Quarter 2: AP: Week 1

Quarter 2: AP: Week 1

Digitized by Teacher Meljon

Ang Pinagmulan ng Aking Komunidad

​Layunin:

​

​Maisasalaysay mo ang pinagmulan ng iyong sariling komunidad, batay sa pagtatanong at pakikinig sa mga kuwento ng mga nakatatanda.

​ Ang pangalan ng Tarlac ay nanggaling sa isang uri ng damo o talahib na kilala bilang “malatarlak”. Ito ay itinatag nina Don Carlos Miguel at Don Narciso Castaňeda noong 1788.

Ang lalawigan ng Tarlac ay kilala bilang Melting Pot ng Gitnang Luzon. Binubuo ng mga kultura ng mga Ilokano, Kapampangan, Pangasinense, Tagalog at mga Aeta.

Ang Tarlac ay dating bahagi ng mga lalawigan ng Pangasinan at Pampanga. Ito ang pinakabatang lalawigan na itinatag noong panahon ng mga Kastila. Isa ito sa mga walong (8) lalawigan na lumaban sa mga Kastila. Noong panahon ng Ikalawang Digmaan Pandaigdigan ay naging himpilan at pahingahan ng mga sundalo ang Camp O’ Donnell sa Capas, Tarlac.

Tandaan!

​

Upang mapalawak ang pagkilala sa isang komunidad mahalagang malaman mo ang kasaysayan o kuwento nito. Maaari itong gawin sa pamamagitan nang pagsasaliksik o pagkuha ng impormasyon gaya nang pagtatanong at pakikinig sa mga kuwento ng mga nakatatanda.

​Ang kuwento ng isang komunidad ay maaaring magmula sa pangalan iba’t ibang mga bagay gaya ng:

​

1. Puno

2. Halaman

3. Hayop

4. Anumang bagay ​

​

Halimbawa nito ang komunidad ng Tarlac na nabanggit sa kuwento na ang pangalan ay galing sa isang halaman na kilala bilang “malatarlak”.

​

​Sagutin natin!

​

​1. Ano ang komunidad na inilarawan sa kuwento?

2. Ano ang pinagmulan ng pangalan nito?

3. Ano ano ang mga maaaring pagmulan ng pangalan ng isang komunidad?

4. Sa paanong paraan maaaring malaman ang kuwento ng isang komunidad?

5. Bilang mag-aaral bakit nararapat na pahalagahan mo ang kasaysayan ng inyong komunidad?

​Ginabayan Gawain 1:

​

Multiple Select

Maaaring makakuha ng impormasyon tungkol sa kuwento ng komunidad sa pamamagitan nang ______________ at ______________ sa mga kuwento ng mga nakatatanda sa komunidad.

• pakikinig

• puno

• hayop

• pagtatanong

• halaman

Multiple Select

Ang pangalan ng isang komunidad ay maaring mula sa pangalan ng mga bagay na makikita sa komunidad gaya ng __________, ____________, ___________ o anumang bagay.

• pakikinig

• puno

• hayop

• pagtatanong

• halaman