Dongeng Si Ujang Bangkong

Si Ujang
Bangkong

2

Jaman baheula, aya wanoja

miskin. Hirupna nunggeulis

tur hayang pisan boga

anak. Manéhna tuluy

neneda ka Nu Maha Kawasa

sangkan diparengkeun

boga anak. Bakating ku

hayang nya ngado’a, yén

sok sanajan budakma jiga

bangkong ogé moal burung

diurus jeung dipikanyaah.

Horéng do’ana diijabah ku

Pangéran. Harita kénéh

gubrag orok lalaki ...

3

... nu jiga bangkong! Kulitna

leueur jeung semu héjo,

beuheungna sengkek. Nu

séjén nyarebutna Si Ujang

Bangkong.

4

Ujang Bangkong morontod

jeung daékan mantuan

indungna di huma.

Manéhna ogé pada

mikaresep ku urang

lembur lantaran soméah

jeung daék tutulung. Tapi

kadieunakeun, Ujang

Bangkong remen ngalamun.

Horéng manéhna téh

hayang kawin. Ari nu

dipakabogohna lain jalma

joré-joré. Manéhna hayang

kawin ka putri raja. Ku

5

lantaran indungna kacida

pisan mikanyaahna, tuluy

Ujang Bangkong téh

dianteur ngadeuheus ka

karaton rék ngalamar putri

raja.

6

Satepina di karaton, raja

jeung putri nu genepan

nampik sapajodogan

panglamar ti Ujang

Bangkong. Tapi putri

nu katujuh, nyaéta putri

bungsu, karunyaeun ningali

Ujang Bangkong, tuluy

narima lamaranana. Raja

teu panuju jeung teu doa.

Tungtungna raja méré

pasaratan nu pamohalan

ka Ujang Bangkong, mun

keukeuh hayang ngawin

7

anakna. Ujang Bangkong

kudu bisa ngawangun

jambatan nu dijieun tina

emas, nu ngembat ti

imahna nepi ka karaton.

Ujang Bangkong ngan ukur

dibéré waktu salila tujuh

poé pikeun méréskeunana.

8

Ujang Bangkong kadua

indungna tuluy mulang

ka imahna bari jeung

lungsé. Tangtu waé

paménta raja téh pamohalan

kacumponan. Indungna

tuluy neneda ka Ka Nu

Maha Kawasa. Unggal

poé pagawéanana ngan

ngadekul waé ngado’a.

Heuleut tujuh poé, kalawan

teu disangka-sangka aya

kaanéhan. Kulit Ujang

Bangkong marékplékan jadi

9

emas! Ujang Bangkong

tuluy ngagunakeun éta

emas pikeun ngawangun

jambatan ti imahna

nepi ka karaton. Ujang

Bangkong tuluy salin jinis

jadi pangéran nu gagah tur

kasép.

10

Barang tepi ka karaton,

euweuh nu wawuheun ka

Ujang Bangkong. Ka putri

bungsu, pangéran tuluy

balaka. Putri kagét bari

jeung bungah. Raja milu

bungah sarta gancang

nyaluyuan kana lamaran

pangéran ka putri bungsu.

Maranéhna tuluy hirup

bagja, ninggalkeun genep

lanceukna nu saririk kabina-

bina.

Poll

Dongeng Si Ujang Bangkong teh asup kana jenis dongeng?

• Fabel

• Parabel

• Mite

• Sasakala

Multiple Choice

Wanoja anu ceurik téh ménta naon ka Pangeran (Tuhan)?

• anak

• bangkong

• harta

• imah

Fill in the Blank

ari gubrag téh budak lalaki anu siga ......... kulitna leueur semu héjo

Multiple Choice

bangkong dina bahasa indonesia nyaéta sato ...

• ular

• katak

• domba

• ayam

Multiple Select

Kunaon pangna Ujang bangkong pada mikaresep teh? (ada 2 jawaban benar)

• lantaran soméah (ramah)

• lantaran daék tutulung (menolong)

• lantaran bageur (baik)

• lantaran resep ngobrol

Multiple Choice

Kadieunakeun Ujang Bangkong remen ngalamun. Kecap "ngalamun" miboga harti ......

• merenung

• berfikir

• melamun

• menyendiri

Fill in the Blank

Horéng Ujang Bangkong téh hayang kawin ka ......

Multiple Choice

Saha nu narima panglamar Ujang Bangkong téh?

• Raja

• Putri Bungsu

• Putri Cikal

• Putri ka 4

Open Ended

pék caritakeun make bahasa hidep nyalira, potongan ilustrasi dongeng di gigir! (ceritakan menggunakan bahasa kamu sendiri sesuai potongan ilustrasi dongeng di pinggir)

Open Ended

Hal pamohalan (yang tidak masuk akal) naon nu aya dina Dongeng Si Ujang Bangkong?