CRITA PENGALAMAN

CRITA PENGALAMAN

Dening :

Linda Puspita Nawangsari

SMP N 1 MAGELANG

​BASA JAWA KELAS VII

​SEMESTER GANJIL

KOMPETENSI DASAR

3.4 Memahami isi teks cerita pengalaman

​

​4.4 Menulis teks cerita pengalaman

​

PANGRETOSAN

​Crita Pengalaman yaiku crita kang isine ngengingi bab pengalaman utawa kedadean kang dialami dhewe kang tansah dieling-eling lan ora bisa dilalekake.

wujud crita pengalaman PRIBADI MITURUT SWASANANE

​crita sedhih

Tuladhane : Pitik Kesayanganku Kecemplung Sumur

​crita njengkelake

Tuladhane : TIba ing kelas

​crita nyenengake/nengsemake

Tuladhane : Dadi Juara Loma Geguritan

wujud crita pengalaman PRIBADI MITURUT SWASANANE

​crita lucu

Tuladhane : Gula Rasa Asin

crita medeni/nggegirisi

Tuladhane : Ketemu Pocong ing Dalan

wujud crita pengalaman PRIBADI MITURUT UMUR SING CRITA

cilik

diwasa / tua

enom

​Unsur kang Kudu Dimangreteni nalika Maca / Nulis Crita Pengalaman Pribadi

1. tema

2. paraga

3. penokohan

4. ​alur/plot

5. ​latar / setting

6. ​amanat / pesen

7. ​sudut pandang

​TULADHA

​Endhog Sapi

​Nuju dina MInggu aku lan adhiku sowan simbah. Omahku karo daleme simbah ora adoh, udakara mung rong kilometeran. AKu lan adhiku goncengan numpak sepedha onthel. Wektu iku adhiku lagi kelas 2 SD dene aku kelas 6 SD. Aku sing nggenjot sepedhane. Wah, ya rada abot, adhiku kagolong longgor lan lemu sisan.

​Tekan daleme simbah gemrobyos kringetku. Simbah seneng banget. Adhiku njur dijak mlebu dalem. Simbah kakung ndangu aku.

​"Iki mau diutus bapak ibumu, apa mung dolan karepmu dhewe?"

​"Anu Mbah, kajeng kula nggih mung dolan, nanging punika wau lajeng dipuntitipi ibu. Wande kagem Mbah Kakung, nyamping kagem Mbah Putri."

​"Wah... ya...ya... daktampa. Wong sing ngaturi dhisik kae rung dakagem kok, iki  malah ngirimi maneh."

​Sawise sholat dhuhur, Simbah ndhawuhi aku lan adhiku madhang. 

​"Kene gek dha njupuk dhewe-dhewe. Kebeneran Simbah masak gule daging sapi. Ayo ndang... nyidhuk!"

​Adhiku nyela, ujare emoh daging sapi. Gandheng adhiku ora gelem daging sapi, mula Mbah Putri banjur nawani lawuh liya.

​"Ya wis ra apa-apa, yen daginge ora doyan, kuwi endhoge wae!"

​"Mbah, dagingipun mawon kula emoh kok, napa malih endhoge sapi!" adhiku matur karo njekutrut praupane.

​Bareng krungu kandhane adhiku mau kabeh padha meneng sedhela, ora let suwe simbah kakung putri padha gumujeng, aku dhewe yang kepingkel-pingkel. 

​"Kowe ki salah tampa, Dhik. Kersane simbah, yen kowe ora gelem daginge ya endhoge wae, kuwi ora kok endhoge sapi nanging iki lho endhog pitik ...!"

​Adhiku mlengeh lega. Apa tumon ana wong ditawani endhog pitik kok dikira endhog sapi. Pengalaman lucu kuwi ora bisa daklalekake. Tarkadhang yen kelingan malah sok kudu ngguyu dhewe.

​

​

​kapethik saking:

​Buku Paket Padha Bisa Basa Jawa 1

​kaca 43