Pupuh Kinanti

Silahkan putar audio berikut

​PEPELAKAN DI SAKOLA KURING

Anu seungit sok kaambung,
kaambung waktu sapeuting,
kembang ageung bodas nyacas,
corong tarompét nu ipis,
nyambuang ka mana-mana,
wijayakusuma wangi.

​PEPELAKAN DI SAKOLA KURING

Kembang eros kembang bakung,
kananga reujeung malati,
aster beureum jeung dahlia,
sisina rampak anyelir,
kabéh mangkak jeung nyambuang,
taman sakola nu asri.

​PEPELAKAN DI SAKOLA KURING

Buah sirsak jambu batu,
léngkéng gedang jeung balingbing,
buah nangka jeung campedak,
buah gedong reujeung cengkir,
cau ambon saturuyan,
di kebon sakola kuring.

​PEPELAKAN DI SAKOLA KURING

Cau seupan bangkawulu.
cau leutik cau moli,
cau haseum cau nangka,
raja bulu kalis manis,
cau kapas cau bagja,
kiripik cau koladi.

Maham Eusi Bacaan

Open Ended

1. Kembang naon cenah anu sok kaambeu seungit ti peuting téh?

Open Ended

2. Kembang naon deui anu dipelak di taman sakola téh?

Open Ended

3. Salian ti kekembangan, aya ogé bungbuahan. Di antarana sirsak, anu sok disebut ogé

Open Ended

4. Dina pupuh di luhur disebutkeun bungbuahan anu rupana kawas dukuh. Buah naon?

Open Ended

5. Dina pupuh di luhur disebutkeun rupa-rupa cau. Ari anu sok dijieun kadaharan pisang cau naon?

Open Ended

6. Ari cau anu sok dijieun kiripik cau naon waé?