Ұлттық валютамыз - тәуелсіздігіміздің көрсеткіші

Тәрбие сағатының тақырыбы:

Ұлттық валютамыз - тәуелсіздігіміздің көрсеткіші

​

​Сынып: 9"Б"

Дайындаған:Тлеугабылова Г.А

Мақсаты: Оқушыларды тәуелсіз еліміздің ең бірінші айрықша белгісі — теңгемен таныстыру, төл теңгеміздің шығу тарихы, айналымға ену кезі туралы мағлұматтар беру. Оқушылардың бойына елімізге деген ыстық сүйіспеншілікті, мақтанышты сіңірту. Елін, жерін сүйіп құрмет тұтатын жас жеткіншектерді елжандыққа тәрбиелеу.

Көрнекілігі: интерактивті тақта, теңгелер, әртүрлі валюталар. Барысы: Ұйымдастыру кезеңі. Қымбатты оқушылар! Тәуелсіздігімізді тау етіп, егемендігімізді ту етіп желбіреткелі 30 жыл болды. Тәуелсіздікке арналған іс - шаралар мектебімізде өтіліп жүр.Сендер тәуелсіздік туралы не айтасыңдар? ​

Open Ended

Ассоциация» жаттығуы. Балалар, Қазақстан Республикасы дегенде ойларыңа не келеді? Өз ойларыңды ҮШ СӨЗ арқылы жазыңдар.

​Балалар, біз бүгін біздің сабағымызды мына күннің көзіндегі сәулелер арқылы жүргіземіз.

І сәуле. «Теңгенің шығу тарихы»

ІІ сәуле.«Теңге — ұлттық табыстың кепілі»

III сәуле. «Ақша туралы мақал - мәтелдер»

​І бөлім. «Теңгенің шығу тарихы».1993 жылдың 15 қарашасында ұлттық валюта теңгені енгізу Қазақстан Республикасы экономикалық тәуелсіздігінің айқын көрінісі болды. Ақша, теңге туралы не білесіңдер? Валюта – осы елде пайдаланылатын ресми мемлекеттік ұлттық ақша бірлігі. Ұлттық валюта – елдің ақша бірлігі. Ерте заманда ақша рөлін мал, аң терісі, Қытайда - шай, тұз атқарған. Қазақстанда тоқты немесе саулық қой атқарған. Ақшаның пайда болуы тауар өндірісінің дамуына және халықтар арасында қарым - қатынастың ұлғаюының нәтижесінде ақша рөлі түрлі металлдарға ауыса бастады. Өйткені, металл әсіресе, алтын, күміс ақша рөлін атқаруға өте қолайлы болды. Қазақ елі Ұлы Жібек жолына орналасқандықтан, ақша жасау, оны айналымға енгізуді өмір қажеттілігі деп тым ерте қолға алған Тараз, Отырар қалаларында қола, мыс теңгелер соғылған. Бұл ақшалар ел экономикасында ерекше міндет атқарған.

​Қазақстан Республикасының ұлттық валютасы - теңге. Ол 1993 жылғы 15 қарашада айналымға енгізілді. Теңге бейнеленуі, орындалуы және қорғалуы тұрғысынан әлемдегі әдемі, заман талабына сай жасалған ақша белгілерінің бірі. Кескін - келбетін жасауға Қазақстан Дизайнерлер Одағының басшысы Тимур Сүлейменов, Меңдібай Әлин, Ағымсал Дүзелхановтардың қосқан үлестері қомақты. Бүгін де теңгеміз тұрақты валюта ретінде өз міндетін мүлтіксіз атқарып келе жатыр. Қазір айналыста негізінен 200, 500, 1000, 2000, 5000 және 10000 теңгелік қағаз ақша (банкнот) қолданылуда. Құны төмен, күнделікті көп қолданылатын қағаз ақша тез тозады. Сондықтан оларды металдан тиын түрінде жасады. - Балалар өмірде әртүрлі жағдайлар болады. Мен сендерге әртүрлі жағдайлар дайындадым. Соларды оқып, содан шығудың жолдарын қарастырыңдар.

Open Ended

ІІ бөлім.« Теңге — ұлттық табыстың кепілі». 1-жағдай. Сен анаңмен бірге базарға денешынықтыру сабағына аяқ киім алуға бардың. Аралап жүріп 300 теңге тұратын машинаны ұнатып қалдың. Сен машинаны алғың келді. Ал анаңда бары 600 теңге ғана... Сенің әрекетің....

Open Ended

2-жағдай. Биылғы оқу жылында ана тілі оқулығы жетіспейді. Базардағы оқулық бағасы 450 теңге. Анаң таныстардан ескі, мұқабасы жыртық кітап тауып берді. Сенің іс әрекетің.....

Open Ended

3-жағдай. Мұғалім бүгін сағат екіде цирк болатынын айтты. Билет бағасы 100 теңге. Сондай - ақ ағылшын кітабын алуың керек. Ол 130 теңге. Қайсысын таңдайсың? Әрекетің.....

"Әр елде - өз валютасы" дегендей әр елдің валюталарын тауып көрейік.

Multiple Choice

Қырғызстанның валютасы?

• Рубль

• Теңге

• Сом

• Лира

Multiple Choice

Американың валютасы?

• Фунт

• Лира

• Теңге

• Доллар

Multiple Choice

Ресейдің валютасы?

• Рубль

• Лат

• Сум

• Гривна

Multiple Choice

Кореяның валютасы?

• Лира

• Йена

• Юань

• Манат

Multiple Choice

Түркияның валютасы?

• Теңге

• Сом

• Лира

• Марка

Multiple Choice

Өзбекстанның валютасы?

• Сум

• Сом

• Теңге

• Манат

Multiple Choice

Ұлыбританияның валютасы?

• Стерлинг

• Фунт

• Гривна

• Марка

Multiple Choice

Германияның валютасы?

• Теңге

• Доллар

• Лат

• Марка

Open Ended

ІII сәуле. «Ақша туралы мақал - мәтелдер» Әр отбасы ақшаның құнын бағалау керек. Оны орынды жұмсай білу керек. Халық арасындағы ақша жайында мақал мәтелдерді еске түсірейік.

​Терең оймен, шебер тілмен айтылған халық шығармаларында бірде Қазыбек би Төле биге кедейлік неден деп сұрақ беріпті. Сонда Төле би: - Кедейлік үш ағайынды. Оның тұңғышы кежірлік, ортаншысы - еріншектік, кенжесі - ұйқы. Осы үшеуін бойына үйір қылмаған адам кедей болмайды,- деп жауап берген екен.