Zymk

Zwiestniczi zymkù

Zymkòwô szpacéra

Zymkòwô szpacéra

Szukómë znanków zymkù

w pòlu, na stegnie, w lese.

Wszãdze dokòła

bòcónim klekòtanim

dłudżégò sznobla

pòmión plotkã niese

ë skòwrónczi wòłô,

że mrówczën kòpc ju òżił,

że leszczënë żółto są òbùté

a wòniô zbùdzëła spiącé pszczołë.

Zëma sã mòże spac pòłożëc,

dosc długò nama sniegã

cëska i sã gòrza.

Zymkù w zelonosc przëòblokłi,

parminiã słuńcã wëzłocony.

Wez złoti klucz w swòje rãce

ë òdemknij kwiôtkóm ë lëstkóm

nabrzmiałé pãczi.

Niech sëła twòja

nas téż òbùdzy.

Czas zabôczëc stôré sprawë

ë nowé zacząc żëcé.

Éwa Warmòwskô

Słowôrzk

• znanka - oznaka

• stegna - ścieżka

• sznobel - dziób

• pòmión - echo

• wòniô - zapach

• gòrzëc sã - złościć się

• przëòblokłi - przyodziany, ubrany

Multiple Select

Zymk to:

• Ptak

• Wiosna

• Bocian

• Pogoda

Multiple Select

Znanczi zymkù to:

• Sniég ë mróz

• Gòrąc ë spiekòta

• Młodé pãczczi kwiôtków

Multiple Select

Bòcón mô:

• dłudżé ùszë

• dłudżi sznobel

• zeloné nodżi

• biôłi sznobel