Week 2-Q2-ADM-Version 2-Filipino-SHS-TVL

Filipino sa Piling

Larang Teknikal

Bokasyunal

Ikalawang Markahan Ika lawang Linggo Hakbang sa Pag sulat ng Feasibility Study

Alamin

Naipaliliwanag sa paraang sistematiko at malinaw ang piniling anyo sa pamamagitan ng paggamit ng angkop na termino (CS_FTV11/12PS-0j-i-93)

Layunin

1. Nasusuri kung ano ang angkop na negosyo batay sa pangangailangan ng tao o konsyumer sa isang lokasyon;

2. Natitiyak ang seguridad at maaaring maging banta sa pipiliing lokasyon; at

3. Naisasagawa ang mga hakbangin at paghahanda sa pagbuo ng plano sa pagpili ng negosyo

Subukin

Basahin at unawaing mabuti ang bawat tanong. Piliin at isulat sa patlang ang letra ng tamang sagot.

Multiple Choice

Sa pagtatayo ng negosyo nangangailangan ito ng sapat paghahanda laban sa mga banta at balakid. At para maisasakatuparan ang plano sa pagnenegosyo malaki ang maitutulong ng ____________.

• pagsusuri ng sistema

• pagtukoy ng proyekto

• pagtukoy ng programa

• pagsusuring feasibility

Multiple Choice

Ang pagdedesisyon ukol sa papasuking negosyo ay natutukoy ____________.

• matapos isagawa ang feasibility study

• habang isinasagawa ang feasibility study

• matapos makausap ang mga supplier ng produkto

• isang araw bago ilunsad ang proyekto sa pagnenegosyo

Multiple Choice

Ang pagsusuring feasibility ay isinasagawa ng ____________.

• mga kapitalistang mamumuhunan sa itatayong negosyo.

• may-ari ng uupahang puwesto para sa itatayong negosyo.

• may-ari ng negosyo para matiyak ang paghahanda sa mga balakid.

• system analyst na kinonsulta ng may-ari ng magtatayo ng negosyo

Multiple Choice

Ang pangunahing layunin ng feasibility study ay ____________.

• tumulong sa pamamahala ng itatayong negosyo

• masuri kung kakayaning tugunan ang mga kinakailangan sa pagnenegosyo

• masuri kung kakayaning tugunan ang mga kakailanganin sa pagnenegosyo

• tumulong sa paghahanap ng mga potential investors na handang maglaan ng bahagi ng kaniyang salapi para sa negosyo

Multiple Choice

Ang feasibility study ay naglalaman ng mga mahahalagang impormasyon maliban sa ____________.

• pangalan at logo ng itatayong negosyo

• daloy at proseso ng pagsusuri at pag-aaral

• estratehiya ng mga makakalaban sa negosyo

• alternatibong plano sa napipintong balakid na kahaharapin

Multiple Choice

Mahalagang matukoy ang pangkat na magpapatakbo ng negosyo. At sa hanay ng ____________ makikilala ang mga gaganap sa tungkuling ito.

• mapagkukunan (Resources)

• rekomendasyon (Recommendations)

• mamamahala (Management and Teams)

• pagtutuos at paglalaan ng pondo- (Costs and Funding)

Multiple Choice

Isa sa pinakamahalagang dapat bigyang pansin sa pagnenegosyo ay ang mapagkukunan o supplier ng produkto, kagamitan, tulong teknikal at ahensya na maaaring kumuha ng empleyado na kakailanganin sa negosyo. Ang pangkat ng ____________ ang gumaganap sa mga tungkuling nabanggit.

• mga mapagkukunan (Resources)

• mamamahala (Management and Teams)

• mga rekomendasyon (Recommendations)

• pagtutuos at paglalaan ng pondo (Costs and Funding)

Multiple Choice

Sa bahaging ito ng feasibility study itatala ang mga karagdagang suhestiyon at ____________ na makatutulong sa pagdedesiyon ng may-ari ng negosyo bago niya ito pormal na simulan.

