Շարային պատրաստություն. 9-րդ դասարան

​ՇԱՐԱՅԻՆ ՊԱՏՐԱՍՏՈՒԹՅՈՒՆ

​

ՇԱՐԱՅԻՆ ՎԱՐԺԱՁԵՎԵՐՆ ՈՒ ՇԱՐԺՈՒՄՆ ԱՌԱՆՑ ԶԵՆՔԻ​

​Դարձումներ շարժման ժամանակ

Ինչպես տեղում դարձումների ժամանակ, այնպես էլ շարժման ընթացքում դարձումներ կատարելու համար տրվում են նույն հրամանները՝ «Ա՜ջ–ԴԱ՛ՐՁ», «Ձ ա՜խ–ԴԱ՛ՐՁ» և «Հ ե՜տ–ԴԱ՛ՐՁ»:

Աջդարձ կատարելու համար «ԴԱ՛ՐՁ» կատարողական հրամանը տրվում է զինծառայողի աջ ոտքը գետնին դնելու հետ միաժամանակ: Այդ հրամանը լսելուն պես զինծառայողը կատարում է ևս մեկ քայլ ձախ ոտքով, ձախ ոտնաթաթի մատների վրա հենվելով՝ կատարում է մեկ քառորդ պտույտ աջ և շարային քայլով շարժումը շարունակում նոր ուղղու- թյամբ:

Ձախդարձ կատարելու համար «ԴԱ՛ՐՁ» կատարողական հրամանը տրվում է զինծառայողի ձախ ոտքը գետնին դնելու հետ միաժամանակ: Այդ հրամանը լսելուն պես զինծառայողը կատարում է ևս մեկ քայլ աջ ոտքով, աջ ոտնաթաթի մատների վրա հենվելով՝ դառնում է մեկ քառորդ պտույտ ձախ և շարային քայլով շարժումը շարունակում նոր ուղղութ յամբ:

Հետդարձ կատարելու համար «ԴԱ՛ՐՁ» կա-

ՇԱՐԱՅԻՆ ՊԱՏՐԱՍՏՈՒԹՅՈՒՆ

տարողական հրամանը տրվում է զինծառայողի աջ ոտքը գետնին դնելու հետ միաժամանակ: Այդ հրամանը լսելուն պես զինծառայողը կատարում է ևս երկու քայլ` ձախով լրիվ, իսկ աջով կես քայլ՝ ոտքը դնելով փոքր-ինչ ձախ: Ապա հենվում է երկու ոտնաթաթերի մատների վրա, մեկ երկրորդ պտույտ կտրուկ շրջադարձ է կատարում և շարային քայլով շարժումը շարունակում նոր ուղղությամբ:

«ԴԱ՛ՐՁ» կատարողական հրամանից հետո աջդարձը և ձախդարձը կատարվում են երկու հաշվով, իսկ հետդարձը՝ երեք հաշվով:

Հետդարձի ժամանակ հատուկ ուշադրութ յուն է դարձվում կտրուկ շրջադարձի և ձեռքերի շարժումների վրա: «Երկու» հաշվի դեպքում, երբ աջ ոտքը տարվի կես քայլ ձախի առաջ, այդ պահին պետք է ձախ ձեռքը տանել առաջ, իսկ աջը՝ հետ: Հենց որ աջ ոտքը հենվի ոտնաթաթի մատների վրա, երկու ձեռքն էլ իջեցնել ցած՝ իրանին հենած, այդ վիճակում պահել կտրուկ շրջադարձի պահին: «Երեք» հաշվի ժամանակ աջ ձեռքը շարժել առաջ, իսկ ձախը՝ հետ:

Շարքից դուրս գալը և շարք վերադառնալը

Շարքից դուրս գալու համար զինծառայողին տրվում է հետևյալ հրամանը՝

«Շ արքային Պողոսյան, շարքից ԴՈ՛ՒՐՍ ԳԱԼ ԵՐԿՈՒ (երեք և այլն) ՔԱՅԼ»:

Զինծառայողը, լսելով իր ազգանունը, պատասխանում է՝ «Ես եմ», իսկ շարքից դուրս գալու դեպքում պատասխանում է՝ «Լսում եմ»: Այնուհետև, շարային քայլով դուրս է գալիս շարքից՝ նշված քայլերի քանակը հաշվելով առաջին տողանից, կանգնում է և դեմքով շրջվում դեպի շարքը:

Եթե զինծառայողը դուրս է գալիս երկրորդ տողանից, ապա ձախ ձեռքը թեթևակիորեն դնում է իր առջև կանգնած զինծառայողի ուսին, որը մեկ հաշվին մեկ քայլ առաջ է գալիս, երկու հաշվին` աջ ոտքը առանց ձախին մոտեցնելու տանում է մի քայլ դեպի աջ, երեք հաշվին ձախ ոտքը միացնում աջին և շարքից դուրս գալու հնարավորու թյուն է տալիս հետևի զինծառայողին: Վերջինիս դուրս գալուց հետո կանգնում է իր տեղում հետևյալ կերպ` մեկ հաշվին` ձախ ոտքով կա տար ում է մեկ քայլ դեպի ձախ, երկու հաշվին` աջը առանց ձա խին միացնելու տանում է մեկ քայլ հետ, և երեք հաշվին ձախը միացն ում է աջին:

Առաջին տողանից զինծառայողի դուրս գալուց հետո այդ տեղը զբաղեցնում է երկրորդ տողանում նրա հետևում կանգնած զինծառայողը:

