basa sunda

By Ade Bunyamin

Pangaruh Globalisasi

​Kana lingkungan jeung kahirupan

Globalisasi, éta kecap téh geus mindeng disebut ku urang.
Éta kecap téh nuduhkeun kaayaan sakuliah dunya geus dianggap salingkungan.
Mun di nagara batur aya téhnik komunikasi, komputer, siaran televisi, sarua di urang ogé aya nu kitu. Urang kacida gampangna hayang nyaho naon baé nu aya di batur, anu tempatna jarauh.
Muka internet mah jol bréh baé kapangih, aya di hareupeun urang.Kaayaan tempat-tempat sadunya, anu sakitu jarauhna jadi deukeut pisan. Kawas urang jeung tatangga baé.

​Kaayaan tempat-tempat sadunya, anu sakitu jarauhna jadi deukeut pisan. Kawas urang jeung tatangga baé.
Kahirupan batur di nagara séjén nu bébas pergaulanana, modeu pakéan, kadaharan, nu teu sarua jeung kaayaan urang babari pisan pangaruhna nepi ka urang.
Loba ditarurutan sanajan teu sarua jeung adat-istiadatna atawa kabiasaan hirup di urang.
Kitu diantarana, ayana téknologi nu kacida maju, modern.
Salian ti éta, pangaruh ékonomi atawa perdagangan anu sifatna global, bisa ngéléhkeun nu aya di urang. Contona bungbuahan saperti kadu (durén), apel, jeruk, bawang, béas, jeung sapapadana, éléh ku nu jol ti luar negeri.

Draw

Tulis hiji rupa kadaharan anu lain khas asli urang Indonesia !

Audio Response

sebutan 5 bungbuahan asli ti nagara urang Indonesia !

Open Audio Recorder

Durén asli jeung jambu éleh ku durén bangkok jeung jambu bangkok, apel malang éléh ku apel california, jeruk garut éléh ku jeruk RRT. Bawang beureum nu ti Ciparay, Brebes, éléh ku bawang vietnam. béas cianjur éléh ku béas vietnam

Tingtorojol buah nu saméméhna teu aya di urang, saperti kiwi, buah pir. Kitu deui, dahareun "cepat saji", saperti burger, pizza.

Pangaruh globalisasi dina widang pariwisata, tempat-tempat wisata dibangun. Anu tadina lahan pertanian, pasawahan, dirombak jadi tempat wisata. Lahan sawah jadi nyaeutikan. Patani jadi teu nyawah. industri diadegkeun, pabrik-pabrik dibangun. Kitu deui, pabrik mobil, pabrik motor di ungal tempat. Lahan sawah, lahan kebon, beuki kurang. Hasil tatanén, paré, béas kabutuh urang ogé diimpor ka nagara urang. Nu masih aya lahan pertanian, nu ngolah sawah, patani teu aya nu neruskeun da arindit ka kota jadi buruh pabrik.

Poll

Mana kadaharan anu asli ti Indonesia !

Pangwangunan kota, jalan, jeung komplek "perumahan dihangkeutkeun. Leuweung dibukbak dipaké jalan tol. Tatangkalan ditaluaran, leuweung gundul lantaran kaperluan bahan kai kacida gedéna, balukarna alam jadi ruksak. Ku ruksakna alam timbul musibah. Jadi mindeng aya urug jeung caah. Lian ti éta loba lahan anu kakeueum lantaran dipaké bendungan, sabab urang butuh ku tanaga listrik anu dihasilkeun tina éta bendungan.

Baréto pasawahan di Karawang téh lega upluk-aplak. Paré anu dihasilkeun ti dinya bisa nyumponan pangabutuh di Jawa Barat. Karawang meunang jujuluk gudang paré. Ari kiwari di dinya jlug-jleg pabrik anu ngalantarankeun lahan pasawahan kacontang. Antukna produksi béas di Karawang nyirorot. Pikeun nyumponan pangabutuh masarakat, kapaksa ngimpor ti luar negri. Karawang anu tadina gudang béas anu jadi andelan Indonesia ayeuna mah kudu ngadatangkeun béas ti luar.

Open Ended

Diwangunna pabrik dina lahan pasawahan, naon pangaruhna kana kahirupan di dinya!

Ku lobana pabrik dina lahan sawah, loba patani anu ngaligeuh. Lantaran rék digawé di pabrik teu katarima sabab geus kolot teuing.

Tah kitu di antarana, pangaruh globalisasi kana lingkungan jeung kahirupan urang téh.

Multiple Choice

Buah lokal nu éléh ku buah impor nyaéta…

• Durén Bangkok éléh ku durén lokal

• Apel California éléh ku apel Malang

• Jeruk Garut éléh ku jeruk RRT

• Bawang Vietnam éléh ku bawang Ciparay

Multiple Choice

Béas Cianjur ayeuna éléh ku…

• Béas Karawang

• Béas Vietnam

• Béas Brebes

• Béas lokal

Multiple Choice

Conto buah nu saméméhna teu aya di urang nyaéta…

• Durén Bangkok

• Kiwi

• Apel Malang

• Jeruk Garut

Multiple Choice

Pangaruh globalisasi kana widang pariwisata nyaéta...

• Lahan pertanian beuki lega

• Patani beuki sugih

• Lahan pertanian dirobah jadi tempat wisata

• Industri jadi ngurangan

Multiple Choice

Lahan sawah jeung kebon ayeuna beuki…

• nambahan

• ngurangan