• mga mapagkukunan (Resources)

• rekomendasyon (Recommendations)

• mamamahala (Management and Teams)

• pagtutuos at paglalaan ng pondo (Costs and Funding)

Multiple Choice

Isa sa mga mahahalagang bagay na dapat nilalaman ng feasibility study ay ang kikitain ng produkto o serbisyo sa bawat araw. Isinasagawa ang tamang ____________ sa bawat araw, linggo, buwan para tustusan ang pasweldo, upa, puhunan, kuryente, tubig, internet connection at aktwal na kita ng may-ari.

• mapagkukunan (Resources)

• rekomendasyon (Recommendations)

• paglalapat ng apendice- (Appendices)

• pagsusuri ng kikitain (Estimated Profit)

Multiple Choice

Nakapaloob ang ilan sa mga mahahalagang dokumento na maaaring isaalang-alang sa pagnenegosyo sa talaan ng ____________. Dito makikita ang kontrata sa supplier, lugar ng pagtatayuan, talaan ng mga permit at forms sa ahensya ng barangay, lokal, at pambansang pamahalaan (kung kailangan lang).

• apendice (Appendices)

• mga mapagkukunan (Resources)

• pagsusuri ng kikitain (Estimated Profit)

• mga rekomendasyon (Recommendations)

Multiple Choice

Sa pagsasagawa ng pag-aaral o feasibility study ukol sa isang negosyong nais itatag, kinakailangan na masuri ang mga alternatibong solusyon upang ____________.

• matukoy kung ito ay epektibo o hindi epektibo

• maraming mapagpilian ang nagmamay-ari ng negosyo

• makita kung ito ay nararapat isagawa o hindi dapat isagawa

• maikumpara sa isa’t isa ang mga alternatibong solusyon at mapili ang pinakaepektibong solusyon

Multiple Choice

Kinakailangang magkaroon muna ng feasibility study bago simulan ang pagnenegosyo upang ____________.

• matiyak na may sapat na bilang ng manggagawa sa negosyong itatayo

• makapagbigay ito ng kinakailangang impormasyon patungkol sa pananalapi

• makakuha ng tiyak na impormasyon kung magiging matagumpay ang negosyo o hindi

• malaman ang mga impormasyon ukol sa mga magiging kakumpetensya (competitors) sa negosyo

Multiple Choice

Sa pagsasagawa ng feasibility study hindi nawawala ang bahagi na pagtutuos at paglalaan ng pondo, ito ay kailangan para ________________.

• makahanap ng magiging kasosyo sa pagnenegosyo

• matukoy ang halaga na dapat kitain mula sa proyekto

• matukoy ang halagang dapat ilaan ng may-ari upang maisakatuparan

• matiyak na mababayaran ang lahat ng nagsagawa ng pag-aaral at pananaliksik

Multiple Choice

Ang pagsasagawa ng feasibility study ay masasabing hindi naging matagumpay kapag hindi nito _________________.

• naabot ang mga kinakailangan sa pagtatatag ng negosyo

• nakakuha ng mga permit na kailangan sa pagnenegosyo

• hindi nakakuha ng mga tauhan sa itatayong negosyo

• nakahanap ng mga posibleng supplier ng produkto

Multiple Choice

Matapos isagawa ang pag-aaral o feasibility study ang sumusunod ay dapat isagawa ng analyst maliban sa ______________________________.

• magbigay ng detalyadong ulat sa pag-aaral na isinagawa

• magkaroon ng malikhaing presentasyon ukol sa naisagawang pag-aaral

• maglatag ng mga alternatibong pamamaraan upang maisakatuparan ang pagnenegosyo

• humingi ng karagdagang pondo para sa mga alternatibong solusyon ukol na problemang natukoy sa pag-aaral

Aralin 2-Hakbang sa Pagsulat ng Feasibility Study

Ang pag-aaral sa pagsulat ng feasibility study ay isa mga kasanayan na dapat matutuhan ng mga mag-aaral sa loob ng akademya. Ito ang isa sa mga paghahanda na magagamit ng mag-aaral sa teknikal-bokasyunal kung ninanais niyang magtayo ng negosyo matapos ang kaniyang pag-aaral sa senior high school. Sa kasalukuyang panahon o kahit noon pa man walang negosyo ang hindi nagsimula sa prosesong ito. Bawat negosyante ay nagkakaroon ng simpleng pananaliksik kung saan maaaring itayo ang kaniyang negosyo at anong produkto o serbisyo ang angkop sa isang lugar. Ilan lamang ito sa mga bahagi ng feasibility study.

