Практикалық жұмыс

Оқу сауаттылығы бойынша практикалық жұмыс

Оқу сауаттылығын бағалауға арналған практикалық тапсырма түрлері 3 компоненттен тұрады: 

Жағдаят

Әр тапсырмада алдымен кіріспе ұсынылады, ал кіріспеде бір немесе бірнеше мәтінді оқудың мақсаты, жағдаят алдын ала айқын көрсетіледі.

Мәтін

Ойдың байланыстылығы және жүйелілігі; аутенттілігі, фактілерге құрылуы (ғылыми, ресми және басқа мәтіндер) және көркемдігі (көркем әдеби, публицистикалық және басқа мәтіндер); тұтас және аралас мәтіндер.

Аспект

Когнитивті ойлау үдерісі. Оқылымның негізгі когнитивті үдерісіне ақпаратты іздеу, түсіну, бағалау мен кері байланыс жасау жатады. 

Жағдаят

•ЖЕКЕ. Интеллектуалдық және практикалық тұрғыдан жеке адамның қызығушылығына бағытталған. Мысалы: электрондық хаттар, қысқа хабарлама, блог.

•ҚОҒАМДЫҚ. Жалпы қоғамдық мәселелер мен онда болып жатқан жағдайларға бағытталған. Мысалы, ресми құжаттар, хабарландыру.

•ОҚЫТУ. Білім беру үдерісінің үлгісі ұсынылады. Мысалы: оқулықтар, интерактивті оқытуға арналған қосымшалар.

•КӘСІБИ. Шұғыл әрекетке шақыратын жағдайлар беріледі. Мысалы, жұмыс іздеу, бос қызмет орындары туралы хабарландырулар.

Мәтін

•Ресурс көзі: бір не бірнеше автор.

•Мәтін форматы: тұтас, тұтас емес, аралас мәтін

•Мәтін түрлері: сипаттау, әңгімелеу, пайымдау + мазмұндау, эпистолярлық (келісім, мәміле) мәтін, нұсқаулық.

Аспект  

Ақпаратты табу:

•Мәтіндегі ақпаратты табу және алу

•Сәйкес мәтінді іздеу және таңдау

Түсіну:

•Дәлме-дәл мағынасын беру

•Тұжырымдарды біріктіру және құру

Бағалау және ойлау:

•Сапа мен шынайылықты бағалау

• Мазмұны мен нысаны туралы ойлау

•Қарама-қайшы ақпаратты анықтау және түсіндіру

МӘТІН №1

^ТҰМАУ

^{«АКОЛ» ҰЙЫМЫНЫҢ ҚЫЗМЕТКЕРЛЕРІНЕ АРНАЛҒАН ТҰМАУҒА ҚАРСЫ ЕРІКТІ ИММУНДАУ БАҒДАРЛАМАСЫ}

^{•Қыстың күні тұмауды жұқтыру оңай екені сізге белгілі. Тұмау жұқтырсаң, бірнеше күн бойы ауырасың.}

^{•Тұмаумен күресудің ең жақсы тәсілдерінің бірі – тән саулығының болуы. Күнделікті жаттығу және құрамында көкөністері мен жемістері көп нақты тағам мөлшері алдымен иммунды жүйенің осы кең таралған вируспен күресуіне көмектеседі.}

^{•Осы кең таралған ауруға қарсы қосымша профилактикалық құрал ретінде «АКОЛ» ұйымы өзінің қызметкерлеріне тұмауға қарсы екпе жасауды ұсынуға шешім қабылдады. 17 қарашадан бастап жұмыста апта бойы жұмыс күнінің бірінші немесе екінші жартысында екпе жасайтын медбикемен келісім жасалған. Екпе тегін жасалады және ұйымның барлық қызметкерлеріне қолжетімді.}

^{•Екпе жасату әркімнің өз еркінде. Екпе жасауға шешім қабылдаған әрбір қызметкерге өзінің аллергиясы жоқтығын және екпе жасатқанда болар-болмас жанама әсері болуы мүмкін екенін түсінетіндігін куәландыратын құжатқа қол қою ұсынылады.}

^{•Дәрігерлердің пікірінше, иммундау тұмаумен ауыруға жол бермейді. Алайда оның шаршау, аздап дене қызуының көтерілуі және қолдың ауыруы секілді жанама әсерлері болуы мүмкін.}

Multiple Choice

Төменде берілген қызметтердің қайсысы «АКОЛ» иммундау бағдарламасында ұсынылған?

• •Қыс бойы күнделікті жаттығу жасау.

• •Иммундауды жұмыс уақытында жасату.

• •Қатысушыларға азғантай сыйақы беру.

• •Екпені дәрігер жасайды.

МӘТІН №2

АБАЙДАН АҚСЕЛЕУГЕ ДЕЙІН

Журналист пен жазушы арасындағы әңгіме

Ақселеу Сейдімбек: Менің жалғыз ұлым үйленгенде, тойын жасауға ақшам болмай, мен кітабымның бір бөлігін ғана миллион теңгеге саттым. Ол миллион теңгенің ішінде ұлттың игілігі болатын екі-үш кітап кетті. 

