Filipino Module 6 (Day 1)

FILIPINO Ikatlong Markahan-Modyul 6: Pagpapahayag ng Sariling Ideya/Damdamin o Reaksyon Tungkol Sa Napakinggang Kuwento Batay Sa Tunay Na Pangyayari/Pabula

March 6, 2023 (Day 1)

Inihanda ni:

Ma. Veronica B. Belgar

Alamin

Ang modyul na ito ay binubuo ng isang aralin. Aralin: Pagpapahayag ng Sariling Ideya/Damdamin o Reaksyon Tungkol sa Napakinggang Kuwento Batay Sa Tunay Na Pangyayari/Pabula

Alamin

Upang matutunan mo ang modyul na ito, kailangang maisagawa mo ang mga sumusunod: a. Naipahahayag ang sariling ideya/damdamin o reaksyon tungkol sa pinakinggang akdang kathang-isip (kuwento/pabula)

Alamin

Upang matutunan mo ang modyul na ito, kailangang maisagawa mo ang mga sumusunod: b. Naipahahayag ang sariling ideya/damdamin o reaksyon tungkol sa pinakinggang akda batay sa tunay na buhay (kuwento)

Subukin

Manood at makinig ng balita sa TV. Ibigay ang sariling ideya/damdamin o reaksyon batay sa iyong napanood at napakinggan. Ibahagi ito sa iyong mga kasama sa tahanan o kapamilya.

Balikan

Ayon sa napanood o napakinggang balita, ilarawan ang mga pangyayari at mga tauhan.

Sa araling ito ay pag-aaralan mo ang pagpapahayag ang sariling ideya/damdamin o reaksyon tungkol sa pinakinggang akdang kathang-isip (kuwento/pabula o batay sa tunay na buhay.

Tuklasin

Pakinggan ang kwento na babasahin ng guro at sagutin ang mga gabay na tanong sa ibaba.

Open Ended

Paano mo ilalarawan ang dalawang tauhan sa kuwento?

Open Ended

Ano ang ginawa ni Daga nang natutulog si Leon?

Open Ended

Ano ang naging reaksyon ni Leon?

Open Ended

Paano nakabawi si Daga kay Leon?

Open Ended

Anong aral ang nakuha mo sa kwento?

Lagyan ng masayang mukhang kung ang ipinapahayag ng pangungusap ay nagpapakita ng masayang pangyayari at malungkot na mukha kung hindi naman. (Maaaring magpatulong sa magulang o tagapaggabay upang maisagawa nang maayos ang gawain.)

Multiple Choice

Ipagdiriwang mo ang iyong kaarawan.

Multiple Choice

Namatay ang alagang aso ni Angela.

Multiple Choice

Tinulungan ng iyong kaibigan ang matandang babae sa pagtawid sa kalsada.

Multiple Choice

Nagkaroon ng sakit ang mga tao sa inyong lugar.

Multiple Choice

Sama-samang naghapunan ang buong pamilya.

Maaring magpatulong sa tagagabay sa pagbabasa. (para sa mag-aaral na hindi pa gaano marunong magbasa.)

Basahin at unawaing mabuti ang tula. Alamin ang mga damdamin o ideyang nakapaloob dito.

Basahin at unawaing mabuti ang bawat pangungusap. I-click ang tsek (✓) kung ikaw ay sumasang-ayon at ekis (x) kung hindi.

Multiple Choice

Ang mga batang Pilipino ay masayahin.

Multiple Choice

Ang pagmamano at pagsagot ng “po at opo” ay isang paraan ng pagiging magalang.

Multiple Choice

Nararapat lamang na ang isang bata hanggang paglaki ay mag-aral nang mabuti.

Multiple Choice

Nasisiyahan ang mga magulang sa mga bata na marunong tumulong sa gawaing bahay.

Multiple Choice

Ang pagtatapos ng pag-aaral ay nakatutulong upang umunlad ang isang bansa.

Makinig nang mabuti sa tagapaggabay upang masagot nang wasto ang mga tanong tungkol sa napakinggang teksto.

Si Andy Bubuyog at Ang Kaibigan Niyang si Tong Tutubi

ni: Maria Cecilia R. Rubia

Si Andy ay kilala sa kanilang lugar bilang isang masipag na bubuyog. Halos araw-araw ay wala siyang ginawa kung hindi lumipad at maghanap ng nektar. Samantala, si Tong naman ay isang tutubi. Kabaliktaran ni Andy si Tong sapagkat siya ay mahilig maglaro, palipad-lipad at kung saan-saan nakakarating. Sa kabila ng pagkakaiba ng kanilang katangian, sila ay matalik na magkaibigan.

Si Andy Bubuyog at Ang Kaibigan Niyang si Tong Tutubi

ni: Maria Cecilia R. Rubia

Isang araw, dumating ang malakas na bagyo at tumagal ng ilang araw ang ulan. Nagutom si Tong tutubi sapagkat wala siyang makain. Halos mawalan na siya ng pag−asa. Nang tumila ang ulan ay dali−dali siyang lumabas at nalungkot sa kanyang nakita. Sira ang lahat ng nasa paligid niya. Nakatumba ang mga puno at nakadapa ang mga pananim.

Si Andy Bubuyog at Ang Kaibigan Niyang si Tong Tutubi

ni: Maria Cecilia R. Rubia

“Tama! Pupunta ako sa kaibigan kong si Andy! Marami siyang imbak na pagkain”, ang wika ni Tong. Kaya, agad siyang pumunta sa kaniyang kaibigan.