At ngayon, alam kong nais mong maging matagumpay ang iyong negosyo sa hinaharap at hindi masayang ang perang ilalaan mo para dito. Tara! Simulan mo na ang masusi mong pag-aralan ang bawat bahagi ng feasibility study.

Balikan

Tukuyin ang angkop na salita na tinutukoy sa bawat bilang. Piliin sa kahon at isulat ang tamang sagot sa patlang.

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Open Ended

Tuklasin

Mag-isip ng produkto o serbisyo na sa tingin mo ay mabenta o maaaring ibenta sa mga lugar na nakatala sa ibaba. Isulat din kung bakit iyon ang napili mong produkto o serbisyo.

Open Ended

Tuklasin

Mag-isip ng produkto o serbisyo na sa tingin mo ay mabenta o maaaring ibenta sa mga lugar na nakatala sa ibaba. Isulat din kung bakit iyon ang napili mong produkto o serbisyo.

Open Ended

Tuklasin

Mag-isip ng produkto o serbisyo na sa tingin mo ay mabenta o maaaring ibenta sa mga lugar na nakatala sa ibaba. Isulat din kung bakit iyon ang napili mong produkto o serbisyo.

Open Ended

Tuklasin

Mag-isip ng produkto o serbisyo na sa tingin mo ay mabenta o maaaring ibenta sa mga lugar na nakatala sa ibaba. Isulat din kung bakit iyon ang napili mong produkto o serbisyo.

Open Ended

Tuklasin

Mag-isip ng produkto o serbisyo na sa tingin mo ay mabenta o maaaring ibenta sa mga lugar na nakatala sa ibaba. Isulat din kung bakit iyon ang napili mong produkto o serbisyo.

Suriin

Kahulugan ng Feasibility Study
Ano ang feasibility study?
Ang feasibility study ay isang pamamahala ng pananaliksik na ginagamit upang masuri kung ang negosyong may produkto or serbisyo ay maaaring bang isagawa bago ito paglaanan ng pondo o kapital. Kalimitan naghahanap ang mga negosyanteng kapitalista ng mga tagasuri sa lugar na pagtatayuan ng kanilang negosyo. Inaalam ng mananaliksik ang kalakasan, kahinaan at uri ng negosyong aangkop batay sa pangangailangan ng mga taong naninirahan sa lugar na napili. Tinitiyak ng mananaliksik o analyst na lahat ng detalyeng makakalap at mailalapat sa feasibility ay may sapat at tamang datos.

Kahalagahan ng Feasibility Study?

Sa pagtatayo ng isang negosyo mahalagang malaman kung anong uri ng negosyo (produkto o serbisyo) ang naaangkop sa lugar na napili. Bago buksan ang mungkahing negosyo mahalagang malaman ng may-ari ang siyentipikong proseso na dapat isagawa upang maging matagumpay sa hinaharap. Sa pagsasagawa ng feasibility study kinakailangan na ang may-ari o mga mamumuhunan ay kumuha ng system analyst o mananaliksik na susuri sa magiging kalagayan ng itatayong negosyo.
Sa araling ito, malalaman mo ang mga hakbang at pamamaraan sa pagsulat ng feasibility study.

Bahagi ng Feasibility Study

Deskripsyon ng Negosyo (business or project description)– sa bahaging ito tutukuyin ang ninanais o mga mungkahi na pangalan para sa negosyong itatayo kabilang ang mga taong magtatatag nito at ang inaasahang kalalabasan ng negosyong itatatag. Makikita rin dito ang mga impormasyon na nakalap ukol sa pag-aaral ng negosyong papasukin.

