Ortograpiyang Pambansa: KWF Manwal sa Masinop na Pagsulat

Ortograpiyang Pambansa:

KWF Manwal sa Masinop

na Pagsulat

​Handa ka na ba, kaibigan?

​

Kung hindi pa, huminga ka ng malalim at isiping kayang-kaya mo ito.

​

​Ngayon ay atin nang simulan!

Multiple Choice

Alin sa ibaba ang may tamang baybay sa paggamit ng "de" bilang unlapi?

• de-lata

• delata

• de lata

Ang tamang sagot ay "de-lata".

​Nakuha mo ba ang unang katanungan?

​

​ Sa alituntunin ng ortograpiya, ginagamitan ng gitling (-) ang salitang may unlaping de- mula sa Espanyol na nangangahulugang "sa pamamagitan ng" o "ginawa o ginamit sa paraang". Halimbawa pa nito ay de-kolor, de-bote at de-kahon.

​

​

​

Simula pa lamang iyan kaibigan. Tayo'y magpatuloy na sa susunod na katanungan!

Multiple Choice

Alin sa ibaba ang may tamang baybay o ispeling sa pag-uulit ng mga salita?

• anu-ano

• ano-ano

• anuano

• ano-anu

​Nakuha mo ba kaibigan? Ang tamang sagot ay ano-ano.

​Kailangan mo iyang tandaan!

​

​Sa ganap na pag-uulit ng salita, hindi kailangang baguhin ang O. Kokopyahin nang buo ang salita o salitang-ugat at gagamitan ng gitling.

​

​Halimbawa pa nito ay:

​ taon-taon hindi taun-taon

​ pito-pito hindi pitu-pito

Ituloy lang natin ito kaibigan at huwag sumuko. Halina't dumako na tayo sa susunod na tanong.

Multiple Choice

Ang paggamit ng panlapi ay mahalaga. Alin sa mga sumusunod na salita ang may wastong pagkakagamit panlapi?

• matutuhan

• matutunan

• matutuan

​Tila nalito ka sa mga salita aking kaibigan!

​Ang tamang sagot dito ay matutuhan.

​

​Mali ang matutunan sapagkat walang panlaping -nan. Doon naman sa matutuan, mayroong panlaping -an ngunit hindi ito ang angkop na hulapi at -han ang wastong gamitin.

Isang ngiti naman diyan dahil nangangalahati na tayo kaibigan! Kumusta naman ang iyong puntos?

Alam kong matatapos mo ito baon ang ngiting iyan.

Multiple Choice

Napapansin natin ang paggamit ng "e.g" sa mga pangungusap kapag nagbibigay ng halimbawa. Ano ang ibig sabihin ng e.g.?

• exempli gratia

• est grat

• et gratia

​Sa pagkakataong ito, alam kong hindi ka nahirapan kaibigan. Ang ibig sabihin ng e.g. ay exempli gratia.

​

​Ito ay katawagang Latin na ginagamit hanggang ngayon sa mga saliksik at pormal na sulatin.

Nananabik ka na ba para sa panghuling katanungan?

​Alam kong gusto mo na itong tapusin kaya naman tumungo ka na sa huling destinasyon.

Multiple Choice

Piliin sa ibaba ang may tamang pagsasalin sa Filipino sa salitang "image".

• imahe

• imahen

• imaje

​Naging mahusay ka ba sa pagsagot?

​Ang wastong sagot dito ay "imahen" sapagkat dahil sa tuntuning Espanyol muna bago Ingles. Mula sa Espanyol na "imagen" ay binaybay sa imahen.

​

​Unang pinipili ang singkahulugang salita mulang Espanyol lalo't may nahahawig na anyo dahil higit na umaalinsunod ang wikang Espanyol sa bigkas at baybay ng Filipino kaysa Ingles.

Bilang mo ba ang iyong puntos? Huwag kang mag-alala kaibigan, alam kong mataas ang iyong nakuha.

PAGBATI SA IYO!

Bilang mo ba ang iyong puntos? Huwag kang mag-alala kaibigan, alam kong mataas ang iyong nakuha. PAGBATI SA IYO!