Quarter 2, Week 3 ESP

Pagbuo ng Angkop na Pasya Gamit ang Isip at Kilos-loob

by Voivich Candelario

​Tukuyin kung ang sitwasyon ay naaayon sa Isip o Kilos-loob

Multiple Choice

Pagbabasa ng mga kaugnay na babasahin sa pag-alam ng totoong pangyayari.

• Isip

• Kilos Loob

Multiple Choice

Pagtulong sa kapwa sa kabila ng pandemya.

• Isip

• Kilos-loob

Multiple Choice

Pagsunod sa ipinatutupad na mga batas.

• Isip

• Kilos-loob

Open Ended

Nakagawa ka na ba ng mabigat na pasya sa iyong buhay? Kung oo, ano ito?

​Ano nga ba ang Isip at Kilos Loob?

​Isip

​Ito ay isa sa mga imahe ng Diyos na taglay mo at ng bawat tao na may kakayahan upang makaalam ng mga bagay na totoo. Ang isip din ay may kakayahan upang makapagbuo ng pagpapasya, makapagbigay katwiran sa mga bagay-bagay, makaunawa at makapagsuri sa mga kaganapan sa kapaligiran.

Kilos-loob

Ayon kay Santo Tomas de Aquino, ito ay ang makatwirang pagkagusto. Ang kilos-loob ay patungo sa layunin na mapabuti hindi lamang ang sarili kundi pati ang ibang tao. Ito ay pagpili sa isang bagay dahil batid mo na ang patutunguhan nito ay para sa kabutihang panlahat. Hindi kailanman nanaisin ng kilos-loob ang masama sapagkat ito ay laging panig sa mabuti.

​Katangian, Gamit at Tunguhin ng Isip at Kilos-loob

​ ISIP KILOS-LOOB

Katangian Mangatwiran Mapanagutang-kilos

​ Magsuri

​

Gamit Pag-unawa Paggawa

Pagpapasya

​

Tunguhin Katotohanan Kabutihan

​Mga paraan upang mapaunlad ang isip at kilos-loob patungo sa kabutihan ay ang mga sumusunod:

• ​Palagiang pagbabasa ng mga libro o anomang babasahin na makapagpapaunlad ng kaisipan.

• Pagninilay-nilay sa mga bagay-bagay na nangyayari sa paligid.

• Pag-alam sa mga panuntunang moral.

• Pagiging mapanuri sa mga lumalabas na bagong katuruan.

• Pagsasaalang-alang ng kabutihang panlahat sa pagpili ng kilos.

• Pagsasabuhay ng mga prinsipyong nakaangkla sa moralidad.

• Pagsisikap na mamuhay nang may pagpapahalaga sa kapwa.

Paano ka nga ba nagpapasya? Ano-ano ang dapat mong gawin upang masigurong makagagawa ka ng tamang desisyon?

Makabubuo ka nang wastong pasya sa tulong ng mga sumusunod na mga hakbang:

1. Tukuyin o alamin ang iyong layunin o nais na resulta.

2. Mangalap ng iba’t ibang impormasyon na magiging batayan mo sa pagtitimbang ng mga pagpipilian.

3. Alamin ang magiging bunga o masamang epekto ng bawat pagpipilian.

4. Pumili, magdesisyon o gumawa ng pasya.

5. Suriin o pagnilayan kung ang nagawang pasya ay tama.

​"Pag-unlad ng isip, pagsasabuhay ng katotohanan"