Қасым Аманжолұлы: Ол антиквар кітаптар ғой.

Ақселеу Сейдімбек: Иә. Ол Абай астын сызып оқыған кітап еді. Джон Дрэпердің “История умственного развития Европы” дейтін екі томдық кітабы. Ол кітап Мұхтар Әуезовтің қолында болған екен, Әуезов операцияға кетерде Ісләм Жарылғаповқа берген екен. Әуезов өліп қалғанда, Ісләм Жарылғаповта қалған екен. Ісләм Жарылғаповтан мен оқуға алғанда, ол кісі өліп қалды. Оның бетінде Әуезовтің қолтаңбалары болатын.

Қасым Аманжолұлы: Олардың бәрін қалай жинадыңыз?

Ақселеу Сейдімбек: Өміріміз букингте өтеді, базарда өтеді.

Қасым Аманжолұлы: Сіз ақшалы адам болдыңыз ба?

Ақселеу Сейдімбек: Жоқ, ақшам аз болды. Бірақ, кітапқа көп қаржым кетті. Кітап – менің сиқырлы таяғым. Мені Ақселеу қып тұрған – менің кітапханам. Ол жоқ болса, мен жынын алдырған бақсы сияқты түкке жарамаймын.

...Осы жылдар аралығында аракідік “сол бір кітапты кім сатып алды екен, ол кітап қазір қайда екен” деп ойлап қоятынмын. Шетел асып кетуі де мүмкін-ау. Кітаптың тарихи құндылығын сезінбейтін бір білімсіздің қолына түссе қалай?! Дрэпер кітабының ізіне түскен соң, журналист Қасым Аманжолұлына жолығып, “кадр сыртында Ақселеу ағамыз сол кітапты дәл кімге сатқанын айтпады ма” деп де сұрадым. Қасым ағамыз ондай әңгімені есіне түсіре алмады. Асыл аға Ақселеу кітапты кімге сату керектігін біледі, ұлт игілігі болған құнды кітапты, оның тағдырын, тарихи мәнін түйсінген тұлғаға ғана сатқан болар деген ойға тоқтадым. Өмірдің өзі көкейімде жүретін сол бір сұрақтың жауабын тауып бергенде, ойым да, түйсігім де алдамағанын ұғындым. Көзіме ыстық жас келді. Абай бабамыз оқыған Дрэпер кітабы қилы-қилы тағдыр кешіп, Ақселеу ағамыздың өз ықпалымен қайтадан ұлттық мұра қатарына қосылыпты. Өзі айтпақшы, “ұлттың игілігіне айналыпты”... Бұл туралы сәл кейінірек...

 

Multiple Choice

Кітаптың ұлттық тарихи құндылығы неде?

• Авторы – Джон Дрэпер

• Ұлы тұлғаларымыздың ұстауы және олардың кітап бетіндегі қолтаңбалары

• Миллион теңгеге сатылуы

• Журналистің жоғары бағалауы

• Ұлттық мұра қатарына қосылуы

Multiple Choice

•А.Сейдімбек ол кітапты сатқан кезде, кітаптың болашағына алаңдаған ба?

• •Жоқ, кітапқа алаңдаса, оны сатпас еді

• •Иә. Алаңдамаса, сұхбатында бұл кітап туралы айтпас еді

• •«Ақшам аз болды» деуі ақшаны бірінші қоятынын көрсетеді

• •Иә, себебі ол кісінің ықпалымен кітап ұлттық мұраға қайтарылған

• •Алаңдаған болса, хабарды жүргізушіге кітапты кімге сатқанын айтар еді

Multiple Choice

Мәтін авторының негізінен неге алаңдағанын өз сөздерінен тауып беріңіз.

• •Сол бір кітапты кім сатып алды екен...

• •Ол кітап қазір қайда екен...

• Кітаптың тарихи құндылығын сезінбейтін бір білімсіздің қолына түссе қалай?!

• •Шетел асып кетуі де мүмкін-ау...

• Құны – миллион теңге!

Multiple Choice

•Мәтін авторы неге жылады?

• •Кітаптың сатылғанына қайғырды

• •Кітаптың кімге сатылғанын біле алмады

• •Кітаптың қайда екенін біле алмады

• •А.Сейдімбекке риза болды, қуанды

• •Хабарды жүргізуші оның барлық сұрағына жауап бере алмады

Multiple Choice

•А.Сейдімбек «бір оқпен екі қоян атып алды». Осыны түсіндіріңіз.

• «Шынның жүзі» бағдарламасына келді, жүргізуші мен мәтін авторын таныстырды

• Антиквар кітаптар туралы хабарлады, кітапханасымен мақтанды

• Ақшасы көп болмады, бірақ кітаптан аямады

• «Шынның жүзі» бағдарламасына келді, эфирге шықты

• Кітапты қаражатқа айналдырды, бірақ ұлттық мұрадан жоғалтпады

Назарларыңызға рақмет!