Bahagi ng Feasibility Study

Deskripsyon ng Produkto o Serbisyo (product or service description)– dito inilalarawan ang produkto o serbisyong nakapaloob sa negosyong itatayo. Maaaring ito ay pagkain, mga damit, gadgets, at iba pa. Ito ay batay sa mga nakalap na datos mula sa isinagawang pananaliksik.

Bahagi ng Feasibility Study

Layunin (Goals and Purpose)– sa pagsulat ng feasibility study mahalagang maitala ang mga panandalian at pangmatagalan na layunin at ano-ano ang proseso upang makamit ang mga layuning naitala. Bigyang-diin ang kahalagahan ng mga layuning ito at kung sino ang mga makikinabang. Kabilang din sa bahaging ito ang panahon na sisimulan ang pagtatayo ng negosyo hanggang sa ito ay matapos at maaari ng buksan sa publiko.

Bahagi ng Feasibility Study

Pagtutuos at Paglalaan ng Pondo (Costs and Funding) – Itala ang mga magagastos sa pagtatayo ng negosyo. Alamin ang kakailanganing puhunan sa mga produkto kabilang na ang halaga ng mailalaan sa isasagawang pananaliksik o feasibility study.

Bahagi ng Feasibility Study

Pagsusuri ng Lugar (Market Analysis) – sa bahaging ito, aalamin ang lugar na nais maging lokasyon ng produkto at negosyong itatayo. Aaralin ng mananaliksik kung magiging malakas o mahina ang kikitain ng negosyo sa pipiliing lokasyon. Titiyakin ng pag-aaral na ito na ligtas ang seguridad ng produkto at mga tauhan ng isang negosyo. Kinakailangang maitala ng detalyado ang mga posibleng banta, hadlang, at solusyon (kung kakayanin) para sa napiling lugar.

Bahagi ng Feasibility Study

Mga Mapagkukunan (Resources) – kilalanin ang mga mapagkukunan o supplier ng produkto, kagamitan, tulong teknikal. Gayundin ang ahensya na maaaring magpadala ng mga empleyado na kakailanganin sa negosyo.

Bahagi ng Feasibility Study

Mamamahala (Management and Teams) – itatala ang mga maaaring mamahala o kung kinakailangan bang kumuha ng karagdagang tao sa pagpapatakbo nito. Isa-isahin ang mga gawain na nangangailangan ng taong gaganap at susubaybay sa negosyo.

Bahagi ng Feasibility Study

Pagsusuri ng Kikitain (Estimated Profit) - ilalahad dito ang kikitain ng produkto o serbisyo sa bawat araw. Pag-aaralan kung sasapat ba ang kita sa bawat araw, linggo, buwan para tustusan ang pasuweldo, upa, puhunan, kuryente, tubig, internet connection, at aktwal na kita ng may-ari.

Bahagi ng Feasibility Study

Estratehiya sa Pagbebenta (Marketing Strategy)- ilalagay sa bahaging ito ang mga mungkahing pamamaraan na dapat tahakin upang makapanghikayat ng mga tatangkilik ng produkto o serbisyo. Isinasaalang-alang sa bahaging ito ang kakayahan ng mamimili at nakaugalian sa pagtangkilik ng produkto o negosyo. At maaari rin maglunsad ng makabagong pamamaraan ng hindi pa natutuklasan ng mamimili at tiyak na makakapukaw ng kanilang interes.

Bahagi ng Feasibility Study

Daloy ng Proseso (Process Flow) – Ipakita ang daloy sa pagbuo ng plano para sa negosyo. Maaaring gumamit ng flow chart bilang representasyon.

Bahagi ng Feasibility Study

Mga Rekomendasyon (Recommendations)– ibigay ang karagdagang impormasyon na makatutulong sa pagdedesiyon ng may-ari ng negosyo bago niya pormal na simulan ang pagtatayo nito.

