Алгоритм

Алгоритм ұғымы, қасиеттері және түрлері

​Жоспар

​ Алгоритм түсінігі

• ​Алгоритм қасиеттері

• ​Алгоритм берілу тәсілдері

• ​Алгоритм түрлері

Алгоритм— бастапқы берілген мәліметтермен бір мәнде анықталатын нәтиже алу үшін қай амалды қандай ретпен орындау қажеттігін белгілейтін есептерді шешу тәсілдерінің дәл сипаттамасы.

​Алгоритмнің қасиеттері және оған қойылатын талаптар:

​1. Дискреттігі – орындаушының келесі қадамға өтуі алдыңғы қадамның аяқталуынан кейін жүзеге асуы керек;

​2. Түсініктілігі – алгоритмді құру барысында оның орындаушыға түсінікті болатындығы ескерілуі керек;

3. Анықтылығы – алгоритм жалпы түрде қабылданған символдарды, алфавитті пайдаланып жазылуы тиіс.

4.Жаппайлығы – қарастырылып отырған  өзара ұқсас кез-келген есептерді шешуі тиіс.

5. Нәтижелілігі қорытындысында оның нәтижесі болуы тиіс. 

​Алгоритмнің берілу тәсілдері

​

1. Табиғи тілдегі алгоритм

2. Графикалық тілдегі алгоритм

3. Алгоритмдік тіл 

4. Программалау тілі

​Алгоритмнің тұрғызылу тәсілдерінің құрылысын зерттеу үш түрде беріледі:

​

1. алгоритмдік тілде;

2. блок-схема түрінде;

3. программалау тілінде.

​Алгоритмнің түрлері

1. Сызықтық

2. Тармақталған

3. Циклдік

​Сызықтық алгоритм Егер алгоритмнің N қадамы болса және олардың барлығы басынан аяғына дейін бірінен соң бірі тізбектеле орындалатын болса, ондай алгоритмді сызықтық алгоритм деп атаймыз.

​Тармақталған алгоритм

​

Кейде алгоритм бұйрықтарын орындау барысы шартқа тәуелді болады.Мысалы, далада жаңбыр жауып тұрса, қолшатыр алу керек; ал егер жаңбыр жаумаса, онда қолшатыр алудың қажеті жоқ. Мұндай алгортмнің түрі тармақталған алгоритм деп аталады.

​Шартты тексеру блогын блок-сызбада ромбымен таңбалаймыз. Егер шарт дұрыс болса, онда есепті шешу үшін «иә» тармағы пайдаланылады, ал оған кері жағдайда – «жоқ» тармағы пайдаланылады. Тармақталу алгоритмі сөзбен берілгенде «егер», «онда» кілттік сөздері қолданылады. Жазу барысында «әйтпесе» сөзін қолдануға болады.

​Циклдік алгоритм – бұл командалары бірнеше рет қайталанып орындалатын алгоритм.Мысалы, дене шынықтыру сабағында алаңды бірнеше рет айналып жүгіру.  

​Циклдік алгоритм