G6 AP Q3 Aralin9

AP6 Q3 Aralin9

​

Mga Patakaran at Programa ni

Pangulong Diosdado P. Macapagal

(Disyembre 30, 1961-Disyembre 30,1965)​

By NAPOLEON LEONES

Tinagurian si Diosdado Macapagal bilang “Batang Mahirap” mula Lubao dahil anak siya ng isang mahirap na magsasaka. Isinilang siya sa San Nicolas, Lubao, Pampanga noong Setyembre 28, 1910. Nagtapos ng pagkadoktor sa mga batas mula sa Pamantasan ng Santo Tomas noong 1936 at pumasok sa politika. Una siyang nagtrabaho bilang abogado sa isang tanggapang Amerikano. Nahalal siya sa kongreso noong 1949 at 1953. Siya ang may akda ng Batas ng kalusugang Rural (Rural Health Law) at ng batas hinggil sa Mababang Sahod (Minimum Wage Law). Nahalal siya bilang Pangalawang Pangulo noong 1957 at naging Pangulo noong 1961.

Diosdado P. Macapagal

Si Pangulong Diosdado Macapagal ang Ikalimang Pangulo ng Republika ng Pilipinas. Ang kanyang pamamahala ay nakatuon sa paglutas ng mga suliranin sa kawalan ng trabaho, kasapatan ng pagkain, simpleng pamumuhay at pagtaas ng sahod, murang pabahay, pag-unlad sa buhay ng mga magsasaka at pag-unlad ng ekonomiya ng bansa. Isa sa pinakamahalagang programa na nagawa ni Pangulong Macapagal ay ang Kodigo ng Reporma sa Lupa. Sa sistemang ito inililipat ang pagmamay-ari sa mga magsasaka ng lupa na inuupahan.

Kabilang sa kanyang nagawa ay ang mga sumusunod:

• Nakiisa sa pagtatag ng MAPHILINDO- kinabibilangan ito ng Malaysia, Philippines at Indonesia. Layunin nito na itaguyod ang pagtutulungan sa pulitika, kabuhayan at kultura ng tatlong bansang kasapi.

• Pagpalaganap ng pambansang wika sa pamamagitan ng paggamit nito sa mga papeles, koreo at pasaporte.

• ​Paglipat ng “Araw ng Kalayaan” mula Hulyo 4 sa Hunyo 12.

• Paglikha ng Emergency Employment Administration (EEA) upang mangasiwa sa mga gawaing bayan tulad ng pagpapagawa at pagpapakumpuni ng mga imprastraktura. Sa gayon, makapagbibigay ito ng hanapbuhay sa mga mamamayan.

Sa pagnanais ng Pangulong Macapagal na maipagpatuloy ang kanyang nasimulang patakaran na may layuning mapaunlad ang kabuhayan ng bansa, lalong-lalo na sa mga magsasaka ay muli siyang tumakbo sa pagkapangulo. Natalo siya ng dating kasama sa Partido Liberal na lumipat sa Partido Nacionalista na si Ferdinand Marcos.

Multiple Choice

Ano ang pinakamahalagang naiambag ng Administrasyong Macapagal sa mga mamamayang Pilipino?

• Kodigo ng Reporma sa Lupa

• Paglutas sa Komunismo

Multiple Choice

Bakit tinaguriang "Batang Mahirap" si Pangulong Diosdado Macapagal?

• dahil lumaki siya sa hirap at umangat lamang ang pamumuhay dahil sa pagsisikap

• dahil ito ang tingin sa kaniya ng mga kaaway niya sa politika

Multiple Choice

Naging hinaing ng mga mamamayang Pilipino ang mababang pasahod sa mga kumpaniyang kanilang pinagtratrabahuan. Ano ang naging tugon ni Diosdado Macapagal sa suliraning ito?

• TRAIN Law

• Minimum Wage Law

Multiple Choice

Noong panahon ng Administrasyon ni Diosdado Macapagal, nagkaroon ng pangambang unti-unting mawala ang Wikang Pambansa sa kultura ng mga Pilipino. Ano ang naging tugon ng administrasyon sa suliraning ito?

• Pagpalaganap ng pambansang wika sa pamamagitan ng paggamit nito sa mga papeles, koreo at pasaporte

• Pagpapalaganap ng paggamit ng wikang Ingles upang maunawaan ng mga Pilipino ang mga ideya ng mga mga dayuhan

Multiple Choice

Bakit mahalaga ang paglipat sa petsa ng Araw ng Kalayaan mula Hulyo 4 sa Hunyo 12?

• dahil ang Hulyo 4 ay petsa ng kalayaang idineklara ng mga Amerikano at hindi ng ating sariling pamahalaan

• dahil ang Hunyo 12 ay makasaysayang petsa ng paglaya ng mga Pilipino sa mula sa mga mananakop na Amerikano