BAHASA BANJAR

​SENI DAN BUDAYA BAHASA BANJAR

Oleh : Rika Kartika

Basunat ngitu upacara adat Banjar gasan kakanakan lalakian dalam ajaran agama Islam. Bubuhan Banjar baisi kayakinan, ka islaman urang ngitu baluman sampurna amun inya balum basunat.

​Gasan kakanakan babinian matan halus sudah di sunat.

UPACARA BASUNAT

​B. PAKAKAS BASUNAT

​Pakakas nang disiapakan gasan upacara basunat, nangkaya pakakas panatak, pangapit, tolak bala, panai, pakakas bahias, wan piduduk.

​PANATAK

​Pakakas nang disiapakan gasan upacara basunat, nangkaya pakakas panatak, pangapit, tolak bala, panai, pakakas bahias, wan piduduk.

​Upacara basunat karancakan digawi di rumah kuitan anak nang handak disunat. Upacara basunat digawi matan baisukan. Kakanakan nang handak basunat dirandam dalam panai atawa dalam banyu dingin di sungai, imbahtu dibilas lawan banyu barasih wan dikaringakan. Imbahtu kakanakannya bahias mamakai tapih lawan pahiasan nang lain jua, dibarii jimat nangkaya pakakas tolak bala. Gasan anak urang katurunan bangsawan mamakai tapih warna kuning wan di arak bakuliling kampung, didudukakan disasangga tabalik, wan disalimuti kain panjang sabalum tangah hari.

Imbah basunat, bakas kulit nang ditatak tadi dimasukakan dalam wadah nang baisi habu, dipatak di bawah puhun pisang atawa malati. Upacara basunat disambung lawan caramah agama, mambaca du’a Salamat wan mambaca dua kalimat syahadat. Imbah tuntung upacara basunat, malam harinya baacaraan bajajagaan wan acara batambur. Batambur ngitu mambaca syair sambil batarbang. Talu hari, imbah basunat baacaraan batumbang, nangkaya pambarkatan gasan kakanakan nang disunat. Upacara batumbang ngitu, lamun kalangan bangsawan nang maadaakan upacara basunat, bamagin rami acaranya wan babanyak jua nang badatangan ka acara ngitu.

​1. Cuba pian carii informasi upacara adat nang ada di Kalimantan Selatan.

2. Informasi nang pian dapatakan ngitu, pian ulah lawan kreativitas pian saurang. Kawa diolah nangkaya kliping wan deskripsi uraian nangkaya makalah

3. Minta ganii manggawinya lawan kaka, uma, abah, atawa karabat pian nang lain.

4. Kumpul gawian ngitu lawan guru pian.

5. Jangan kada ingat manulis ngaran wan kalas pian.

6. Presentasikan gawian pian di muka kalas.