Առաջին տողանից զինծառայողի դուրս գալուց հետո այդ տեղը զբաղեցնում է երկրորդ տողանում նրա հետևում կանգնած զինծառայողը:

Երկշարասյուն, եռաշարասյուն (քառաշարասյուն) շարքից զինծառայողը դուրս է գալիս մոտակա թևի կողմը: Դրա համար նա կատարում է աջդարձ (ձախդարձ), իսկ նրա կողքին կանգնած զինծառայողը աջ (ձախ) ոտքով մեկ քայլ է անում դեպի աջ (ձախ) կողմը և, առանց աջ (ձախ) ոտքը մյուս ոտքի մոտ դնելու, մի քայլ հետ է գնում, ոտքերը միացնելով իրար՝ զինծառայողին շարքից դուրս գալու հնարավորութ յուն է տալիս, այնուհետև կանգնում է իր տեղում:

Շարք վերադառնալու համար զինծառայողին տրվում է հետևյալ հրամանը՝

«Շարքային Պողոսյան, ՇԱՐՔ ԿԱՆԳՆԵ՛Լ (ՇԱՐՔՈՒՄ ԿԱՆԳՆԵ՛Լ)» կամ ուղղակի՝ «ՇԱՐՔ ԿԱՆԳՆԵ՛Լ (ՇԱՐՔՈՒՄ ԿԱՆԳՆԵ՛Լ)»:

«Շարքային Պողոսյան» հրամանով զինծառայողը դեմքով շրջվում է դեպի պետը և պատասխանում է՝ «Ես եմ», իսկ «ՇԱՐՔ ԿԱՆԳՆԵ՛Լ» հրամանով ձեռքը մոտեցնում է գլխարկին և պատասխանում է՝ «Լսում եմ», ապա շրջվում է շարժման կողմը, առաջին քայլի հետ միաժամանակ իջեցնում ձեռքը, շարային քայլով ամենակարճ ճանապարհով կանգնում իր տեղում:

Եթե տրվում է միայն «ՇԱՐՔ ԿԱՆԳՆԵ՛Լ (ՇԱՐՔՈՒՄ ԿԱՆԳՆԵ՛Լ)» կատարողական հրամանը, ապա զինծառայողը վերադառնում է շարք՝ առանց շրջվելու դեպի պետը:​

Զինվորական ողջույնի կատարումն առանց զենքի

Մենք 8-րդ դասարանում խոսել ենք զինվորական ողջույնի էութ յան մասին, թե երբ է այն տրվում, ով է առաջինը ողջունում, երբ և որտեղ զինվորական ողջույն չի տրվում: Զինվորական ողջույնը կատարվում է ՀՀ ԶՈՒ շարային կանոնադրութ յան պահանջներին համապատասխան:

Զինվորական ողջույնի կատարումը տեղում: Բոլոր դեպքերում զինվորական ողջույնը կատարվում է կտրուկ և ձգված՝ ճշտորեն պահպանելով շարային կեցվածքի ու շարժման կանոնները:

Երբ զինծառայողը գտնվում է շարքից դուրս և առանց գլխարկի է, նա զինվորական ողջույնի համար պետից (ավագից) երեք-չորս քայլ հեռավորութ յան վրա պետք է շրջվի պետի կողմը, ընդունի շարային կեցվածք, նայի նրա դեմքին և գլուխը շրջի նրա շարժման ուղղությամբ:

Եթե զինծառայողը գլխարկով է, ապա, բացի դրանից, նա աջ ձեռքը մոտեցնում է գլխարկին այնպես, որ մատները լինեն իրար կպած, ափը՝ ուղիղ, միջնամատը հպվի գլխարկի ներքին եզրին, իսկ արմունկը լինի ուսի բարձրութ յամբ: Գլուխը պետի (ավագի) կողմը շրջելիս ձեռքի դիրքը մնում է անփոփոխ:

Երբ պետը անցնում է ողջունող զինծառայողի մոտից, ողջույնը դադարեցվում է՝ զինծառայողը գլուխն ուղղում է և, միաժամանակ, իջեցնում ձեռքը:

Զինվորական ողջույնի կատարումը շարժման ընթացքում: Երբ զինծառայողը գտնվում է շարքից դուրս և առանց գլխարկի է, նա զինվորական ողջույնի համար պետից 3–4 քայլ հեռավորու թյան վրա, ոտքը գետին դնելու հետ մեկտեղ, դադարեցնում է ձեռքերի շարժումը, գլուխը շրջում է պետի կողմը և, շարունակելով քայլել, նայում է նրա դեմքին: Պետի մոտով անցնելուց հետո գլուխն ուղղում է և շարունակում ձեռքերի շարժումը:

​Պետից առաջ անցնելու դեպքում զինվորական ողջույնը կատարվում է անցնելու քայլի հետ միաժամանակ: Երկրորդ քայլի հետ զինծառայողը գլուխը պահում է ուղիղ, աջ ձեռքը իջեցնում ցած:

Եթե պետը անցնում է մեքենայով, ապա զինծառայողը կանգնում է, շրջվում դեմքով դեպի պետի կողմը և ձեռքը հպում է գլխարկին:

Եթե զինծառայողի ձեռքերն զբաղված են, զինվորական ողջույնը կատարվում է գլուխը շրջելով պետի կողմը:

Եթե զինծառայողը զբոսնում է աղջկա (կնոջ) հետ, ապա ինքը պետք է գտնվի նրա աջ կողմում, որպեսզի զինվորական ողջույնի կատարման համար կարողանա բարձրացնել աջ ձեռքը: