ცხოველები, რომლებმაც კოსმოსი ადამიანებზე ადრე დაიპყრეს.

ცხოველები, რომლებმაც კოსმოსი ადამიანებზე ადრე დაიპყრეს.

თითქმის ყველამ იცის, თუ ვინ იყო პირველი ადამიანი, რომელმაც კოსმოსში იმოგზაურა. თუმცა 1961 წელს იური გაგარინის დედამიწის ორბიტაზე გაშვებამდე საჭირო იყო ცდების სხვა ცოცხალ ორგანიზმებზე ჩატარება.​

​მან 108 წუთის განმავლობაში იფრინა და დედამიწაზე უვნებლად დაბრუნდა.

​გაგაცნობთ ცხოველებს, რომელთაც კოსმოსი ადამიანებზე ადრე დაიპყრეს:

პირველი ცხოველი, რომელიც დედამიწის ორბიტაზე გაემგზავრა იყო ძაღლი სახელად ლაიკა. უსახლკარო ცხოველი მისი მშვიდი ხასიათის და სიჭკვიანის გამო შეარჩიეს. კოსმოსში გაგზავნამდე ლაიკას ცენტრიფუგაში წრთვნიდნენ და უწონობაში ყოფნას ასწავლიდნენ. ძაღლი კოსმოსში 1957 წლის 3 ნოემბერს გაემგზავრა. ვარაუდობდნენ, რომ ის ერთი კვირა იცოცხლებდა, თუმცა გაფრენიდან ერთ საათში ლაიკა ჟანგბადის უკმარისობით და გადახურებით დაიღუპა.

​ძაღლი ლაიკა

​ბელკა და სტრელკა

​ყველაზე ცნობილმა ძაღლმა კოსმონავტებმა- ბელკამ და სტრელკამ კოსმოსში გაფრენა და დედამიწაზე უვნებლად დაბრუნება შეძლეს. ისინი კოსმოსში 1960 წლის 19 აგვისტოს გაემგზავრნენ და, მანამდე კი ძაღლებსჩაკეტილ სივრცეში ყოფნას და ჟელეს მსგავსი საკვების ჭამას ასწავლიდნენ.

​შიმპანზე ჰემი

აშშ კოსმოსში ძაღლების ნაცვლად პრიმატებს აგზავნიდა. შიმპანზე ჰიმს ბრძანებების შესრულებას 3 წლიდან ასწავლიდნენ- ის ჯერ კიდევ მაშინ გამოირჩეოდა განსაკუთრებული ინტელექტით, რის გამოც 1961 წლის 31 იანვარს NASA-მ მისი კოსმოსში გაგზავნა გადაწყვიტა. ჰემმა კოსმოსში 16 წუთი გაატარა, რის შემდეგაც მოხდა მისი კაპსულის გაუქმება, რომელიც ატლანტის ოკეანეში დაეშვა. მაიმუნი სამაშველო ხომალდმა იპოვა და მან ცხოვრების დარჩენილი ნაწილი ვაშინგტონის ზოოპარკში გაატარა.

​კატების გაწვრთნა ბევრად უფრო რთული პროცესია, ვიდრე ძაღლების, ამიტომ ფრანგებმა კოსმოსში გასაგზავნად ორი კარა შეარჩიეს- ფელიქსი და ფელისეტა. ფელიქსი უკვე მზად იყო გასაფრენად, თუმცა გაფრენამდე მან გაქცევა შეძლო. ამიტომაც მისი ადგილი ფელისეტამ დაიკავა. ის კოსმოსში 1963 წლის 18 ოქტიომბერს გაუშვეს. 13 წუთის შემდეგ ის დედამიწაზე უვნებლად დაბრუნდა.

​კატა ფელისეტა

​სოფიკო ბაქუზანაშვილი