Pagsasalaysay sa Napakinggang Teksto

SUBUKAN NATIN ITO

SUBUKAN NATIN ITO

Panuto:

Ipabasa ng malakas sa iyong magulang ang maikling teksto. Ilagay ang nawawalang salita tungkol sa napakinggang teksto.

Si Muning

Tamad mag-aral si Pusang Muning. Walang kabuluhan sa kaniya ang pag-aaral dahil mayaman naman ang kaniyang mga magulang. Ngunit, para sa kanyang mga magulang ay mahalaga pa ring makapagtapos ng pag-aaral. Kaya naman, inihahatid pa rin siya ng kaniyang inang si Maming sa paaralan kahit huli na nga ito.

Sa loob ng silid-aralan ay makikita pa rin ang katamaran ni Pusang Muning. Ayaw niyang makinig sa mga itinuturo ng kaniyang guro na si Pagong Ngino. Hindi rin niya kinagigiliwan ang pagbabasa. Mas gusto na lamang niya na matulog o maglaro sa labas. Katunayan, habang nakatalikod ang kaniyang guro, dahan-dahan namang tumatakas palabas si Pusang Muning. Kapag nakalabas na siya ay masaya siyang nakikipaglaro ng habol-habulan kasama si Digong Daga, ang matalik niyang kaibigang tulad niya ay tamad ding mag-aral.

Jocelyn Amarado

Jocelyn Amarado

Si Muning

At sa halip nga na manatili sa loob ng paaralan at mag-aral na magbasa, mas pinili ng dalawa na magpakasaya. Naglakad-lakad sila hanggang sa nakarating sila sa palayan. Nakita nila ang isang bote.

Sapagkat sadyang uhaw na uhaw na lalong-lalo na si Digong, agad-agad niya itong binuksan at ininom. At kanya pang naubos ang laman ng boteng iyon. Samantala, akmang iinom na sana si Pusang Muning nang narinig niya ang boses ng kanyang Ina, dahilan ng kanyang pagkaripas pauwi ng kanilang bahay.

Si Muning

Kinabukasan, lubos na hinagpis ang naramdaman ni Pusang Muning nang mabalitaan niya na ang kanyang matalik na kaibigang si Digong Daga ay pumanaw na. Nalaman niya na ang ininom ni Digong Daga na laman ng bote ay isang inuming nakalalason at nakamamatay pala. Hindi nila ito nalaman pagkat hindi nila binasa dahil di rin sila marunong magbasa.

"Kung sana ay nagsipag ako sa pag-aaral. Kung sana'y nag-aral akong magbasa, hindi niya sana maiinom ang lasong iyon. Hindi sana siya mamamatay. Hindi niya sana ako maiiwan." Saglit siyang napatigil at ang mga luha sa kaniyang mga mata ay bigla na lang kumawala.

Dahil sa pangyayaring ion, napagtanto ni Muning ang kahalagahan ng pag-aaral nang mabuti maging ang matutong magbasa. Kaya, mula noon pinagsumikapan niya ang pag-aaral.