Bahagi ng Feasibility Study

Apendise (Appendices)- nakapaloob dito ang ilan sa mga mahahalagang dokumento na maaaring isaalang-alang sa pagtatayo ng negosyo. Tulad ng kontrata sa supplier, lugar ng pagtatayuan, talaan ng mga permit at forms sa ahensya ng barangay, lokal, at pambansang pamahalaan (kung kailangan lang).

Kinalabasan Feasibility Study

Matapos maisagawa ang pananaliksik, dito maaaring matukoy ng may-ari kung itutuloy pa ang pagbubukas ng negosyo. Ang isang mahusay na feasibility study ay nagpapakita ng totoong senaryo bunga ng maingat na pag-aaral at pananaliksik. Narito ang dapat makita sa isinagawang pag-aaral:

Kinalabasan Feasibility Study

Suliraning kahaharapin – kung natukoy ito sa pag-aaral, kailangan pagtuunan ito ng panahon ng may-ari ng itatayong negosyo.

Kinalabasan Feasibility Study

Alternatibong Hakbangin – may iba pa bang paraan na maaaring magawa kung sakaling may maging banta o hadlang sa itatayong negosyo.

Open Ended

Pagyamanin

Gawain 1 Sagutin nang mabuti ang tanong.

Anong bahagi ng ipinakitang halimbawa na feasibility study ang nais mong baguhin at paunlarin? At bakit?

Open Ended

Gawain 2 Pagsasaliksik ng Feasibility Study sa Online

Maghanap ng isang feasibility study sa online o sa mga aklat, basahin at unawain itong mabuti. Mula sa nabasang halimbawa hanapin ang mga hinihingi ng graphic organizer sa ibaba.

Open Ended

Gawain 3 Pagbibigay ng halimbawa

Magbigay ng limang halimbawa ng negosyo at punan ng impormasyon ang talahanayan batay sa bahagi ng feasibilty study.

Isaisip

Basahin at tukuyin ang hinihingi sa bawat bilang. Piliin sa kahon ang wastong sagot.

Dropdown

​

Select answer

1. Isang pagsusuri at pananaliksik na isinasagawa upang matukoy ang iba’t ibang kalagayan ng itatayong negosyo.

​

Select answer

2. Taong kinakailangang mangasiwa ng pag-aaral ukol sa itatayong negosyo.

​

Select answer

3. Taong dapat magpagawa ng pag-aaral o feasibility study.

​

Select answer

4. Mga paraan na maaaring magawa kung sakaling may maging banta o hadlang sa itatayong negosyo.

​

Select answer

5. Mga mahahalagang dokumento na maaaring isaalang-alang sa pagtatayo ng negosyo. Ilalakip ito sa naisagawang pag-aaral.

Isagawa

Tamang Pagpapasya sa Pagbuo ng Feasibility Study

Nais kong basahin mo ang maikling kwento ni Luzviminda na tutulong sa iyo upang maibigay mo ang tamang pagdedesisyon sa paggawa o pagbuo ng iyong feasibility study.

Open Ended

Karagdagang Gawain

Basahin ang scenario at pagkatapos ay punan ng angkop na impormasyon ang talahanayan.

Ikaw ay naatasan ng iyong guro sa paaralan na gumawa ng isang pag-aaral ukol sa proyekto ng paaralan na “Project TASTE”, layunin ng proyektong ito na makapangalap ng pondo mula sa mga produktong ginawa ng mga mag-aaral sa Tech-Voc. Ang nasabing pondo ay gagamitin ng mga mag-aaral sa kanilang field immersion sa mga kilalang hotel sa bansa subalit nangangailangan ito ng malaking pondo.

Sa pamamagitan ng tsart, magtala ng tatlong konsepto ng produkto o serbisyo na maaaring ipasok sa Project TASTE base sa natutuhan mo matapos ang pansariling pagtuklas sa araling ito. Sa ikatlong kolum naman, maaaring magtala ng katanungan kung may malabong impormasyong hindi naunawaan.