“Tong! Anong nangyari sa iyo?” Ang tanong ni Andy. “Gutom na gutom na ako kaibigang bubuyog” ang wika ni Tong.

Si Andy Bubuyog at Ang Kaibigan Niyang si Tong Tutubi

ni: Maria Cecilia R. Rubia

Pinapasok ni Andy ang kaniyang kaibigan at pinakain.

“Maraming salamat kaibigang bubuyog! Kung hindi dahil sa iyo ay baka namatay na ako sa gutom.”

“Mula ngayon ay mag−iipon na rin ako ng pagkain.” Ang sabi ni Tong at masaya siyang nagpaalam sa kaniyang kaibigan.

Open Ended

Si Tong ay isang tutubi na mahilig _________.

Open Ended

Anong katangian mayroon si Andy Bubuyog?

Open Ended

Kung ikaw si Andy, bibigyan mo rin ba ng pagkain si Tong? Bakit?

Open Ended

Anong damdamin ang mararamdaman mo sa sinapit ni Tong tutubi?

Open Ended

Magiging masaya ka ba kung tutulong ka sa mga nangangailangan?

Sa araling ito, ikaw ay inaasahang makapagpahahayag ng sariling ideya/damdamin o reaksiyon tungkol sa napakinggang kuwento batay sa tunay na pangyayari/pabula at maiuugnay sa sariling karanasan ang nabasang teksto.

Ang panitikan ay mga akda na katangi-tangi, masining at malikhaing pagtatanghal ng mga idea at damdaming unibersal at pangmahabang panahon, gaya ng tula, katha, dula, at sanaysay.

Ang pabula ay isang uri ng panitikang nagsasalaysay ng mga kuwentong karaniwang nagtatampok ng mga hayop bilang mga tauhan.

Nakawiwili itong basahin. Naglalaman ito ng mga impormasyon tungkol sa kagandahang asal, pakikipagsapalaran, kahihinatnan ng bawat desisyon at aksiyon sa buhay.

Mahalaga ang pagbabasa dahil isa ito sa paraan upang matamo at makita ang mundo na hindi pa natin nararating. Ito ay sa pamamagitan sa panulat ng may akda.

Minsan ay nakikita natin ang ating sariling repleksiyon sa akdang ating binabasa. Nakikita natin ang ating sariling buhay at bubuo ng sariling desisyon kung sakali mang tayo ang nasa ganoong sitwasyon.

Basahin at unawain ang kuwento.

Si Langgam at Tipaklong

ni: Aesop

Maganda ang panahon. Mainit ang sikat ng araw. Maaga pa lamang ay gising na si Langgam. Nagluto siya at kumain. Ilang sandali pa, lumakad na siya. Gaya ng dati, naghanap siya ng pagkain. Isang butil ng bigas ang nakita niya. Pinasan niya ito at dinala sa kaniyang bahay. Nakita siya ni Tipaklong.

"Magandang umaga kaibigang Langgam," bati ni Tipaklong. "Kay bigat ng iyong dala. Bakit ba wala kanang ginawa kundi maghanap at mag-ipon ng pagkain?"

"Oo nga, nag-iipon ako ng pagkain habang maganda ang panahon," sagot ni Langgam.

"Tumulad ka sa akin, kaibigang Langgam," wika ni Tipaklong. "Habang maganda ang panahon, tayo ay magsaya. Halika, tayo ay lumukso. Tayo ay kumanta."

"Ikaw na lang kaibigang Tipaklong," sagot ni Langgam. "Gaya ng sinabi ko sa iyo, habang maganda ang panahon ako ay naghahanap ng pagkain. Ito'y aking iipunin para ako ay may makain pag sumama ang panahon."

Lumipas pa ang maraming araw, dumating na ang tag-ulan. Ulan sa umaga, ulan sa hapon at sa gabi umuulan pa rin. At dumating ang panahong kumidlat, kumulog at lumakas ang hangin kasabay ang pagbuhos ng malakas na ulan. Ginaw na ginaw at gutom na gutom ang kaawa-awang Tipaklong.

Naalala niyang puntahan ang kaibigang si Langgam. Paglipas ng bagyo, pinilit ni Tipaklong na marating ang bahay ni Langgam. Bahagya na siyang makalukso. Wala na ang dating sigla ng masayahing si Tipaklong.

"Mula noon, nagbago si Tipaklong. Pagdating ng tag-init at habang maganda ang panahon ay kasama na siya ng kaniyang kaibigang si Langgam. Natuto siyang gumawa at higit sa lahat natuto siyang mag-impok.

"Salamat, kaibigang Langgam," wika ni Tipaklong. "Ngayon ako naniniwala sa iyo. Kailangan nga palang mag-ipon habang maganda ang panahon at nang may makain pagdating ng tag-gutom."

Open Ended

Para sa iyo, sino ang gusto mong tularan si Langgam ba o si Tipaklong? Bakit?

Open Ended

Hinahangaan mo ba si Langgam sa kaniyang kasipagan? Bakit?

Open Ended

Ano ang dapat gawin para hindi matulad kay Tipaklong?

Open Ended

Kung ikaw si Tipaklong, lalapit ka rin ba kay Langgam sa panahon ng pangangailangan?

Open Ended

Anong aral ang napulot mo sa kuwento?