente.

Pinakatampok sa pista ang matatangkad na tau-tauhang yari sa papel. Dinamitan at nilagyan ng makukulay na palamuti upang mas maging kaakit-akit sa manonood. Ang mga higante ay karaniwang may taas na apat hanggang
limang talampakan o sampu hanggang labindalawang talampakan. Ang mga
deboto naman ay nakasuot ng damit-mangingisda.

Hiniram ni Heber ang camera ni Tito Mar at kumuha siya ng maraming litrato. Gusto niyang ipakita ang mga litrato sa kanyang mga magulang. Ipakikita rin niya ang mga ito sa kanyang mga kaibigan at kaklase. Hinding hindi niya makalilimutan ang araw na ito.

Multiple Choice

Kanino sumama si Heber upang magbakasyon?

• kay Rizal

• kay Tito Mar

• sa mga higante

Multiple Choice

Aling salita ang ginamit na ang kahulugan ay dekorasyon?

• kaakit-akit

• palamuti

• makukulay

Multiple Choice

Anong petsa kaya isinulat ang kuwento?

• Nobyembre 24

• Nobyembre 23

• Nobyembre 25

Multiple Choice

Paano inilalarawan sa kuwento ang higante?

• matangkad na tau-tauhang yari sa papel

• maitim, mahaba at magulo ang buhok, salbahe

• matangkad, malaki ang katawan at malakas magsalita

Multiple Choice

Alin kaya sa sumusunod ang produkto sa Rizal?

• isda

• palay

• perlas